وأنا أتجرع فـالشوارع لعنـة التهجيـن
........................... وأضم جدران السنين لصـدري الخالـي
العمر شاخ , ومروا الأحبـاب متقفيـن
........................... لا الناس هم ناسك , ولا لك بالعرب والي
لازلت وحداني ورا المجهول يا مسكيـن
........................... تقتات خبز الأسئلة فـي كوخـك البالـي
تسأل نهايات الشوارع : ليه مـا تبكيـن
........................... وأنا معاك أبكي على اللي طاح من بالي
أحس في قلبي صراخ أطفـال متعذبيـن
........................... يبكون طول الليل .. والموت يتهيـا لـي
أبا أقطع الدرب الطويل الممتلي بالطيـن
........................... مادام ليل الوقـت متمـرد علـى حالـي
وأبا أكتب أشعاري على الجدران بالسكين
........................... مادام هالجدران صكـت بابهـا قبالـي
أنا التمرد فـي عيـون السيّـد التنيـن
........................... وأنا البراءة في عيون الصبح وأطفالـي
وأنا الحزين اللي بكى من جفوة الغاليـن
........................... من يوم خلوني ورا ليـل الشتـا لحالـي
وأنا على سيف العنا أمشي بـلا رجليـن
........................... والذكريـات تمـر قدامـي وتبـرالـي
حتى الأمل منفى
وجروحنا عمر..
مااظنها تشفى... !
يعني الأماني جمر
لاجا الشتا.. يطفى !
( ليت المنافي تجمع ثنين صدفه ! )
دام الوجع شوك نمى بالمحاجر
ويشفى خفوقٍ كلما زاد نزفه
أحس كن الروح مني تهاجر.. !
أصبر ولا من التعب رف طرفه
اضم صمتي في ضلوعي خناجر.. !
وانتـظار ..!
وأنتظر
واحتضار
واحتضر.. !
وأش عاد باقي ياصبر.. !؟
قلي تعبت من المرار
وأشهو الفرح ..!
واشهو الأمل
وأشهو الفجر.. !
واشهو الشعر والاغنيات.. !
ودي أسألك ياهالصبر
دام إنها أحلامي شتات
ليه أشربك وأسكت قهر .. !
يعني تبي قلبي يقول
إن كلها أحزانه قدر .. !
قدر ..
قدر ..!
ويهزني صوت الوجع وأنثر أعذاري
للي نشدني ليــه مـانامت عيوني.... !
مايدري إن الحزن من جملة أقداري
وإنه رفيق القلب ومخاوي لحوني .... !
اقول في نفسي وأنا اصد واداري
دمع القهر لابان مابانت طعوني .... !
احاول انقش في يد الحلم تذكاري
لجل إن مضى هالعمرمايندثر لوني .... !
ياتي خريف الصمت ويعري اشجاري
ويمد لونه بين هالموق وجفوني .... !
وأدري إن شتاي أطول من أيام مشواري
وإني باذوق الموت منه على هوني .... !
وإني لو أكسر غربة الروح باشعاري
مااقدر على من في دجى الضيق خلوني.... !
قلبي يظل لخاطر احلامه الشاري
لوكل حلمٍ راح والكل باعوني.... !
يعني يجف العمر ماجفت امطاري
غيمة غلاي تظلل الحلم بعيوني .... !
تضيع السوالف كل مـا مرّنـي طاريـه
......................... وانـا كـل طيـف يمرّنـي مـا تعدّانـي
ليا من سألني عاذلي قلّـت لـه مابيـه
............................ اخـاف العـواذل يمّنعونـه ليـا جانـي
زماني بدونه مثل حاضـر بـلا ماضيـه
.......................... وعمري معه يبقى لـو ان العمـر فانـي
تعبت احّفظه بالذاكـره والزمـن يمّحيـه
.......................... تعبـت اكتبـه وعيـون الأيـام تقرانـي
كثر ما يموت الحب في خافقـي وأحييـه
.......................... أحبّه كثـر مـا مـتّ بـه والله أحيانـي
أحبّه كثر ما كنـت أقـول القصايـد فيـه
........................... أحبّه كثـر مـا قـال صـح الله لسانـي
أحبّه كثر ما كان يزّعل وكنـت أرضيـه
.......................... أحبّه كثـر مـا كنـت أحبـه ويجفانـي
عليه الصدّر شبّ أوّلـه واحّتـرق تاليـه
........................... وعليه الغـلا يآمـر شعـوري وينهانـي
من سنين للحين أذّكـره مانـي بناسيـه
........................... وهو بين يذكرنـي ومـا بيـن ينّسانـي
عرفت ان من هو ( فاقد الشيئ لا يعطيه )
.......................... مثل ما عرفت ان الهوى درّس مجّانـي !
كل حزنٍ ضـــــــــــل دربه دل دربي
مو بكيفي لكن دروبي حزينـــــــــه !
كــــــــم تلحفني شتاي وداس قلبي
واغترف دمعي وانا روحي سجينه !
جيت أنا أسال هالعمر وش كان ذنبي
يوم حزني حطني في وسط عينــــه !
ليه جرحي مايجــــــــــف الابشربي
يشرب عروقي ويسقيني الغبـــــينه !
ليه حلمي بالفرح خان وكــــــفربي
ماالتفت لي يوم اصيح العيد وينـــه !
وين وين العيد ياحـــــــلمٍ سكن بي
كيف تتركني معا موتي رهيــــــنه !
كيف تذبح من على عيـــــنك تلبي
كيف هذا الحب في عيني تهيــــــنه !
وانت ماتجهل غلاك وصدق حبي
تدري انك بالعمر غالي سنـــــــينه !
ياعذابي دام طـــــيفك من غدربي
وياعذابي من جروحٍ مستـــــكينه !
تلهب بصدري وصاليها سهربـــــي
لين قضت مضجع القلب بونينه !
مابقى بالليل همٍ مااحــــــتفل بي
خانت الريح وهوت فيني السفينه !
فله لـ طهر قلوبكم 
رد مع اقتباس
