عنوان الموضوع : الوحيد!
مقدم من طرف منتديات الشامل
مساء الشعر وعذوبته’,
الوحيد اللي بكى قبل يرفع لك يديه
ليلة(ن) فيها القمر بدر والخاطر حزين
ياالله أنك تصلح أحوال قلبه وتهديه
عند بابك لاترده ياعون التايبيــــــــــن
بمرك أستر خاطي خطاه ورحم والديه
وأحشره مع زمرة أهل الكتاب الصالحين
السنة تتبع سنه وابن دايل مالديه
غير قولت يالله أنك تعين الصابرين
(الولد لازال) والوقت قطب حاجبيه
والرصيد اللي ذخرته لصكات السنين
نصه لبقعا ونصه لبيضان الوجيه
الكريم معان والبخل وجهه مايلين
مدت الرجال من دون وجهه تحتميه
وتركت الواجب من اسباب قل الطيبين
وقبل نقني واجب الضيف ولانشتريه
مرحبا مليون ياضيف رب العالمين
وقبل نسمع هرجة الزور من صدر السفيه
أكبر من الكذب هتكت عروض الغافلين
وحاجة(ن) ماتلزم الرجل ماهيب تعنيه
خير مايلزمه دينه وبر الوالدين
غير هاذي كل شي(ن) يرد العلم فيه
وأن بغيت تماشي الناس جاملها تزين
ودايم(ن) والشره يسعى وشره محتويه
مادرى انه ماجتمع حب (مال)وحب (دين)
ناشف(ن) ريقه ودرب(ن) مشابه ينتهيه
غادي(ن) لذنيه من طرد خلق الله دنين
ياضعيف(ن) راح عمره وقبره يحتريه
وأنت لك فالعمر نيه ولك بالناس عين
وين جدك ليه مارد عنه الموت ليه
وين راحت صحة العود ابو الهقوات وين
التجارب مصنع الطيب والعقل النبيه
والرجال أفعال والحظ عذر الخايبين
بيت ناقف عند بابه وبيت(ن) مانجيه
وبيت زواره مثل ضول زوار الحسين
صوت نسمع له وصوت(ن) حديثه مانعيه
وتستعين أحيان وأحيان من فضله نعين
واحد(ن) يشره علينا ولانشره عليه
واحد(ن) يبحث خفانا وحنا ساكتين
وشي نسعى في طريقه وشي(ن) مانبيه
ونترك المشروه لعيون ذباح السمين
سيد الاخلاق والعرف والعرض النزيه
طيب(ن)لاقام يكفي جموع الغايبين
حشمته تفرض علينا نحط (العبد) بيه
وأن بغانا نجعل (البيه) عبد(ن) حاضرين
والسحاب اللي تساحب ردونه مقتفيه
وابل(ن) خلا نزيفه أتراب العرق طين
كل ماجهى ربابه عقابه محتريه
السحاب رجوم والقاع طاويه الحنين
العيون تشوف سيله وعجزت ترتويه
من ثمان سنين ماسال من ماه (البطين)
الخيال أوقات يجنح بعقلي وشتكيه
وأن شكيته من يحاسب خيال العقل مين؟!
مال عز النفس والصبر بالدنيا شبيه
ومدحت الرديان هزبه وشين القرم زين
الرفيق نعاتبه والمصخن نتقيه
والعظيم اللي دعيناه وجهه مايشين
والوحيد اللي سقى وبل دمعه راحتيه
مايبي الارحمتك وأنت خير الراحمين
يالله ستر خاطي خطاه ورحم والديه
وحشره مع زمرة آهل الكتاب الصالحين
للشاعر:
راجح المشعلي
>>>>> ردود الأعضـــــــــــــــــــاء على الموضوع <<<<<
==================================
أبيات في غاية الجمال والروعه
مشكوره على الذائقه الجميله
الله يعافيك على الجهد الرائع
انتظر جديدك
امنيتي يكون مروري متقبلا
__________________________________________________ __________
الخيال أوقات يجنح بعقلي وشتكيه
وأن شكيته من يحاسب خيال العقل مين؟
انتقاء مميز كعادتك
كلمات في قمة الجمال والعذوبة
دوووم مميزة
ودي لك
__________________________________________________ __________
أبياتـ روعهـ.........
لاتحرمنا من جديدكـ.........
يثلـــــــــــــمو.........
ودي/وايـ يحلاتيـ......
__________________________________________________ __________
الله عليك
مااجملها من كلمات
جميلة ورائعة بروعة حضورك
اسعد الله ايامك
دمتي بالف خير
الحبيب
__________________________________________________ __________
أكثررررر من رووووووعه
تقبل مروري
رائعه
سلم احساسك
لاعدمنا انتقائك الراقي
تقديري واحترامي لهكذا بوح
رد مع اقتباس
