عنوان الموضوع : إّليا كِسر في خَـاْطرِك شَخصْ تِغلِيـه
مقدم من طرف منتديات الشامل

هذا الخطا اللي ما توقعت يخطيه
شف كيف كشّر طيب القلب نابه

أثر الحسد لا عشعش بصدر راعيه
يجعل من قلوب الحبايب ذيابه

اللي تعلم من سكوتي تماديه
علمني استقبل "خطاه" برحابه

والواجب انه لو جحد فزعتي فيه
ما يجحد حقوق النسب والقرابه

وانا اللي يوم ان المصايب تبكيه
كنت [ أقرب ] له بضيقته من ثيابه

اللي تعاف أوّله ينعاف تاليه
وأنا كفا صدري من الغيظ مابه

من لا وقف لي وقفة رجال مابيه
يغني عن حضور "المقفي" غيابه

من لا فزع بـ الكايده مع بني خيه
وقت الرخــا مايحسب حساب لابه

علمت غيري كيف لا صـد ماجيه
وأنا تعلمت الصبر والصلابه

لأن الشجاع ان مالقى من يواسيه
أن مانشدته ماعلمت بمصابه

مادام بعدي عن رفيقي بيرضيه
نذر(ن) عليّ إِني فلا اطــق بابه

عيب التفت في جاه مخلوق وادعيه
وللمبتلي ساعة دعاء مستجابه

الضعف ما طيقه ولا طيق طاريه
والدمع لا يرقى ولا ينرقابه

والحلم [ يغنيني ] عن الكبر والتيه
والظلم محصيني كـآبه كــآبه

إن ماجمعت وجيه ما فرق وجيه
ومن لا بنيته ماسعيت بـ / خرابه

وانا لو اني بـ التفت / بالتفت ليه ..؟
الرمح غــالي و"الفريسه" ذبابه

بدري علي احسب لها حساب واوجيه
و بدري عليه يشيلني من حسابه

كـاني عتقته بعتقه رأفت(ن) فيه
إلا الطلابه ماخشيت الطلابه

مهب على شانه .. عشان المشاريه
سامحت طيشه وابتليت بـ عذابه

إليا كسر في خاطرك شخص تغليه
حتى المعاتب تستحي من عتابه

اللي سكن صدري من الغيض يكفيه
ملّت تفاصيلي سكوت ورتابه

اللي بيدخل في مزاجي بسويه
وباخطب الفض الفليض بخطابه

مثل الغلا اللي باخذه منه بعطيه
ويسمع جوابي مثل ماسمع جوابه

دام احترامي للقرابه مجريه
يا شيخ ملعون امها من قرابه

لو كل شخص بيحتقر فيّ بـ اخاويه ..؟
ما كون حزت من المراجل مهابه

يا "هيه" مثلي مايقولون له هيه
مدري متى يتعلمون الذرابه

اللي معلمك الكتابه على ايديه
لمحة بصر ويبعثرك من كتابه

ومثلي لا من قلت لك قول بوفيه
والقرم لا من وكد العلم جابه

سمّه تحدي سمّه اللي تسميه
بس الوكاد انه مهوب استجابه

اللي مهب قدّ المواجه يخليه
ومن لا قدرت تهيبه منك هابه

الله يعزّ وجيه ويطمن وجيه
وحنا بشر لكن بشر وسط غابه

ومن لا فزع بالكايده مع بني خيه
وقت الرخا مايحسب حساب لابه

>>>>> ردود الأعضـــــــــــــــــــاء على الموضوع <<<<<
==================================

صح لسانك و اعتلا شانك

و الله يعافيك و يسعد قلبك

بإنتظار جديدك دوما

كل الود و التقدير

__________________________________________________ __________
صح لسانك يالغالي

قصيده معبره وتحكي عن واقع مرير

تسلم يدينك يالغالي .

بس هل هي بقلمك أم منقوله .؟

__________________________________________________ __________
صح لسانك و اعتلا شانك
لا هنت اخوي
يسلموووووووووو
يا الغلا

__________________________________________________ __________

صح لســــــــــــــــــــــــانكـ /: فديـــــــــــــــــــــــــتكـ
والله اعجبتــــــــــــــــــــــــني..
تسلم يدينـــــــــك.
ربي يسعدكـ ولايحرمنا منكـ ولا من مواضيعكـ..
تقبل مروري على موضوعـــــكـ..

ولك اجمل تحيه مني ..,
اخوك يالــغلا : مرحوم في دنيا غريبه ..

__________________________________________________ __________
مَعزُوفَة رائعة..
دغدَغت احْسَاسِي..
ولا عَبت لَوح خَيالاتي..
أهنِئكَ عَلى هَذه الذَائِقَة العَذبة..
كُل التَقدِير والاحتِرام لِشخصِك..
دمْت بِخير..