عنوان الموضوع : الصمت حكمه في مواقف تبي صمت *** والصمت في بعض المواقف مذله
مقدم من طرف منتديات الشامل

أضع بين أيديكم هذه القصيده للشاعر : محمــد فياض الدماني الحويطي

وهي قصيده يدافع فيها عن البدو عندما تعرض لهم الباسلي بالشتم ونحوه

ملاحظه/ هذه القصيده منتشره في الكثير من المنتديات ولجمالها رأيت أن منتدى الشامل من أحق المنتديات بها


الصمت حكمه في مواقف تبي صمت=والصمت في بعض المواقف مذلــــه"
وانا بعــــد ياالباســلي يــــوم ساهمت=مااقـــول شـــي الا يكـــون بمحلـــــــه"
امشـــي على وضح النقــا ما توهمت=والتـــايه اللي ما لقـــــى من يــدلــــــــه"
انا بـــدوي في عيشتــــي ما تنعمت=رمز الرجـوله سيف،،، والكيف دلــــــــــه"
اعيش في صحرى الضما ما تألمت=واقنص سباع البـــر في كل تلـــــــــــه"
محبوبتي صحراي في حبهــا همت=اعشــق سهلهــا والــرجــوم المطلـــــه"
ومن عيشتـــي فيها كفايـــه تعلمت=ان الخضوع لغيــــر ربــــي مذلـــــــه"
وان شانت الديره على النوق حملت=وانزل بروض من اول امزان علــــــــه"
تلقى الخزامــا والنفــل فيـــه لاحمت=والقحـــويان يفيـــض حسنه ودلــــــــه"
حنا البدو ياللـــي علينـــــــــا تهجمت=حنــــا هل التاريخ والمجــــد كلــــــــــه"
حنـــا البدو، حنــا عرب مابنا شمت=اصـــل ونسـب محنـــا فروع وقلــــــــه"
نضـــل اعظــم منــك مهما تعاظمت=انت الذنب،،، والــراس حنـــا هلنلـــــــه"
وان كان لك يمنى طويله بها اقدمت=يمنـــاك واليســـــرى ترانا نشلــــــــه"
وللعلــــم خــــذها كانك ما تعلمت=اللغــــز حنــــــا لك بغينــــا نحلـــــــــه"
سيـــف لنــــــا انت بحقـــه تكلمـت=في مامضـى جدك ركع تحت ظلـــــــــه


أرجو أن تنال استحسانكم ورضاكم

وتقبلوا مني أرق وأروع التحيات

أخوكم/

أبوتايـــــــــــــــــــه

>>>>> ردود الأعضـــــــــــــــــــاء على الموضوع <<<<<
==================================

تسلم يدينك وصح السان شاعرها والله لايهينك على النقل

الاجمل من ان يكون رائع قصيده جزله تستحق الثناءورتقاء

بالذائقه الشعريه

__________________________________________________ __________
صح لسان قايلها
وسلمت يمين اللي نقلها
تقبل مروري
تحياتي

__________________________________________________ __________
حـنـا الـبـدو يالـلـي عليـنـا تهـجـمـت
حـنـا هــل التـاريـخ والـمـجـد كـلــه"
حنـا البـدو، حنـا عـرب مابنـا شمـت
اصـل ونـسـب محـنـا فــروع وقـلـه"


اخوي ابو تايه سلمت يمناك عالنقل الرااااائع

__________________________________________________ __________


__________________________________________________ __________