عنوان الموضوع : النار تحـرق .. بس بعض احيان لسْـعتها شفا
مقدم من طرف منتديات الشامل








صبآآآح الورد









لا يالشـتا .. ويش آخـرة هالحاله؟ الله مبـْردك
العـام هـذا كـنّ بـردك زاد .. ويقولـوا: دفا




مـدري أنا اللي صحْ؟ ولاّ هُـم؟ لكـن أوعـدك
إني إذا حـلّ المسـا بغْـفي .. وانا اللي ماغفا




منذ احتلال الحب لاحساسي وانا اللي عـوّدك
أسهر .. ولي مصباح من عشتك ونوره ماطفا




هالحين .. ماعِدني على خُبرك هـذاني برقدك
تصبح على خير.. وتفقّـدني.. وصوّت لي: أفا




يمكن تصحّيني .. ويمكن لأ .. ويمكن أفقـدك
أو يمكن اتشبّـث بذكرى جرح واصرخ لك: كفا




ماعاد لي رغبه أعيش امسك وافكّـر في غـدك
رزنامة ايّـامك عـذاب .. ومابها ساعة صفا




شِفني أقـاوم زمهريرك وارتمـي في موقـدك
النار تحـرق .. بس بعض احيان لسْـعتها شفا




بردان انا .. والشعـر ماعاده على حطّـة يدك
نفس القصايد.. والسبب فـ"المُـلهم" اللي إختفا




ليته خذاني .. كان ماجيت ارتجف واستنـجدك
والاّ خذاك احسن .. ولاَ البرد بضلوعي إحتفا


إشتقت له .. تكفى جِـبَهْ ذا الليل وابشر بسْـعدك
يبقى على مرّ الحنين .. اعزّ واغلى من لفا


وإنْ مارجع ويّـاك فاعذرني .. تراني بنـقدك
واقلبْـك من فصل الرومنسية إلى فصل الجفا



لصار مالي حظ فيك ادفـى .. يجوز استبعـدك
عندي ثلاث فصول تغْـنيني .. وعنْك الله عفا


إرحل .. ولا ترجع مثل ما اليوم جيت بمُـفْردك
إنْ كان لك عوده .. تعال وجِبْ لي احباب ووفا


وبيومها .. لو يشتكون الناس وقالوا: مبْـردك
ضمّيت صدر اللي أحب .. وقلت: يازين الدفا





ودي للجميييييييييييع

>>>>> ردود الأعضـــــــــــــــــــاء على الموضوع <<<<<
==================================

روعـــــــــــه
عوافــــــــــي

__________________________________________________ __________
وبيومها .. لو يشتكون الناس وقالوا: مبْـردك
ضمّيت صدر اللي أحب .. وقلت: يازين الدفا


<<اويييييييييل حااالي انــا

قِصيدَه تستحِق ان تُنقَش على الذهَب
عانقَت حدُود السمَاء شمُوخ وجزَاله
من اجمَل ماقرأت
استمتَعت بالقرَاءه بين حنَايا هذهِ الفاتنَه
الفِين صح قلبِك وفكرِك
ودُمت عنوَان للتألّق


تحياتي لكـ.....

__________________________________________________ __________
ابيات رائعه كروعتك يالغلا

تسلم ايدك على النقل الجميل

والله يعطيك الف عافيه

لك ودي واحترامي

عذبوك بقلبي



__________________________________________________ __________
كفو والله وصح لســـــــــأن قايلهــــــــــــــأ ^_^

وتسلم يمنـــــــــــأك وكلك ذوووق

مع خالص احترامي

>||<بحـــــــــــــــ القواااااااااااااااافي ــــــــــــر>||<

__________________________________________________ __________

لصار مالي حظ فيك ادفـى .. يجوز استبعـدك
عندي ثلاث فصول تغْـنيني .. وعنْك الله عفا


رائعه دائما انفردتي بذائقه فنيه
راقت لي
يسلموووو
ودي