عنوان الموضوع : لله عليها يومها قامت تخطرا ياحمد
مقدم من طرف منتديات الشامل






من سلسلة افكار ابو الطيب اذا شفت الأسد
.................... يظهر لك انيابه ترا مهوب يضحك يا غبي

ومن سلسلة افكاري الكنز الحقيقي ينوجد
....................... في محكم الآيات مع ثابت احاديث النبي

مقدمه / من بعدها ياعالم الشعر استعد
...................... ودي على بحرك اناور هالرياح بمركبي

القصه الي قالها عود ٍ على مسمع ولد
..................... عن درة ٍ للشعر في بحر المشاعر تختبي

كبرت براسه لين ما لحدودها يلحق احد
...................... ما تكبر ابدا ً يابحر لكن كبر فكر الصبي

اببتعد عن هالشواطي وابتعد ثم ابتعد
............................ لين اتوسط لجتك فيها ادور مطلبي

الدره اللي يابحر غيبتها طول الامد
......................... جيتك ابيها حطها في لحيتي او فشنبي

والله ما اعود دونها واقولها وانا فهد
........................... ياتجيبها بالطيبه يا اخذتها منك سبي

تهلل البحر المهيب وموجه الثاير ركد
......................... وناديتها يالغايبه صوتي يناديك اقربي

من اعمق اعماقه عطانيها وزودها بعد
...................... اخذت منه اسرارها وسر الكلام اليعربي

بحر الشعر ما يعترف الا بشاعر معتمد
....................... من فطرة ٍ ربي خلقها فيه من قبل يحبي

عودت للشاطي بعد ما جبتها يالي قعد
.................... ومن حولت في مهجتي نسيت همي وتعبي

ويش البدر نصف الشهر ايلا تكامل بالعدد
.................. قالت لي ارحب قلت يابعد التراحيب ارحبي

الله عليها يومها قامت تخطرا ياحمد
....................... نذر ٍ علي اعيبها لو جبت تشبيه الضبي

قامت تهامس داخلي اجمل حكايات الوعد
...................... كل ما التقينا ما تقول الا فديتك وش تبي

ساهرتها تلعب وليلي من عرفها ما رقد
........................ لااقبل صباحه ابتدا من اوله قال العبي

تسقيني الي ما اختمر مزجة عناقيد السعد
................... وتعقد من السحر الحلال الي يوافق مذهبي

ان صبته قلت اسكرت وان ذوقت مثل الشهد
............... اليا انسكب مثل الشفق في خاطري قلت اسكبي

وان جت على اوراقي تسابق هالسطور وتجتلد
................... كل سطر يقفز صاحبه ويقول هاتي واكتبي

ولا وقفت رقصاتها فوق الورق كل شي جمد
................. خيم حزن حتى الورق يصبح مزاجه عصبي

ترى القصايد كالذهب يحتاج صايغها جهد
...................... يالي تسومون الذهب لا تبخسوني بذهبي

ومن سلسلة افكار ابو الطيب اذا واحد قصد
..................... ماهزتك قصيدته فهو على الشعر اجنبي





فهد بن محمد


>>>>> ردود الأعضـــــــــــــــــــاء على الموضوع <<<<<
==================================

[IMG]https://mostafasaid82.jeeran.com/ط§ظ„ط*ط¨%20ط§ظ„ط§ظˆظ„.jpg[/IMG]



وعلى مدى الأيام ماقد لمس فيني المشاعر
الا ذاك اليوم .. يوم انك معي
يومها كان الوداع
وكان البحر دفتر والموج بيت من شعر
وبيتٍ ورى بيت .. وموجه ورى موجه
تكتب قصيدة حبنا

__________________________________________________ __________
صح لسآن شآعرهـآ ,

ولاهآن من نقلهآ

رآق لي .


تسسسلمي

__________________________________________________ __________


__________________________________________________ __________
روعـــــــــه
عوافــــــــي

__________________________________________________ __________
كبرت براسه لين ما لحدودها يلحق احد
...................... ما تكبر ابدا ً يابحر لكن كبر فكر الصبي

اببتعد عن هالشواطي وابتعد ثم ابتعد
............................ لين اتوسط لجتك فيها ادور مطلبي

الدره اللي يابحر غيبتها طول الامد
......................... جيتك ابيها حطها في لحيتي او فشنبي

************

تهلل البحر المهيب وموجه الثاير ركد
......................... وناديتها يالغايبه صوتي يناديك اقربي

من اعمق اعماقه عطانيها وزودها بعد
...................... اخذت منه اسرارها وسر الكلام اليعربي

بحر الشعر ما يعترف الا بشاعر معتمد
....................... من فطرة ٍ ربي خلقها فيه من قبل يحبي
****************

روعه الأبيات ذي احساس البحر مع الشعر احساس غير

مثلي انا اخترت بحر القوافي .......القوافي البحرروووووووووعه

مع خالص احترامي لك

>||<بحــــــــــــــــــــ القواااااااااااااافي ـــــــــــــر>||<