عنوان الموضوع : كم فرقت مابين غالي وغالي
مقدم من طرف منتديات الشامل

يقـول مــن عـــدّا على راس عالي =رجــمٍ طــويـلٍ يدهـله كل قرناس

فـي راس مـرجـومٍ عـسير المنــالى =تلعب بـه الأرياح مع كل نسناس

في مهمهٍ قفرٍ من الناس خالي =يشتاق له من حس في القلب هوجاس

قـعـدت فـي راسه وحـــيد لحــالى =براس الطويل ملابقه تقل حراس

متذكرٍ في مرقبي وش غدالي =وصفقت بالكفين ياسٍ على ياس

أخذت اعد ايامها والليالي =دنياً تقلب ما عرفنا لها اقياس

كم فرقت مابين غــــالى وغـالى =لو شفت منـهـا ربـح ترجــع للافلاس

يا ما هفا به مـن رجــالٍ مـدالـــى =مـا كـنّـهـم ركبوا على قب الافــراس

ولا قـلـطوهـن للكمـــين المـوالـى =ولا صـار فـوق ظـهورهن قطف الانفاس

ولا رددوا صم الرمك للتوالي=كلٍ يبي من زايد الفعل نوماس

مــن بينهـم سمر القنا والســـلالـى =مـثـل البـروق برايحٍ ليله ادمـــاس

يقطـعـك دنـيـا مـا لـهـا أول وتالى =لـو اضـحكـت للغبن تقرع بالآجراس

المستريح اللي من العقل خالي=ماهو بلجات الهواجيس غطّاس

ماهوب مثلي مشكلاته جلالي= ازريت اسجلهن بحبرٍ وقرطاس

حملي ثقيل وشايله باحتمالي=واصبر على مر الليالي والاتعاس

وارسي كما ترسي رواس الجبالي=ولا يشتكي ضلعٍ عليه القدم داس

يـا ابـجـاد شـب النار وادن الـدلالى =واحمس لـنا يـا ابجاد ما يقعد الــراس

ودقه بنجرٍ ياظريف العيالي=يجذب لنا ربعٍ على اكوار جلاّس

وزله إلى منّه رقد كل سالي=وخله يفوح وقنّن الهيل بقياس

وصبه ومده ياكريم السبالي=يبعد همومي يوم اشّمه بالانفاس

فـنـجال يغـدي مــا تـــصور ببالى =وروابـعٍ تـضـربْ بها اخماس وأسداس

لاخاب ظني بالرفيق الموالي= مالي مشاريهٍ على نايد الناس

لعـل قـصر ما يجيلــــه اظلالــى =يـنـهـد من عالى مبــانيــه للساس

لا صـار مـا هو مدهلٍ للـرجـــالي =وملـجـأ لـمن هو يشكى الظـيم والباس

بـحسـناك يا منشى حقــوق الخيالى =يـا خـالق اجـناسٍ ويامفــنى اجـناس

تجعـل مـقـره دارس العهــــد بالى =صـحـصاح دوٍ دارسٍ ما به أوناس

البوم في تالي هدامه يلالي=جزاك ياقصر الخنا وكر الادناس

مـتـى تـربع دارنـــا والمـفــالى =تخضر افياضٍ عـقـب مـاهيب يباس

ونشـوف فـيـه الـديدحــان متـوالى =مثـل الـرعـاف بخصر مدقـوق الالعاس

ينثـر عـلى البيـداء ســـوات الزوالى =يشـرق حـمـارة شرقة الصبـغ بالكاس

وتكبر دفوف معبّسات الشمالي=ويبني عليهنّ الشحم مثل الأطعاس


محمد الأحمد السديري

>>>>> ردود الأعضـــــــــــــــــــاء على الموضوع <<<<<
==================================

الله عليك علي النقل الابدااااااااع ذوووق يالغالي

تحيااااااتي لك اختك شيهااانه

__________________________________________________ __________
رائع ــه
تسلم يدك
تقبل مروري

__________________________________________________ __________
ابيات رائعه
يظهر فيها حس شاعري جميل ومرهف
عزفت على اوتار الاحساس
صح لسان شاعرها
وسلمت يمين ونبض احساس ناقلها


__________________________________________________ __________
صـح لسان شاعرها ولا عدمنا ناقلها

كلمات رائــعـــه كــروعـــت حـضــوركـ

مررت من هنا لكي أزرع أعجابي بين حـروفــكـ

ودمـــت بخــــــير

تحـــيــــــتي لك

__________________________________________________ __________
سلم بنانك على ذائقتك واختيارك
دام لنا بإبداعك
كل الشكر لجمال انتقائك
لا حرمنا اطلالتك التي طالما أنارت منتدانا
وسامرت قلوبنا
لروحك جنآئن من الورد

تقبلي مروري


قصيدة رائعه وإنتقاء أرووع
سلمتَ وسلمت روحك المبدعه
راقت لي كلماتك
الله يديك الف عافية
مودتي لكَ