عنوان الموضوع : ديوان الشاعر الأمير عبدالعزيز بن محمد بن عبدالعزيز آل سعود (( الساامر )))
مقدم من طرف منتديات الشامل
صبااكم .... مسااكم ....أجمل ...
حبيت يكون عندنا ديواان للشاعر الأمير عبدالعزيز بن محمد بن عبدالعزيز آل سعود
(( الساامر )))
وهذي نبذه عن حيااة الأمير منقوله من منتديات السامر
؛
؛
هو صاحب السمو الأمير عبد العزيز بن سعود بن محمد بن عبد العزيز آل سعود
من مواليد مدينة الرياض
تلقى التعليم الابتدائي والمتوسط والثانوي والجامعي بمدينة الرياض
لقبه خادم الحرمين الشريفين يحفظه الله بشاعر آل سعود
حاز على لقب أفضل شاعر لعام 1995 م في منطقة الخليج
وفقاً لاستطلاع أجرته مؤسسة إعلامية كويتية وشارك فيها
قرابة ألف مثقف من دول مجلس التعاون الخليجي
صدر ديوانه الأول تحت اسم مشاعر السامر
صدر ديوانه الثاني تحت اسم حرائر السامر
صدر له مؤخراً ديوان " نظائر السامر " مترجم للغة الإنجليزية وجميع ريعهما خيري
أول من أقام أمسية شعرية في مهرجان الجنادرية الوطني
أقام عدة أمسيات في جميع مناطق المملكة العربية السعودية
أقام عدة أمسيات في دول عربية
لقب بفارس أمسيات 2017م بكل جدارة
لقب في عام 2017 بأمير الأمسيات
أشاد بشعره عدد من الملوك والحكام وأولياء العهود والوزراء والمؤرخين والدكاترة والأدباء
له الكثير من المسجلات الشعرية مع كبار الشعراء أشهرها مع
سمو الشيخ زايد بن سلطان آل نهيان رئيس دولة الإمارات العربية المتحدة
وكذلك مع الشيخ محمد بن راشد آل مكتوم وزير الدفاع بالإمارات العربية
وولي عهد إمارة دبي ومع سمو الشيخ سلطان بن زايد آل نهيان ومع
سمو الشيخ راشد بن عيسى بن سلمان آل خليفة
تغنى بشعره أهم وأشهر فناني السعودية والخليج والدول العربية واستطاع
من خلال ما يكتبه أن يحقق انتشاراً واسعاً
قدم الكثير من الأوبريتات الوطنية
كتب السامر قصائد في الوطن وفي إنجازات خادم الحرمين الشريفين
وفي الثنياء والحماس والحكمة والفلسفة والغزل والرثاء
وفي جميع أغراض الشعر المختلفه
بدأت علاقته مع النشر عام 1402ه
يقول الأمير الشاعر عبد العزيز بن سعود "السامر" عن بدايته مع الشعر
بدأت علاقتي مع الشعر منذ وقت مبكر من حياتي كنت بداية أحفظ قصائد
والدي سمو الأمير سعود بن محمد وكان كثيرون
يستكثرون عليَ ذلك الحفظ بسبب حداثة سني
يعتبر نفسه من الذين تخرجوا على يد والده سمو الأمير سعود بن محمد آل سعود،
والذي يعتبر بحق من رواد الشعر الشعبي في المملكة العربية السعودية والجزيرة العربية
>>>>> ردود الأعضـــــــــــــــــــاء على الموضوع <<<<<
==================================
» قصة الحب
يا هاجسي مع طيفها لا تغامر
البعد همه جور والشوق فتاك
ما شفتني مع قصة الحب سامر
في دفتر احلامي على كيفي أقراك
يا بهجة ايامي على عمري آمر
عسى الاوامر كلها من فداياك
يم الوصل في تالي الوقت ضامر
اسباب والاسباب ما ظن تخفاك
قصر الغلا لك في خفا الروح عامر
حدايقه تزهر بها احلام دنياك
زينك لزين اللي بهالكون قامر
كن القمر في حضرتك من رعاياك
اضف الرموش السود فوق المجامر
والورده اللي حدرهن في طرف فاك
في رمشك الساهي نواهي ووآمر
تغري اللي نور دنياه روياك
ـــــــــــ
» أعذب الحب
ان ظميت أشرب من اليأس أعذبه
يا وعودٍ مالها فرحة وعيد
اكتشفت أن أعذب الحب أكذبه
اكْذِبْ أغلى لك ترى حبك يزيد
مالحق قلبي بحبك مطلبه
أنت ناسيني وأنا راسي عنيد
تعب كفي مالقي بك مقضبه
جيت روحٍ مالها خدٍ وجيد
دورك اللَّي في عذابي تلعبه
انتهى التمثيل كلّه لا تعيد
ردْ قلبي بالهوى لا تنهبه
خلْ باقي الدم يدمع بالوريد
الوداد اللَّي بحبَّيْ تكسبه
انتهى والصبر لا يمكن يفيد
كلّ شعرٍ فيك من قلب اكتبه
ما يساوي بالجفا بيت القصيد
ـــــــــــــــــــــ
» أبلغ من التكريم
عليك كسب المجد ماهوب كايد
مادمت في مقدم هل الفكر ترعاه
لابوك في كسب المعالي عوايد
واهلك بالتاريخ والعز منجاه
الفهد سايد .. وانت بالمجد سايد
ورثت منه اللي بغيره فقدناه
الطيب لك من غير ناقص وزايد
ماكاد في منظورك اليوم مشراه
للمجد .. واهل المجد كلك فوايد
انت الذي تامر بحكمه وتنهاه
عقيدةٍ تعقد عليها العقايد
حبك لمجد العز من حب مبداه
ترسي لميلات الدهر والشدايد
وتورد اللي شايفٍ ماه واخطاه
من فيه غيرك للمواجيب رايد
بالعرف .. والمعروف .. والمال .. والجاه
للاوله في حومة المجد صايد
أبلغ من التكريم مجده ومعناه
المدح بك يرفع مقام القصايد
أنت الذي يوصل بك العز منهاه
ـــــــــــــــــ
» ما مات أبوفيصل
أبشرك في خير والخير معقود
في ناصية حاضر مقامك وما ضيك
فعايلك يالجدي من زود في زود
تنشد عن أقصى الناس واللي يواليك
ياخو فهد ما دمت حي ٍ وموجود
ما مات أبو فيصل إلى حل طاريك
يالنادر الواصل ويا منبع الجود
من ذا الذي بالطيب حي ٍ يجاريك
ومن فيه غيرك واقفٍ ينطح الكود
هذا الذي خلا الثنا يفتخر فيك
تطيب طيبٍ فاخر ٍ ماله احدود
غير الوفا ما خِبر شي ٍ بيرضيك
مكارمك هبّت مثل ذاري النُود
يوم المعالي في سنعها توصيك
مسعاك في كل المواجيب محمود
عين ٍ تداويها وعين ٍ تراعيك
تبذل ولا ترجي من الطيب مردود
سبحان ربٍ لأكرم الطيب هاديك
فعايلك من بين ناشد ومنشود
كل العلوم ومجدها فعل اياديك
ــــــ
» عبدالعزيز إبن الإمام
يا عقابٍ على الطولات حام
والله انه غدا بالطايله
كل ما باج براقه ظلام
تشخص الناس به وتخايله
ما يزاعم رفيعين المقام
واحدٍ ما يجود بسايله
علّم اللي يردّون الكلام
أصدق القول من دلايله
من بغى الطيب يصخي باحترام
لكل من لاذ به جلايله
مثل عبدالعزيز إبن الإمام
ما به أحدٍ فعل فعايله
واقفٍ للوفا وقفة كرام
كل مجدٍ عظيم ٍ نايله
ماخذٍ الكرم عشقة غرام
ما حصينا عدد فضايله
مرحباً عد من كبّر وصام
وعد نبت الفياض السايله
بالسلامه نهني والسلام
من محبٍ غلاكم شايله
في غلاكم لك الله ما يلام
هايل ٍ والمواقف هايله
والتحيه لكم مسك الختام
مجدكم ما يحيله حايله
ـــــــــــــ
» متولع برضاك
ما غير أدور ما يسرك ويرضيك
متولع ٍ برضاك ورضاك كايد
يا فاتني طالت مسافة تماديك
جورك طغا وأنا بيّ الشوق زايد
سر اهتمامي فيك ماهوب خافيك
عَلمك قلبك قبل تقرا القصايد
قصايدي نبضات قلبٍ يناجيك
متعودٍ من رمش عينك عوايد
عوايدٍ عنها قبل عام ناهيك
أقول صد إلين تطفي الوقايد
لا تجرح رماح الهدب قلب مغليك
ما به مكان ٍ للجروح الجدايد
تعرف غلاك ومقصدك من تعلّيك
تبيني أسلا عن قريبٍ ونايد
ـــــــــــ
» كل المرام
يوم سلهم وابتسم عطب السهام
شرّعت بالقلب من رمشٍ فتون
كنت أبا سلم وضيعت الكلام
وارتسم طيف المشاعر بالعيون
موقف كن الدقيقه فيه عام
عشت فيه بكون والعالم بكون
قلت من ما شفت سلم يا سلام
يا عسى العذال له ما يفطنون
يا عيونه ما على رمشك ملام
الغلا خلا لك الكايد يهون
فز لك قلبٍ بصدق الحب هام
والحقايق ما تغيرها الظنون
ماني أول من شكا جور الغرام
ومن تفوته رغبته مات مغبون
بس أنا أول من خطب وده وشام
لين صار اللي حسبته ما يكون
يوم جيت وشفت بك كل المرام
قلت ما غيرك على قلبي يمون
__________________________________________________ __________
» تبعت شف الطير
لاحت بروق الوسم وأستبشر الدار
وأستملست منه القلايد مباكير
نوٍ هما ودقه على الخد مدرار
ودار الفلك وجهه لنقالة الطير
وراع الولع فكره مع الطير يندار
والشوق شره مع الحرار المغاتير
هذاك الأشقر خص به راهي الأشبار
اللي بوصفه من معزي تعابير
أسرار تكشف لك بتفسيرها اسرار
فيها لبن عمي أدق التعابير
أبيه مثلك يابو تركي بالأنظار
وفي مخبره تكمن مزاياك يا مير
عديمٍ أفضل ما تسميه بتار
وباسمِعك وصفه بادق التفاسير
جوهر ولع ريشه تماوج لهب نار
تبري ويغري فيه بالشعر تصوير
وجهه إلى شلت الغبا عنه تحتار
فأوصافٍ أبَينها لفعله تباشير
مثلك ولا مثله على كف صقار
أنته وهو يا خوي والثالث الزير
هو سلوتي لا طال في القنص الأسفار
فرخ ٍ وحش يعطيك للظن تبرير
كنه يقول إجزم وراك أنت محتار
مشهور هو طير الرجال المشاهير
يا خوي يا عزي نبي دار من دار
وأنت المقدم في جميع التقارير
نبي المضحى والمعشى فالأقفار
لاستفصلّن معنا الفروخ السواعير
في روض ٍ أخضر كن خربه إلى طار
طيارةٍ تعطي للإقلاع تحضير
وانته معك طير ٍ على الجول حشار
إلا على فعلك لفعله تفاسير
حر الحرار اللي يقودك للأقفار
كنه يقول أطلق لي السير اباطير
على الخريش اللي إلى بنت له طار
خربٍ فقع قدم الدجاج المعاشير
واللي بشكلك يابو تركي له أختار
عل وعسى يا خوي نسلا الغنادير
في خايع ٍ متشابكٍ فيه نوار
زهر الربيع وجول ٍ أقفا مدابير
صفق الحباري درج فالقاع وطيار
بشقر الحرار وخوة أعلا المناعير
شوق الولع يلعب بقلبي ولي كار
قفز الحواجز في القنص والمحاذير
تبعت شف الطير في كل الأمصار
وأنت المميز من ورا كل تنظير
في الطير والمقنص وفي بدع الأشعار
وفي المجد لك عرش ٍ يقود الجماهير
واسلم ودم بالمجد في عال الأوكار
وعليك مافور الثناء في المحاظير
،،،،،،،،،،،،
» فالقبر واعتق حي
خيرات ابو فيصل ترى مالها قياس
فالقبر واعتق حي عساه مرحوم
ياخو فهد يابو فهد عدم الاجناس
انت الذي عرضك عن اللوم معصوم
لك وقفةٍ نوماسها يرفع الراس
وقفة وفاء ما بين حاكم ومحكوم
الله إلى منه ومر تدفع الباس
في ردعة الظالم ونصرتك مظلوم
مواقفك ماهيب حبر ٍ بقرطاس
لا قلت تفعل كل ما كان معلوم
طيبٍ خفي وطيب تشهد به الناس
مد الخفا لك به علامات ورسوم
فرجت للي شايفٍ ضيم واتعاس
عبدالمجيد أقرب شهودي من القوم
من لاذ بك شاف السعاده والاوناس
مواقفك يا سيدي شرع وسلوم
وتهنا عيون ٍ ما بها لذة نعاس
تنوم كل الليل وتكثّر النوم
يوم انطلق عتقه من كفوف حبّاس
يتم نذره شكر لله بالصوم
لا ما ورا اللي غيركم غير الافلاس
انتم وقود الكايده دايم الدوم
؛
؛
؛
» المهاة
أتلفتني لفتة عيون المهاة
وعشت منها يا محمد في كبد
أندوشت وقلت يالله الثبات
يالله انك ترزق السامر جلد
راحت الفرصه على المشفى فوات
لا حصل له لا وداع ولا وعد
والله أعلم بالليالي المقبلات
يلقحن وإلا يجن حيل بعد
يا محمد وردتين ناعمات
وجمرتين بينهن مثل البرد
وفوقهن سيف عليه الفاترات
ناعسات ما سلم منهن أحد
كنها تكتب على موتى وصاة
والرموش السود تحفر لي لحد
والجروح اللي بروحي خافيات
التوى حبه عليها وانعقد
؛
؛
؛
» عز الدار
ما يطيب القصيد إلا بمن طاب رأسه
مثل ما لدار يشهر صيتها طيب أهلها
يا قصيدي دعاك الفكر هيض وحماسه
سيرة العدل صافح بالمدايح بطلها
راس صعب الأمور وهو صعيب مراسه
شيخنا اللي إلى منه نوها فعلها
فايض الجود عنوان الدهاء والفراسه
قمة المجد في جزل الفعايل نزلها
منزلٍ لاق للي طاب راسه وساسه
هو سليل الملوك الصيد وارث خصلها
الندا نبع كفه والشهامه لباسه
والشوايب عن الصافي بعدله عزلها
والتطور خذا لوله ودره وماسه
للدفاع وكساها منه ضافي حللها
شاد صرح من القوه تعاظم قياسه
لين غطا متون الفرقدين وزحلها
أبو خالد قويٍ بالملمات باسه
الصعايب يذللها نطح ما ختلها
عز داره وملجا من تزايد عماسه
فعل سلطان كم عوجٍ عصيّه عدلها
عم فضله على ناسه ومن غير ناسه
كم حمولٍ عن متونٍ شكتها حملها
جعل يسلم قوي الباس ويدوم راسه
عز دار ودوا المستعصيه من عللها
؛
؛
؛
» الأصيله
الهاك عني غرةٍ كنها الليل
تفهقت عن نور بدر المحيا
تلعب بها لعب الاصيله من الخيل
مرٍ هناك ومرتينٍ هنيا
وتقسمّ اشواقك على شوقي الويل
وأرضى بقسمة غاليٍ ماتهيا
ترسل عليّ سهوم نجلٍ مظاليل
سحر الجمال ورمش عينك خويا
لو لي على شرع الحبه مداخيل
قلت لزمانٍ يدني الوصل هيا
تفتل مفاتن فتّر عيونك الحيل
وتثير نشوة ميتٍ منك حيا
؛
؛
؛
ودمتم بخير
لكم
__________________________________________________ __________
ديوان رائع
مجهود جد كبير تسلمي
تقبلي مروري وشكري
__________________________________________________ __________
كلمآت رآآآئعه بمعنى الكلمه
تسلمين ع الطرح القيم .. ويعطيك آلف عآفيه
__________________________________________________ __________
آجَـمًـلــ آنُسٌآنْــہَ
كلمآت رآآآئعه
مجهووووود راائع تشكرين عليه غاليتي
يعطيك الف عافيه
وما ننحرم منك يا رب
احترااااامي لك
رد مع اقتباس
