عنوان الموضوع : صار عشقي لك روايه في يدين ألفين قاري
مقدم من طرف منتديات الشامل



:,/
مسآئكم / صبآحكم كما تحبون ..
قصيدة لا تقبل القسمة على أثنين ..
رآقت لي وهأنذا أضعها بين أيديكم ..
؛
؛
جيت واشواقك تسابق لهفتـك والحـب سـاري
وجيت انا والشوق فيني من لهيب الحب يسـري

ياهلابـك كثـر حبـي وكثـر ماهيّجـت نـاري
وكثر ماسالت جروح الحب وبعـادك بصـدري

يعلم الله بأشتياقـي وانـت عـن هالشـوق داري
ويعلم الله لو سهيـت القـاك تفكيـري وفكـري

ويعلم الله موت احبك واعتبـر شوفـك فنـاري
ولو ظروفي في يديني ماتركتك وانـت عمـري

آآآه لو تدري بعادك وش ترك لي فـي مـداري
وآآآه لو تدري غرامك وش حفر لي وسط سطري

ماترك بعدك بدربـي غيـر لوعـات انتظـاري
وماحفر فيني غرامك غير حبـك وانـت تـدري

ياعديل الـروح حبـك صـار بأيامـي شعـاري
وصار بيدينك شعوري وصرت تحكم كل امـري

ايـه احبـك بـس والله مأحـبـك بأختـيـاري
صرت كلي فيك هايم واعشقك والعشـق عـذري

صار عشقي لك روايه في يديـن الفيـن قـاري
سطْرها دمي. ودمعي ياحبيـب القلـب حبـري

وصرت اشوفك ف المرايا تنعكس لي في جداري
كـل مالديـت شفتـك ياسنـى ليلـي وفجـري

وصرت اشوفك في منامي حلم وطيوف ومواري
وان صحيت القا خيالـك يحترينـي دوم بـدري

والذي سواك مابه مـن قـدر يوصـل وقـاري
غير حبك هـز روحـي ليـن خلاهـا تهـذري

شوف كيف الحب خلّا غصني من الشوق عـاري
شوف كيف البعد ولّع في عروق القلـب جمـري

شوف كيف النوم هاجر والسهـر عقبـه يـداري
شوف كيف الجرح ينزف يوم طحت وزاد كسري

كـل هـذا ماعرفتـه قبـل احبـك يامـنـاري
كنت انام الليل كلـه كنـت ماضيعـت صبـري

لكن اليوم اختلفت وتهـت فـي سكـت مسـاري
لين سافرت بغرامـك مـع الـم قلبـي وقهـري

وآآآه ليتك تحتضني واحضنك فـي كـل طـاري
كان عشنا في سعاده وانتهى هجـرك وهجـري
؛
؛
كل الود لقلوبكم ..




>>>>> ردود الأعضـــــــــــــــــــاء على الموضوع <<<<<
==================================

إختيااار جميل وموّفق


رآقت لي أيضا"


صح لسان شاعرها ويسلم إحساس ناقلها


,,, تقبلي تحياااتي ومروري


__________________________________________________ __________
روووووووعهه يامشاعل

تسلمين

__________________________________________________ __________
مشااعل كلمااات ولا احلى
يسلموووو

__________________________________________________ __________
شوشو
هناك بعض الوجوه تعلق بذاكرتنا دائماً
وهناك من لا تشعر بوجودهم ابداً
وانتي وبكل تأكيد من الصنف الاول
كعادتك مبدعه واكثر
همسات تجبرنا على تسطير اعجابنا بها
انظر جديدك بكل شوق
رعاك المولى اينما تكوني
ورود النرجس لروحك
حزونه


__________________________________________________ __________
قصيدة رائعه
راق لى منقولك
الله يديك الف عافية
مودتي لكِ


احساس رائع ونبض جميل
اختيار كان بالقمه
سلمتي لطيب اختيارك
ودي
^_^