عنوان الموضوع : انت القمر والناس هذي نجومك ثامر شبيب
مقدم من طرف منتديات الشامل

السلام عليكمَ ورحمةِ الله وبركاتهَِ





سلامتك والله يحفظك ويبقيك
ويقبل دعاتك في صلاتك وصومك



ياجعلني ماذوق حزنك ولا ابكيك
يافرحة سنيني عسى الله يدومك



ليت التعب فيني حبيبي ولا فيك
وياليت يومي ينتهي قبل يومك



ودي اضم ايديك واقبل ايديك
وفرش لك ذراعي مخده لنومك



وان قمت من نومك وعيني تراعيك
سولف عن احلامك وعطني علومك



استأذنك لحظه دقايق بخليك
بروح ابشر عالمي في قدومك



في غيبتك احلم اشوفك واحاكيك
سمتني الدنيا بعدك محرومك



ياما تخيلتك بدربي واناديك
واقول : وشفيها تردت عزومك



لك وقت متغير على قلب مغليك
ماكنه الي شال عنك همومك



ابيع من عمري على الناس واشريك
لو باعتك دنياك مارخصت سومك



ماهو على شانك على شان ماضيك
مهما تسوي اعذرك ما الومك



هذا خيالي كل ما مر طاريك
والا الحقيقه عايش ارجي غيومك



اضحك على نفسي اذا قلت مابيك
انت القمر والناس هذي نجومك



حببتني في كل حاجه حواليك
مانيب من قومك واحامي لقومك



ماقول غير الله يحفظك ويبقيك
وياجعل يومي ينتهي قبل يومك





الشاعر
ثآمر شبيبَ الدقباسيَ الرشيدي

>>>>> ردود الأعضـــــــــــــــــــاء على الموضوع <<<<<
==================================

صح لساانك ولساانه
يالبى بني عبس
مافي غريب عليهم
يعطيك العافيه ع النقل ,,

__________________________________________________ __________
تسلم يمناااك على الطرح الرااائع

تشكراااتي لكـ..

__________________________________________________ __________
كلمات جداً جمييييله

تسسسلم الايادي

بأنتظارجديدك

__________________________________________________ __________
المشاركة الأصلية كتبت بواسطة مسويه يعني اني
صح لساانك ولساانه
يالبى بني عبس
مافي غريب عليهم
يعطيك العافيه ع النقل ,,

اسعدني مرووورك ياغلاي

__________________________________________________ __________
المشاركة الأصلية كتبت بواسطة عذوووبهـ
تسلم يمناااك على الطرح الرااائع

تشكراااتي لكـ..



عطـــرتي صـــفحتــي بمروووركــــــ