عنوان الموضوع : جيت لكن كل شي حلاته بأوله
مقدم من طرف منتديات الشامل

جيت لكــن كل شي ٍ حــلاته بأوله
. . . . مايفـــيد وينفع العــــــــذر مهما يـحتوي

وش تبي بالخــاطراللي ســلا عنك ودله
. . . .عاف ما شاف وطوى صفحةالماضي طوي

عالجت جروحي بعزم وثبـــات ومــرجله
. . . . مارجيت وقفة معــرفه ولا فـزعة خـــــوي

ان كان جابـك داعي الحب حـاول تســـأله
. . . . ليه قصــري ٍعـانق الســـحب ومبناه يهـوي

وأنت رحت من اللعانه وجيت من الوله
. . . . ارتفعت ونزلك واحــــد ِ حيــــــله قـوي

والغريب إنك تصاغر خطـــاك وتجهله
. . . . غير مــــــاكنك سلكت الطـــريق الملتـوي . . !

ولا أنا مالي خبـر بالشـقـــى والمهــــزله
. . . . شف يـدي من هــاك الايام كــاويها كوي

حملي اللي شلت من طـول هجرانك شله
. . . . ومثل مـاعليت خــــــــلك تعــل وترتوي

رح وانا ماني بشــرواك مربوط الصـله
. . . . عزتي يشمها الـذيب الأســـــحم ويعوي


>>>>> ردود الأعضـــــــــــــــــــاء على الموضوع <<<<<
==================================

-





هلابك
أنتقاء عذبُ ..سَـلم أحسآسَكٌ..’
لانحـرمنآ من طلتـك

لآخـلآ و لآعـدم

__________________________________________________ __________
مبدعّ ..
ابياات عذبهّ ..

__________________________________________________ __________


أبيات رائعة جداً أعجبتني
صح لسان من قالها وطاب نبضك



__________________________________________________ __________

‘




جميله جداَ
سلمت ذآئقتك آلمُترفه
لآ حُرمنآ هذآ آلسخآء آلرآقي آبدآ
كُل آلشكر لك
,


__________________________________________________ __________
انتقاء رائع يعطيك العافية
عل النقل الطيب



كلمات من القلب
احساس صادق وصل الينا
كلمات رائعة واحتضان لمعاني عديدة
حلقت فى اعماق النفوس البشرية
يعطيك الفين عافية
انتظر جديدك الراقى
شكرا لك