عنوان الموضوع : ديوآن الشآعر مانع الوآيلي..
مقدم من طرف منتديات الشامل

مسآء الزهر يحدو حول اروآحكم’,

:
:
آعجبتني قصآئدة,,
فطرحتها بين آيديكم
علهّآ تروي حسكم الفآتن’,
لكم الود’,

:
:
(الضيقة)



الضيقه اللي في الصدر تبتليني
يالله تفرجها ليا صرت ضايق
اللي على طول الزمان أتحديني
وأن روحت ماتاخذ الا دقايق
وترد للصدر الكتوم الحزيني
مدهالها بدت صدور الخلايق
متراوحه مابين صدري وعيني
كن بيننا حلف وعهود وثايق
وان جاتني قمت اتغنى الهجيني
لين العيون تصير منها غرايق
متى على الله تنفرج ماتجيني
وفلهاوارتاح وصير رايق
مليت من كثر الشقا والحنيني
وهي للفرح صارت كذا شبه عايق
ادري سببها من جنايت يديني
وذيك اللي بقلبي تشب الحرايق
بنت(ن)خذتني فالهواء من سنيني
وحلت ورا عوج الضلوع الغلايق
ان اقبلت شفت الفرح يحتويني
وان روحت صار الفرح غير لايق
ايضيق خلقي ويتزايدونيني
ويسوقني من جاير الهم سايق
والله لو أن ادري متى باتجيني
لفرش لها الدنيا زهور وحدايق
والضيقه اللي دايم(ن)تبتليني
والله لودعها ولا أصير رايق



:
:
:


(شوارد فكر)


لاتطري الفرقاء وأنا ميتٍ فيك
تكفا دخيلك لاتنوي القطاعه
ياروح روحي وين بالله اوديك
مادام حبك فاق حب الجماعه
أنت الامل وأنت السعاده لمغليك
وأنت بحياتي شي صعب أمتناعه
يعني ببيع الكون كله وبشريك
يأغلى بشر فالكون واغلى بضاعه
شفني هنا واقف وصوت وأناديك
تعال قلبي زاد فيه اللتياعه
مدام ريضان الحشا هي مواطيك
تكفا تربع فوقها كل ساعه
وداعب خفوقي واحرقه بين أياديك
خله يموت من الدلع والمياعه
عشان لامن مر بعدين طاريك
أيفزلك ويقول سمعٍ وطاعه
يعني أبيه ايخلد أسمك وماضيك
وينقش على وجه الزمن لك وداعه
يامن شوارد فكر مانع تلبيك
وتنثر على وجه الورق لك متاعه
قصايدٍ بسمك ورسمك ومافيك
من هاجسٍ لطراك يفلت شراعه
ويعلق بجيد الشعر لك ويحييك
قصايدٍ من قدح فكري وقاعه
ترقا سماء للبداع كله وتعطيك
شئٍ على الشعار صعب أختراعه
مرات اجي وارثيك واحييك وارثيك
ومرات اجي وسلطنك وبقناعه
خليتني مبدع عساالله يخليك
ونثرت من لبداع صاعه وباعه
من يوم جيت بدنيتي يامحاكيك
خليت لي بصمه على كل قاعه
ورقيت في عالم يحليه طاريك
ياغلى بشر فالكون واغلى وداعه



:
:
:


(في غيبتك)

على الساحل اللي كل ماضقت فيه ادوج
وبث الهموم اللي على القلب ملتاجه
وعبر بحاسيس المشاعر عن المنتوج
وهل القصيد اللي تعنيت بنتاجه
لفيتة ولا ادري ويش خلف الضلوع العوج
وقفت كني فاقد ابساحلة حاجه
جذبني الهواء الغربي معه يوم هاج الموج
وقامت تصافق غبت البحر بمواجه
ورميت بمجاديفي ونويت فبه اسوج
ونزلت بغزيرن مابعد واحدن ساجه
نزلته بجرحن فالحشا مارضي ايموج
ومن غبته جريت قافي ولا ماجه
وكله سبايب جادلن ماتحط الروج
ترا شوفها هو بلسم الجرح وعلاجه
لمنها اقبلت كنها تقود سرايا فوج
تشابه عقيدن توهم علقوا تاجه
رزينه ثقيله مقبله دربها مفروج
تمايل بعودن راوين مكتمل عاجه
كفايه لامنها سلمت قلت يالمدعوج
عليك السلام ورحمة الله لحجاجه
وقبل الهروج اتجر ياصاحبي اهروج
ابستاذنك والهرج يبقى لهراجه
تفضل وشوف الجرح في ضامري مسهوج
ونار الفراق اللي على القلب وهاجه
وشوف الحزن والضيق والهم بي اتلوج
ونور السعاده والفرح طافي اسراجه
وحبن على عهد الوفاء صار بث ابروج
وانا خايفن لا تنقطع عني ابراجه
في غيبتك هذي حياتي وسط كتلوج
محروم عايش فاقدن فلت احجاجه
واليوم جيت وفكها بابها مزلوج
مافيه غيرك يقدر يفك مزلاجه
خل الصدر مرباع لفراحنا وفجوج
وداو الجروح اللي على القلب ملتاجه
ولكن طلبتك لاتقفي بدون ابروج
ولاقفيت تكفى حبنا زود ابراجه

>>>>> ردود الأعضـــــــــــــــــــاء على الموضوع <<<<<
==================================

(وين أنت)
:
:
:


وأين أنت غايب لعنبوا حيك أبطيت
وأنا أحترق من لهفتي لك وأعاني
ياصاحبي مليت مليت مليت
وأنا أتحرى شوفتك لو ثواني
تعال شوف بغيبتك ويش سويت
تعال شوف بغيبتك ويش جاني
والله لو تشوف حالي لما جيت
ماعاد تطري غيبتك يوم ثاني
هم وعذاب وجور حزن وتناهيت
وونه تزعزع خافقي من زماني
هذا أنا في غيبتك يوم قفيت
يلي مكانك نازح(ن)عن مكاني
ناديت لاكن مانفع يوم ناديت
صديت عني يوم غيرك دعاني
أدري تبي عني تغلا يباللفيت
لاكن قسم بالله ماجيك عاني
بس أعرف أنك كان طولت ماجيت
أني معلق بك حلوم وأماني
وأني أنتظر وأنكان ماعاد رديت
فماني مدور بعدك أنسان ثاني
لأني أحبك صدق وأنكان موفيت
بظغط على نفسي وأعاتب كياني
وأكبر دليل أني بعد ماتغليت
ماجيت لك معدم شعور وأناني
لاكن تعال أعلمك أنك أبطيت
على عيوني يابعد من هواني
وأني أحبك صدق وأنكان ماجيت
فماني مدور بعدك أنسان ثاني






:
:
:


(آبتهال)


الزمن دايم يجي بالمصايب والهوال
والقصص من كل دار وبلد نسمعبها
والكوارث والجرايم تجي من كل جال
المصايب كلها ذا الزمان يصبها
بس والله مابعد هزني مثل أبتهال
طفلة(ن)كل العرب وقفت من سبها
وشغلت شبه الجزيره عليها بالسؤال
من سواحل شرقها لي سواحل غربها
القلوب تحن من بعدها والدمع سال
والفكر سارح ولرواح تبغا قربها
والقضيه طولت والغياب ابطا وطال
والسبايب غامضه ماتبين دربها
الله اكبر يازمان الشقا والاحتيال
ليه تخذها من احظان ناس تحبها
وليه تحرمها حنان الابوه والدلال
وليه تحرمها السعاده وتكسب ذنبها
جعل من كان السبب في شقاوتها يزال
مثل ماولع عليها القلوب وشبها
ادعي الله وطلبه ورتجي منه الوصال
انه ايرد الصغيره ويسعد قلبها
لبيت منهو ينتظرها على حد الهبال
خل منهو يرتجي شوفها يطربها
والله انها كل ماأطرت على البال أبتهال
قامت عيوني تهل الدموع بسبها




:
:
:


(صفر سبعة)


يفز الخفوق اذا سمع نفمة الجوال
على شاشتة رقم البداية صفر سبعة
علا زر فتح الخط دقيت فالنقال
هلا مرحبا يالمتصل من بلد ربعة
وسلم وانا رديت ثم قال كيف الحال
علومك عساها طيبة بعد ذا القطعة
نسيت اوقسيت او ذكرنا مايجي فالبال
تقفي ولا تسئل عن اللي طفي شمعة
بخير احمد اللة والذكر باقي او لازال
ولاكن ظروف الوقت والوقت ذا طبعة
جبرني علا الفرقا وجوالي استقبال
ونار الولة والشوق فالصدر مرتفعة
ادق الرقم كل يوم محظور من لرسال
واضرب صفر وثنين من قبلها تسعة
الوو مرحبا تكفون ياشركة الجوال
دقايق عطوني خط ودبل علي دفعة
ابا كلم اللي لة بوسط الحشا منزال
حسين الدلال اللي لة الروح منقطعة
ودار الحكى بيني وبينة وقلت وقال
يسولف وانا واقف عل الخط مستمعة
سواليف حبن تجلي الهم والغربال
وتشفي القلوب اللي علا الحب مجتمعة
وعطاني وعد والدمع من وسط عيني سال
يقول انتظرني بتصل ليلة الجمعة




لكم آرق التحآيآ

__________________________________________________ __________
أسجل أعجابي برائعتكٍ
أهدينا دائما ًمن جنائن بستانك

__________________________________________________ __________
روااااااائع
تســلـــــم يــــدك
تقبــــلـــــي م ـــــروري

__________________________________________________ __________
ويستمر هطول الاحسايس الجميله
عند قدوم اغلى مشرفه
سلمتي يامذهله لطرحك الرائع
دمتي كما تحبي
^_^

__________________________________________________ __________
\\
يسلمووووووو

كلمات في قمة الرووعهـ و الجمآاآاآل ...~

سلم لنا ذووقكـ الرآآقي ,,

\\


*
....
كلمات رائعه واحساس راقي جدا

أبدعتي بطرحك
ارق التحايا لــك
....
*