عنوان الموضوع : ديوان الشاعر بركات الشمري
مقدم من طرف منتديات الشامل
لشعر ناسه وللابداع اهله
شاعر تميز بروعت كتاباته له اسلوب خاص يسلب القلوب
احببت قصائدة و لهذا كان لابد من وجود ديوان له في الشامل
الشاعر هو (( بركات الشمري )) شاعر سعودي
هذا الشاعر الذي انتزع من القلوب كلمات الاعجاب
بفضل نصوصه الدافئه و الرمانسيه ...
من ألقابه التي أطلقها عليه الجمهور , بركات الشعر / بركات الكون و صاحب السمو
لأدعكم وبكل جمال تبحرون معي في بحر هذا الشاعر العذب
حديث المساكين ..!!
ولا كلمة !
أبسمعها .. من عيونك !
أبي تنطقها .. بجفونك ..!
أبي هالليل .. من دونك يدور عن .. دفا حلمه !
أبسمعها ..!
وابتبعها ..!
وابي تنثرها في روحي ..!
عشان إن غبت عن عيني .. أروح بلهفة واجمعها ..!!
أنا وإن غبت ( مابيني ) !!
ولا تسأل بعد .. ( ويني ) !!؟
لأن إن جدت بغيابك .. وربي ماأحس ( فيني ) !
ولا كلمة !
أبيها من كحل عينك !
أبيها من دفا .. ايدينك !
أبيها .. لاطغى زينك ... وهد الروح .. من ظلمه !
أبيها لاتقابلنا ..!
وعلى أنفاسنا ... ملنا !
أبيها .. لابتسم قلبي .. وحنا بحب .. مازلنا ..!!
أبيها .. إن سال لك .. دمعي !
وصوتك .. يشربه .. سمعي ..!
أبيها .. لين مانسكت ولانلقى ...
ولا كلمة !!
تعالي .. وامسحي دمعة من عيون ... بكت فرقاك ..
..... تعالي .. قبل ماأصبح .. ف عالم حزني ... المسجون ..!
عجزت اضحك على قلبي واقول إني قدرت انساك !
..... أبي أنساك ! لكني مع نفسي ... أقول .... اشلون ..!!؟
بعد ماضيعك قلبي ... بعد هالوقت ....../.. ماوداك
..... تلطم .. وجهي الباسم .. وفرع / وجهي .. المحزون ..!
تعالي وانزعي جرح نمى ف ضلوع .. من يهواك !
..... أنا من ( طحت في يده ) ظلمني ظلم ! ../ هالملعون ..!!
تعالي لملمي شتاتي .. أنا بعدك ... هنا ... وهناك !
..... وعمري .. ( يابعد عمري ) .. هواجيس وتعب وظنون !
على كثر الهموم اللي تجول ف خاطري ... لرضاك !
..... أنا مالي جدا .. ياكود .. قولة ..... ( ماعليه اتهون ) !
والطريق ..
كم بكاني يوم .. جافاني الرفيق .!
كم ندهني يوم ..
بعيوني تضيق :
كل هالدنيا .. الوسيعه !
وعمري الذابل .. ربيعه ..
وصدر من قالوا : ( صديق ) !
والرحيل ..
كم يلوح لي ورى .. الهم الثقيل !
كم صرخ لي ليلك الليلة .. طويل !
والشقا .. درب ومسافة !
و( المسا ) .. مخلوق ( آفه ) !
وصبري الباقي .. قليل !
والغياب ..
كم أهه ... داخل ضلوعي .. أذاب !؟
كم جرح .. ماسلم منه ..
وطاب ..!؟
كم يعلمني .. أحن !
واطلق آهاتي .. واون !
واكتب .. بدمعي .. ال عذاب !!
بقيت لي بغياب روحك ... مساكين !
...... عيني .. وقلبي .. والأمل ... والأماني !!؟
كن الثواني ... في غيابك سكاكين !
...... ليتك تذوق شوي .... / طعم الثواني !
القلب ماهو قلب والعين .. مو عين !
...... حتى مكاني ... ماأحسه ... / مكاني !
شفني على جال السهر أنطرك لين !
...... حسيت بان الجال .. / يصفق عشاني !
مديت قلبي ! قبل لاآمد ...... يدين !
...... وطلبت كلي ! . قلت : جالك .. هذاني !
والحين شفنا وين !؟ .. واحلامنا وين !
...... ضعنا اندور ... للسعادة ....../ مواني !
وش بيننا !؟ إلا التعب واسود البين !؟
...... وشي لعب في حسبتي .. واحتواني !
كل شي بكاني من غيابك إلى اللحين !
...... حتى عدوي ! .. من غيابك ../ بكاني !!
ماعاد تفرق جرح واحد ! ... وجرحين !
...... الموت واحد .. له عذابك .... / خذاني !
ياصاحبي .. يكفي غيابك .. وبعدين !؟
...... ماخفت ربك بس ... أنت و زماني !؟
وكل ماأبعدت تجرح !
بس تقرب في خيالي وآخذك وياي .. واسرح !!
وآتسائل ويا نفسي !!
ياخي أبكي وإلا أفرح !!؟
دمعة مذنب ..!
تذكر ذنبة الغافي ..وعثراته..وزلاته
................ تلفت مالقى ..غير الظلام ..وسكة قفرا
تنهد مالقى ..هبة نسيم ..تريح سكاته
................ تعذب ..حالته حالة عدوك ..شينه وقشرا
ينادي !! من ينادي ؟؟ والظلام يكسر اصواته
................ يناظر للطريق اللي ..توارى ..ويندب الحسرا
يعرف إن الذنوب أقسى من همومه ..وأهاته
................ وعرف إن الممات أقرب ..من الأهداب للنظرا
يسافر به عزا الذكرى ..على الماضي ولعناته
................ وجع من وين .. ماسافر ..إذا سافر ..مع الذكرا
قصر حبل الهروب اللي يشدة ..عن ألم ذاته
................ تعب .. من كثر ماينفض هموم بالحشا غبرا
يحاول يبتعد أكثر عن اللي كان ..قد فاته
................ يحاول يطوي الصفحة ويفتح ..صفحة عذرا
رجف قلبة على ماراح من ذنبة ..وميلاته
................ بكى ..ياطيب هالدمعة ..أخيرا ..طفت الجمرا !
السنين / الزرع ... والموت/ الحصاد ..
والوجيه اشباه ! .. ماتشبه وجيه !
من بلاد التيه ..... ياتيه البلاد !
مات شاعر ! ( رحمة المولى عليه ) !
كان يحكي للزهر قصة سعاد !
لين ماحس المطر ... في راحتيه !
مانقص مثقال ذره ! ........ إلا زاد !
هالحنين .. اللي يسولفني حكيه !
ماهمى حظي على ترابي ! .. وجاد
ولانمى صبري على مابي ياهيه !
شوفني لاحلم بيدي ... ! .. لاعتاد !
بس عندي قلب ! ياخي ! ماأبيه !
شاعرك يدري .. وتدري ! .. للنفاد
يحتري .. موته / وقلبك .. يحتريه !
أطلق عيونه على طرد ! ... الرقاد !
وانكفت هي هي : تاكل مقلتيه !
فوق كل هذا ! أمانه ! .. شاستفاد !
غير طعنات من ايدينه.... تجيه !
بس تبي تشوفه إذا ربك ...... أراد !
شاعر ... تتوسد الغيمة .. يديه !!
والسواد إن حل .. قله : .. ياسواد !
هذي طعناته على ماهي .. عليه !
0000000000000000برب00000000000
>>>>> ردود الأعضـــــــــــــــــــاء على الموضوع <<<<<
==================================
المزهرية !
لا ظميتك أشربك واظماك أكثر
وإن فقدتك ..
أتبعثر..
واتبعثر ..
واتبعثر
تذكرين وإلا نسيتي ...
يابعد حيي وميتي
يوم أشرتي على قلبي وقلتي لي ...سؤال ؟؟
((( هذا بيتي )))....؟؟؟؟!!!
يومها غنيت للصبح
الأغاني
يومها زفيت للشوق
الأماني
تذكرين ....
يوم جيتي تسألين
عن طفل يسكن ضلوعي
كيف حاله .... ؟؟؟
وش جراله ...؟؟؟
وانا جاوبتك... حزين !
في بعادك
لملمه ذاك الشتات
حي لكن أغلبه
يابنت ..... مات
تذكرين المزهريه !؟
يوم جبتيها ...هديه !؟
وأنتي قلتي :
ياحبيبي هذي لك ..بس أنت ليه !
واذكر إني بلا شعور
قلت
واشواقي تفور
أعطني حريتي ..(( بس )).. لاتطلق يديه !
..( شف لي طريقة ) !!
تعبت انا أنثر هم قلبي على الناس ..
وتعبت ادور للحقيقة ....../ حقيقة !
يلعن ابوه .. شعور .... لابوه إحساس ..
لاجيت أسوي من جراحي / حديقة !!
شف لي طريقة لاغدى دربنا.. ياس ..!
تعبت انا ترديد ..( شف لي طريقة ) !!
ماعاد ياسع للحزن أي ....... كراس .!
وماعاد قلبي يحتمل ... أي ضيقة !
شفني رشفت من الغرابيل كم كاس !
والصبر مابلت أمانيه .... / .. ريقه !!
أكبر مصيبة طيحة إنسان .. حساس !
تسوى بعيني .. موت كل الخليقة !!
أكذب على نفسى إذا قلت لاباس !
و الباس أصلا من زهوري رحيقة !
ياما تعبت أشحذ من عيوني .. انعاس !
مامر ( ........ ) .. عيني .. دقيقة !
صعبه تشوف بعينك الحلم / ينداس ..!
كنك اتطفي .. من دموعك / حريقة !
الموت ماهو لانحني .. للتعب/ راس !
الموت نفسك ... لانحنت / للخليقة !
كل الدروب أشوفها / ياس في ياس !
سايق عليك الله ( شف لي طريقة ) !
__________________________________________________ __________
وين كانت !؟
ياصباح اعيونها اللي يحتريني ..
قبل هذا اليوم ... قلي وين كانت !؟
طفلة آشوفها.... بيني وبيني !
وين مالديت .. بالأنظار .... بانت
طفلة ترحل معي وتحل .. فيني
في سبيل الحب ما لحظه .. توانت !
جيتها ماشوفها ! من دمع عيني !
أشتكي دنيا قست مايوم ... لانت !
قلت مدري وش أبي ! لكن عطيني !
وامسحت دمعي وقالت : أص هانت !
جيتها ترجف من اللهفة يديني
ورحت ولسان الخفوق يقول زانت
علمتني بالغياب .. انشد حنيني !
واذكر إنه قالي : كانت .. وكانت !
طفلة أشوفها .. بيني .. وبيني !
وين مالديت بالأنظار ..... بانت
أحبك !
وين ياملح السنين !؟
لي سنه !
لا والله أكثر ... أنثر احساسي .. حنين !
واكتم انفاسي أخاف الشوق يطلع !
في رجا .. ( إنك تجين ) !
في رجا .. إنك تعيدين الحياه ..
للي بعدك قام يصرخ :
آه وآه واااااه !
للي بعدك .. ضاع بعضه !
وبعضه الباقي
نساه !
شوفي حالي !
منطوي وحدي .. ولا لي !
غير اقلب ذكرياتي .. ! وانتظر طيفك يبين !
ياه .. ياهالذكريات !
تذكرين !؟
كم سهر طرفي على طرف يبات !
وكم جرح مات ! ... حي !
وكم فرح حي ..
مات ..!
تذكرين !؟
كنت أنا لاغبت اجي واسأل :
بكيتي !؟
تسكتين ..!
وأسمع أشواقك تقول :
إيه ياحيي وميتي !
وكنت أشر يم قلبك .. واسألك :
هو .. هذا بيتي !؟
كنت أسمع .. دمعتين !!
تذكرين !؟
كيف اسابق لهفتي
لاجيت يمك !؟
وكيف كنت اجمع حنيني وانثره ...
من شان المك !؟
تذكرين !؟
يوم أنا ( أول ) ... أهمك !؟
ماسألتي .. كيف حاله !؟
طفلك .. النايم بصدري !؟
وكيف لامنه تشوق ..!
قمت احس النار .. حدري !؟
وكيف اجاوب لاسألني .. ( ياترى بالحال تدري ) !؟
كيف ابهرب عنه .. قولي لي أمانه !؟
وين أودي وجه صبري ..
لابكى فيني .. حنانه !؟
وكيف اسليه ب غيابك !؟
وأنا احس إنه بصدري .. مل حتى من مكانه !
يالله عاد !
انفضي غبار الرحيل .. وأطعني
صدر البعاد !
ياهو .. لاعبي الحنين ..
هه ! شوفيني حزين ..
لا الهوى هذا هواي ... ولا بلادي هي بلاد !
ماسألتي ليه اموت الفين مره ..
لاطريتك !
وليه احس القلب يطلع !
بس .. لامني بكيتك !؟
وليه أنا .. أفنيت عمري .. فدوة لعيونك !
وجيتك !؟
ماسألتي .. ليه يعني !؟
وكل طاري هم من بعد تبعني ..!؟
يمكن إن قلبك .. نساني ..!
أو يمكن ... ماسمعني !
إييييييه والخالق .. أحبك ..!
وحتى أوجاعي ..
تحبك !
حتى أسمك لابغيت أنطقه !
يطلع لي أحبك !
يا أحبك !
! ياشعب الكلام !
صه ! ياشعب الكلام !
صه !
ياباغي ال سلام !
صه ! ياشعب على الأنغام ..
يسهر ! ماينام !
أوف أوف !
ميجنا !
وإلا عتابا ..
ياسلام !!
لاجديد !
إنشوف ذل ...
وحضرتك ( باقي ) نعام !!
صه !
ياشعب نسى ( الدره ) على الهامش ..
وراح ..!
صه !
ياشعب ( تمرغ ) .. بالجراح !
صه !
ياشعب قدر يمسك .. قناعه ..
وماقدر .. يمسك سلاح !
ياشعب ..
ماهز فيه ( الذل ) ... ساكن !
وشوف هزه ! بالمراقص !
لاتغنوا بال أماكن !!
ياشعب .. ( عفوا ............ ولكن ) !
ياشعب ( نجوى ) و ( هيفا ) ..
هي تجيك أخبار ...
( حيفا ) ..!؟
ياشعب ( دن دن ) و ( طبل ) !!
فيك هذا ( الذل ) ..
يهبل !
مابقى إلا شي واحد ...!
دنق ل .!!!!!!!!!
وقبل !!
ياشعب ..
يشجب كثير !
ياشعب ..
يبكي كثير !
ياشعب شاف الكرامة
( مطلب ) ! ومره كبير !!!
ياشعب تافه حقير ! عيش ( تهويد ) المصير !!
ياشعب ( بلتث ) ..! ورقم !!
ألبس ..!
وأكشخ ..!
وطقم !!
ياشعب .. ( يهوى ) الفضايح ..!
طاح ( واصلا ) .. كان طايح !
ياشعب ..
( غني ... و ... اغني ) !
و ( اسأل التاريخ .. عني ) !!
ياشعب ..
يربط مصيره .. دائما ..
بيد التمني ..!
صه ياشعب الكرامه !
صه !
ياشعب الإباء ..!
صه ياشعب نسى لايقول في وجه الحثاله !
1000 ( لاء )
ياشعب ..
( قومي ياحلوة / وارقصي لي / والعبي )
ياشعب ..
جدا مفغل ...!
ياشعب ..
جدا غبي ...!
وين تبغى توصل أكثر ..!؟
يوم وصلت ل ( النبي ) .......!!؟
صه ياشعب الكلام !
أدري ماعندك ...... كلام ..!
روح غني .. وإلا تدري ! ... الأجر / إنك تنام !
من ال جبن إتك تصر على أكل ال جبن !
__________________________________________________ __________
(( ودك نكون )) ؟..!؟
والله شاعر ! داخلي خافق ذاب !
....... أدور اللي ... يستحقه .... ويغليه !
تعبت ادور بين الاحباب .. أحباب !
....... تعبت أنادي ياترى وينهم فيه !!
الحظ عودني على .. قفلة الباب !
....... والعمر يجري بي ولاقدر أجاريه !
قالوا : ولايسوى الأمل حفنة تراب !
.......هو فيه أمل جاني وانا قلت : مابيه !؟
شاعر واعرف الحرف وشلون ينساب
....... واعرف بعد وشلون اهذب .. معانيه !
عاشق ولاعرف للهوى .. أيه اسباب !
....... معطيه قلبي قبل لاهو .... يعطيه !
اذا عطيت اعطي ولاأحسب حساب !
....... واعطي بعد روحي إذا .. مايكفيه !
ياهيه ياللي ماخذك عني .. اغياب
....... القلب بعدك ياترى ..... وين اوديه !؟
اليا متى حنا مع الناس .... أغراب !؟
....... والحب .. يدعينا ولاحد .... يلبيه !؟
أسألك باللي حط بك سحر الأهداب
....... واللي رسم في مبسمك سالفة تيه !
ودي نكون بعالم الحب .... أحباب !
....... واليا سألتك ( ودك نكون ؟) قل: إيه !
لاتاخذين الجرح !
ياحلوتي ... مافاد حزني ../ ولابكاي !
...... ولافاد دمع .. لاجل عينك ../ بكيته ..!
ليتك قتلتي أول الحزن ... / ..جواي !
...... ماكان قلتي : ( بسألك .. مانتهيته ) !!
من كل عقلي أرسمك داخل الماي !!
...... ومن كل قلبي .. انقهر ../ لامحيته !
جيتك وشايل في ضلوعي هداياي !!
...... وحلم كبير .. ومن جروحي .. بنيته !
ياهي حزينة قصة الملح .. والناي !
...... والشاعر اللي .. في جنوني ابتليته !
ماعاد تغري ضحكة الحب .. بشفاي ..
...... من يوم ماصك الأمل باب .... بيته !
أواه يوم جيت لك أسبق ... خطاي ..
...... حتى زهورك ... / للأسف / مالقيته !
كنى أحس إن التعب قال : انا جاي
...... ومن دون روحي جبت روحي .. وجيته !
الياس يرمي .. أسود الهم .. بحشاي
...... والحلم بيدي .. / لليالي / .. رميته !!
وانتي دخيلك .. لاتذكرتي .. ابكاي ..
...... قولي عطاني بيت ..! ياما ... قريته !!
(( لاتاخذين الجرح ! .. خليه وياي
...... أذكرك ... فيه ! .. ولاذكرتك ../ نسيته ! ))
..!
إتصدق إنه .. طاري الموت .. جا ... تو !
..... من يوم ... ماقلت : انتفارق ../ وبسكوت
تو .. الهوى يضحك ../ ويهنالي .. الجو !
..... وتو .. الشفايف ... غارقة باحمر .. التوت !
توي أعرف إن الامل مصدره ..... ضو !
..... وتوي أعرف إن المشاعر لها ... /... قوت
وش فايدة غيمة نسى حضنها .. النو !
.....وش فايدة قلبي ! اذا رحت ... ب سكوت !
لو نفترق ..أفهم ! أنا قلت لك ... لو !
..... اسأل علي ..! كانك تشوقت .. هالموت !!
__________________________________________________ __________
الطفوله : ( ألطف ) ( وله ) !
الطفوله : ( ألطف ) ( وله ) !
طفلة اتسولف لي عن الحب... بشويش ..
.... وانا كذا .. ب شويش ../ مجنون ... طفلة !
لاقلت ( احبك بس ) .. صفت لي الجيش !
.... جيش الرموش ... اللي غزتني ب غفله !
وقالت بهمسة ذايبه... (أممم بس ايش ) !
.... ه ( الأممم ) هذي بس ياخوك .. حفلة !
سكت ! قالت : ( أوه من دون .. تطنيش ) !
.... ومافيه عرق ... بالجسد ..../ ماعزف له !
( واموت بك ) قالت : ولاتوكلك ... عيش !
.... تعبت أدور ... ( مفردة ) ...... تنوصف له !
طفلة يجرح .. خدها ... ملمس الريش !
.... حتى .. ( الخطا ) ... لاسوته .. ينتصف له !
علمتها : إن الأماني لها .......... طيش !
.... وعلمتها : إن المواعيد ............ جفله !
دنقت ! طاحت دمعتي واصرخت : ليش !؟
.... قلت : التعب ..... يابنت غصب انجرف له
قالت وهي ( ..............) ... بشويش !
.... ( بشويش ! .. لاتبكي من الحزن .. طفله ) !
مدامنا بالكون هذا ..... نبي نعيش !
.... دنياك ماتسوى من شفاك .....تف ....!!!!
مسرحية دراماتيكية .... !!
سيداتي آنساتي سادتي ........ هذي القصيدة ..!
.. أسمعوها ... وافهموها .. قبل .. يطويني / .. الممات ..!!
كان ياما كان .. شاعر جالس وروحه / وحيدة ..
.. مايهمه .. مدح شاعر ! .. لا .. ولاإعجاب ... / البنات ..!!
المهم .!
المهم .! .. أطلق خيالة للفضاءات .... البعيدة ..
.. والأهم من هذا كله .../ ..كان يبحث عن .. فتاة ..!
هي فتاة أحلام مدري؟ /أو مجلة / أو جريدة ..!
.. الوكاد إنه لقاها ../ ..تزرع الصبح / اغنيات ..!!
بنت .. لامنها / تثنت .. تصبح البلدة ../ بليدة ...!!
.. بنت لامنها / تأنت ... قلت يالله .... / الثبات !!
وقالها باسلوب عفوي / قبل لايبدا ... نشيدة ..!؟
.. ممكن أتمكن .. بشعري ../ واخطف عيونك .. وابات ..!!؟
ماعطى هالبنت فرصة ..! وابتدا يسفك ... وريدة .!!
..( أنتي أغلى أمنياتي .. وانتي بعيوني .../ الجهات ) ..!!
( سيدة هذي الحنايا ../ وانتصاراتي الأكيدة..!!
.. شتتيني .. بلملماتك ../ لملميني .. بالشتات ) ..!
بس هنا !
بس هنا ! وقالت بصوت .. ضيع الورد .. بنهيدة ..!
.. ( لملم إحساسك ياهذا .. منت قد / الأمني ات ) ..!
( ياعزيزي أنت شاعر بس أنا ( وحدة بليدة ) ..!
.. تنفجر فيني ( الأنوثة ) .. بس ! .... مافيني ... حياة ..!
واسكتت ! .. وانهد صبح .. وماتت الروح الوحيدة .!!
.. وانولد .. شاعر .. تسولف . عن احاسيسه / .. البنات ..!!
سيداتي ..
آنساتي ..
سادتي ..
هذي القصيدة ...!
والبطل فيها ..
خفوقي ..!
حب له ..
طفله ..
ومات ..!!
.. صباح .. //
صوت دوى بروحي و ... طن !
دور ل تحنانك
وطن !
من منطلق حرصي على توحيد صف العاشقين ..!
....... وايضا نزولا عند رغبة ( من نواني ) ب إنكسار ..!
جمعت كل اللي بقالي ... من يسار ومن يمين !
....... وايقنت بان البؤس حولي من يمين ومن يسار !
أنا خلاصة شوق مع احلام مع حب .... وحنين !
....... هذا أنا ... مدري ! .. ولاأدري .. ولكن باختصار !
حلم !
(حلم يانع .. واستدار ..) المترف الغدار مجبول العواطف ( كلها غيظ ) !
ويبي يحرث بياض الثلج والوان النهار ( اللي تركنا )
في غياهب وحشة الظلما نسير وماعلى هاك الجروح اللي تنامت
لو نبشها مجرم الأشواق وانحاز لضمير ماعرف طعم اشتياقي من بدايات ( انتهت )
كنا نبيها ترتمي يم استراحة لانهاية عهد يزهر بالغصون وبالطيور وبالحديث / اليأس
خلانا على جال التعب نرمي جراح كم رميناها أقل وكان أكثر ذاك هو اللي هشم حلم جميل
وكان ينبض للأسف ألحين ماظن يتشافى ذاك هو اللي هدمني .. (حلم يانع .. واستدار) ..!
يسعد صباحك عاد ..! وشوله النوم ؟
النوم .. ماهو للحبايب .......... / ياخلي !
شفني على جال السهر احصد نجوم !!!
وارقب صبح خدك .. علينا .../ يهلي ..!
الغيم جاك ..يصافحك.. يالغضي قوم !!
سلم عليه وقول ....... / خلك .. محلي !!
صباح !
كنت اسولف للصباح العذب .. عنها ..
واحتريها ..
كنت اقول ..
(( الله لو ألمس يديها )) ..
إيه .. ابيها ..
ترسم الإحساس في صمت العيون ..
ولو أخون ..!
تغفر وتسمح
(( ياويلي عليها )) ..
كانت أشهي من رحيق !
كانت ابهى .. من بريق !
كانت الحلم / الأغاني .. كانت العمر / الصديق ..
وعايش منها ... وفيها .!
ياصباحي .. وش بلاك !؟
قول ..
وش عني خذاك ..!؟
اآه منك ياصباحي ..
أنت مثلي .. تحتريها ..!!؟
صباح من نوع ( فاخر ) !
صباحك خير
صباحك غير
صباح الدفتر الوردي ..
صباح الحلم ..
صباح النور ..
../ صباح الجامعة والسور !
صباحك ااآه مايمدي !
أنا وحدي !
أتمتم ... نور !
صباحك نور ..
صباحك غير .. / صباحك خير ..
صباح النور .. والنوير ..!
صباحك .. دقت الساعة ..
ألم .. ساعة
وجع .. ساعة
تعب .. ساعة
صباحك : قمة اوجاعة !
صباح الضحكة لاطارت !
وماصارت !
صباح البسمة لامست نسيم الصبح !
واحتارت ..!
صباح احلى .. خطاويها ..
أمانيها ..
صباحي يومي .. أناديها ..
صباحي غير .. بشعورك ..
صباحي ( دج ) ! في نورك ..
صباحي مات ( بالشيلة ) !
وياويلة ..
إلا من .. شاف ( تايورك ) !!
صباح ( الحر ) و ( الزحمة ) !
صباح ..
وأطلب الرحمة !
صباحك أنفاسك العذبة ..
وزينك ( شحمة ) و ( لحمة ) !
صباح ( اريال )
صباح ( اعيال )
صباح الهولو واليامال ..!
صباح ( اشلونك )..
و ( كيفك ) ..
صباح ..( اعقالي الميال ) !
صباح الشارع الفاضي ..
وانا مستقبلي / ماضي ..
صباح الثرثرة هذي ..
و(عطرك ) .. ياآخر امراضي !
صباحك ( توت ) لا ( ياقوت ) ..
صباح ( الموت ) بعيونك ..
و(صبحك بالعيون ) .. الموت ..
صباحك / غير !
صباحك / خير !
صباح النور .. / والبللور .. / والمرمر ..
.... صباح الخير .. / والنوير ... / والكادي ..!
أنا اللي ميل اعقاله ......./ ولد شمر .. !
.... عرفني الصبح .. من لحني ../ وإنشادي ..!
واغني بك / سحاب ابيض !!
تطيح من السما ..
غيمة !
واجي لك منتشي كلي !
أسوي لحضرتك !
قيمة !
وانورس لك .. فضاءاتي ..
ولابك للأسف !
شيمة
.
.
أنتي الأمان بروعته .. والتباشير ..
وانتي الحنان .. بلذته ... واحتدامه ..
يالله تعالي جف في روحي البير !!
وشلون ليلي ... لارحلتي .. / أنامه ..!؟
ماني معين من ورى غيبتك .. خير !
لاغاب صوتك .. أسأل الله .. السلامه !
تدرين لاغبتي ..
ورحتي ..
وش يصير !؟
..
أموت !
وتبكي فوق قبري !
حمامه !
يالحزين ..
لملم اوجاعك ..
كفا قلبك ... حنين ..
اتركوك ..
وهملوك ..
والتعب .. شوفة عيونك !
من يسارك .. واليمين ..
كنت تشعل هالاصابع ..
شمعه .. شمعه ..!
كنت .. وتكابر إذا صبيت ..
دمعه ..!
ياخي استح !!
قلت لك خل الهوى لاهل الهوى ..
بس قوم .. وارتح ..!!
ولاطرق داعي الهوى بابك ..
ولاأبغاك .. تفتح ..!
منت ناقصني .. أنيييييين !
صباحك همس ياأصدق نوايا... رحلة الأحساس ..
صباحك شمس .. لاداعب هدبها / قمة احساسي ..
عشانك شوف ! أتكاثر ! خطايا .. والجروح انفاس ..
ياليتك بس لو تدري .. وش اللي .. يخنق أنفاسي ..
أشوفك وين .. وين الله يهديك .. وصرت لي هالناس !
تخيل عاد ! .. لو تبعد شسوي .. أصصص ياقاسي !!
__________________________________________________ __________
ياموت !!؟
.
إحساس بسيط لايعبر عن مافي صدورنا تجاه مليكنا الغالي
رحمه الله وغفر له وأسكنه فسيح جناته مع الأنبياء والصالحين
ياموت .. خاف الله فينا .. وبعدين !
..... تاخذ ( فهد ).. من بدة الناس.. بالذات !!؟
مريت تاخذ سيدي .. صبح الاثنين
..... ماتدري إنا .. عقب مامات .... أموات ..!؟
يعني عشانه ( لذة ) الناس والدين !!؟
..... أنا اشهد إنك صدق ..../ .. هدام لذات !!
فهد يموت !! .... الله ياكبر هالبين ..
..... قولوا لي .. تحلم ! أو مجرد إشاعات !!!
اللي كفوفة غيمة .. للمساكين ..
..... لا والله إلا للخلايق ..../ .. سحابات ..
لو كان يعطى من عدد عمرنا سنين
..... نعطيه .. مانبخل ... / ورب السموات ..
إمنين ابلقى دمع ! بالله .. ومنين !؟
..... بلقى لحزني عقب هذي ... نهايات !؟
آه .. و.. آه و..آه ...آه ..... وآهين ..
..... شفنا .. غدينا كلنا ... شعب آهات !
ياقلب ون وهاتي الدمع .. ياعين ..
..... ياروح ...جري عقب ماراح .. ونات !
للحين لا والله ... وربي من الحين !
..... ببكيه لين تجف بالعين .... دمعات ..
تبكيه ( نجد ) وتذرف الدمع ( دارين )
..... وتبكيه ( حايل ) مع .. جبال السراوات ..
شقول ؟ لانادت ( فهدها ) .. فلسطين !؟
..... هيهات يرجع ! لاتنادين .. / هيهات !!
استغفر الله لو بقول إنها ... الحين ..!
..... تبكي عشانه دم ! وتقول : .. مامات !
يالله تغفر للملك : قولوا ... آمين ..
..... وينعم بعطف من .. جلالك ... وجنات !
اللهم آمين
نبكي عشانه دم ! ونقول .. مامات !
طيش .....
لليل حزن .. وللقصايد .. مسافة
.... ياعم لملم حلمنا واقهر .. الطيش !
دون ودادك في .. سجل اللطافة
.... وزف ابتسامة في ... عيون الدراويش
مرات احس الشعر : قمة سخافة !
.... ومرات أحسه لقمة الملح والعيش !
شاعر تغني هالعصافير .. قافه
.... يسبح بفكره .. بالخيالات .. ويعيش ..!
الجرح واضح ! كل من جاه شافه
.... ياكبريائه !! قال : اي جرح ! مافيش !
تافه ياحرفي .. لو تجي شخص تافه
.... ماني موصي خابرك شهم .. وتشيش!
من معجزاته ! .. لاكتبته ! .. أخافة !
....اتقول كنه ! ماني بقايل ! ليش !!!
أخاف أنا لاقلت ! .. : طبع اللقافة
.... من حاسد مايذكر الله : أو أيش :
يحقر جنونك .. لانزفت اعترافة
.... وش عاد يعني ؟ صابني منه تهميش
ماني مطول .. للقصايد مسافة
....والشعر عمره مانكر : نكهة الطيش !!
سواد الليل ...
شوفي سواد الليل .. هذا احتواني
..... أخذت من جوره ... بلاوي .. / كثيرة
عللت نفسي بالأمل ... / ماهناني
..... لقيت نفسي وسط ياسي / أسيرة
حاولت احس بفرحتي .. / والأماني
..... كلن تركني .. مايبيني ... / عشيرة
أنتي سألتي : ليه دايم اتعاني ..!؟
..... وش سر مطلع .. هالدموع الغزيرة !؟
ودي أجاوب ! بس .. وين المعاني
..... اللي توضح تجربات .... / مريرة !
لا ! مالتفت لي .. صد عني زماني
..... أعمى فرح / لكن اشباحة بصيرة !
في درب أعتم شالني ثم رماني
..... ضيعت .. ماعرف أوله .. من أخيرة !!
أقول ! خليني من اللي .. دهاني !
..... خليني اسلى .. لو ثواني .. قصيرة !
دايم احس إني من الهم .. / فاني !
..... ودايم تجيني .. من الهواجيس حيرة !
أنا الذي من ذاق طعم .. / الهواني !
..... شاعر اهموم الوقت .. دايم تديرة !
سري دفنته في خفايا ... كياني !
..... ارجي عسى تالي الأمر فيه .. خيرة !
مضاوي ........... !!
مضاوي
طفلة في الثانية عشر من عمرها تحفظ لي نص أنا لاأحفظه !
فكانت هذه الابيات البسيطه قلتها على عجالة من شوقي !
بدون رتوش !
الشعر : حكمة .. وإرتباكة ! .. وتصوير !!
يغنيك صوته .. عن جميع .. / الغناوي !
مرات أحسه ( ماء ) ! .. إن جاز .. تعبير !!
ومرات أحسه ( داء ) .. لكن .. يداوي !!!!
ماكل من يقرا الشعر .. يفهمك / ... مير :
أطعن ظنونك ... لاقدحت... الهقاوي !!!
الهم .. والقرطاس .. والشعر ... والطير !!!
والليل ( أبو الأسرار ) ... والذيب عاوي !!
خليط .. يبني من ( جنابي ) ... تعابير !!
خذيتهم .. للشعر ... / رفقة .. خطاوي !!
البارحة من قبل .. لاأروح .. وآطير !!
كانت عيوني .. تحتري بك .. / دعاوي !!
جتني ( ابنية صبح ) .. ( مكثورة الخير ) ..!
تبون منهي !؟ .. مايبي له .. / مضاوي !
حبت قصيدي ../ ياقصيدي ..كذا صير !!
لعيون بنت .. / .. في عيوني .. تساوي :
الشعر كله .. + .. الروح .. والخير ..!
فدوه لها ... من يلبسن ../ الغطاوي ..
قالوا بأني ( حلم ) .. / محتاج تفسير !
يتبع جنوني 1000 (حلوة ) و ( غاوي ) !!
فعلة جنوني .. ماتبي اي .... تبرير ..!
مثل المشاعر ... مايبي له .. عزاوي !
عفوا ( مضاوي ) .. لو بدر اي تقصير !
تعبت ! مدري ليه !؟ ماعدت قاوي !
يكفيني اذكر أسمك العذب .. بالخير !
لاقيل منهو النور ؟ بصرخ .. مضاوي !!
تستاهل مضاوي يقصد بها الشاعر
ماأبيهم !
لمن تعرف : بالصداقة !
لك هذا النص البسيط ! ولهم !
ماأبيهم !
وش يبون اللي انكروا ..
صدق الصداقة !
وش يبون اللي اقطعوا ..
وصل العلاقة !؟
إجحدونا ..
وذوقونا الهم ..
وش كثر .. ه الهم ..
مر مذاقة !!
ياهي تجرح حيييييييييييل ..!
ميلات الرفاقة !
النفس طابت .. ماتبي شوف الاصحاب ..
اللي على ذل الكرامة .... حدوها ..
والقلب يشكي من قسى غدر الاحباب ..
والعين تبكي ... ظلم ناس اجحدوها ..
والصاحب اللي صك في وجهي الباب ..!
تكفون ! .. مابي ( سيرته ) .. ابعدوها !!
أقسى طعنه ..
طعنة من ه الصديق ..!
ماأبيه اللي قتل ..
أغلى رفيق ..
حاربه ياقلب ..
وانتن يالعيون ..
حاربوه الحين .. يكفيني طعون ..
وابعده ياقلب ..
عن دربي .. بعيد ..
قلعته ! عني .. تسوى ..
يوم عيد !
معهم الخوة .. حرام !
ومعهم دروبي ..
ظلام ..!
وش يبون ..!؟
ماأبيهم !
.. وهـ تعبت بس عاتي تهون لعيون محبينه
بكمل بكرى انشالله
واي واحد يعرفله شي يحطه هوووون
اوكي اللي يبي
واللي مايبي
كيفه
تحياتي لكم
غنوجه زوجها
شآعر كبير وغني عن التعريــف
صح السانك وبارك الله فيك
رد مع اقتباس
