عنوان الموضوع : ماهو بكفو الوقت
مقدم من طرف منتديات الشامل
بسم الله الرحمن الرحيم
السلام عليكم ورحمة الله وبركاته
قصيده جميله جداً للشاعر الكبير محمد بن فطيس المري
حبيت اني انقلها لكم لكي تستمتعو بابداعه ولعلها تلامس ذائقتكم
ماهوب كفو الوقت حبك يمحّيه
ياللي تخاف صروف الايام تمحاه
ارتـاح دام ان المـواصـل يقـوّيـه
انت.انت وانا.انا وقلبي هو إياه
حتى ولو بتغيب ذكراك تكفيه
ياواحدٍ تكفي عن الناس ذكراه
حُبك على رملة خفوقي مواطيه
ورياح عذلي عَنك ماتمسح خطاه
واللي يعذل القلب عن درب غاليه
( الله بمـا يبـلا المواليف يبلاه )
اخفيه يابلفيت والحال يبديه
ادناة واحد ينظر الحال يقراه
اخفيه فيه ومعتنيٍ به وحاميه
عن كل عينٍ ودها تنزل حماه
قلبٍ يحبك والهوى الذرب ماليِه
كانك مكذبني بعينك تحلاه
شرط . ان تشوفك فيه منت بحواليه
ويمكن تشوف ديار واماكن رعاه
وتشوف به تمثال والوقت هاريه
وبتشوف زرعٍ ميتٍ واقفٍ ماه
وبتشوف جرحٍ فيه سكين راعيه
راح ونسى السكين والجرح ينخاه
وبتشوف حصنٍ عجّ الاقدار سافيه
وبتشوف باقي بيت . راعيه خلاه
لاتنزعج . هذا خفوقي وباقيه
ولا تضايق من تصّدع زواياه
قَد زلزله فرقا وهــزّة عــراويــه
والله ستر والحظ عانه وعافاه
وكانه صلح لك واعجبك .زيد تبينه
ابنـــه وجــهــــزّ للمقــابيــــل مبنـــاه
ابغيك بس من المفارق تداريه
وازهل من ايداري شعورك ويدراه
وحلل وحرّم فيه . ياأبرك بلاويه
وحله وراع ارضاي ورضاك وارضاه
جعلك بعد بعض الوجيه امحق وجيه
نــاسٍ مــراتعهــا الـرفيـق بتـقـفــاه
انواع . واخطر نوع مانيب ناسيه
نوعٍ على تفريق الاثنين مسعاه
تلقاه دوم . وكل يومٍ تلاقيه
واذا بغيت الصدق ماعاد تلاقه
وإلا انت . ردك كُل مادعيك لبيه
انشهدٍ منتوا بفي عيني اشباه
منت بمعى العالم . ولا تقولي ليه
انت ادرى مني وفي جوابي وفي احواه
كذيه ومن الله يازين وإليه
واغلى طروش القلب ودواه من داه
الحلم ياتيني بزولك واراعيه
وفي كل حلم اقوم قبل اتحفاه
واعشق سميّك في البزارين وادعيه
واقبل خطاه الا اخطى واتلقاه
واسمك يروعني اذا مرّ طاريه
واحب ملقوفٍ يسولف وطرّاه
وامرّ بيتك من بعيدٍ ولا اجيه
وانا لو انه في يدي ماتعداه
حتى تواير موتري تلتفت فيه
تبغي تلفّ ويستحي العقل والجاه
وصلك يخيط الصدر والبعد يفريه
ويابري حالي كان صديت برياه
ويلي على ادري حبنا ويش تاليه ؟
وويلي على ادري وش ورى الغيب ويلاه؟
عشان اشوف اذا محبتك ترفيه
والله لاقفي عنك . استغفر الله
:::::::::وسلامتكم:::::::::
..ـزاد الشقى
>>>>> ردود الأعضـــــــــــــــــــاء على الموضوع <<<<<
==================================
قصيده جدا جميله
سلمت على هذا الطرح
وسلمت اناملك المبدعه على النقل
دمت بخير ودام هذا النبض والاحساس الراقي
تحياتي
امــيـــرة الحــــور
__________________________________________________ __________
صح لسانك
أبيات رائعه وعذبة
الله يديك العافية
تسلم
__________________________________________________ __________
ارتـاح دام ان المـواصـل يقـوّيـه
انت.انت وانا.انا وقلبي هو إياه
تقبل مروري يالغلا
__________________________________________________ __________
واعشق سميّك في البزارين وادعيه
واقبل خطاه الا اخطى واتلقاه
واسمك يروعني اذا مرّ طاريه
واحب ملقوفٍ يسولف وطرّاه
ابيات تلامس نبضات القلب ...
وعميق الإحساس ... مودتي؛
__________________________________________________ __________
كلمات في قمة الروعه
يعطيكـ العافيه ع طرحكـ المتميز دوما
ننتظر جديدكـ .... وكل عام والسعودية بعز وفخر
كلاسيكية وكلي رومنسية ....
***
انتقاء رائع
سلم احساسك
مودتي
...
رد مع اقتباس
