عنوان الموضوع : ماهو خطا لاقلت تامر على شي
مقدم من طرف منتديات الشامل

السلام عليكم ورحمة الله وبركاته


هاذي قصيدة أعجبتني كلماتها فحبيت تقرونها وتشاركوني رايكم








حيل الله اقوى مابقى في يـدي شـيّ
مافيه حل ٍ فـي يـدي .. ماذخرتـه
حاولت .. لكن المحاصيل هـيّ هـيّ
الطيـر طـار ولا بقـى الا شجرتـه
وقفّت اشوف شويّ واغمّض شـويّ
واللي انكسر في خاطـري ماجبرتـه
لين الحقت شمسي على بـارد الفـيّ
وشفت ان كل اللي جمعتـه خسرتـه
من كثر ماعزيت ريقي عـن المـيّ
ملّ الصبر من كثر صبـر ٍ صبرتـه
كم هقوة ٍ ضاعت على سكـة الغـيّ
وكم حلم فـ( تراب ) الحقيقه قبرتـه
واقف .. وطعنات الزمن كلهـا فـيّ
وساقي لو انه كلّ منـي / كسرتـه
بعد ماعاش اليأس في احساسي الحيّ
اخوي .. لو هو صد عنـي عذرتـه
مدري عن اللي كنت احسبه بقى لـيّ
اللي حزمت ابـه الضلـوع وذكرتـه
اللي طوى حالي بحكم الهـوى طـيّ
قصّر .. وانا كل الطريق اختصرتـه
ماهو خطا لاقلت ( تآمر على شـيّ )
الا الخطا .. لا اشتقت له وانتظرتـه




الشاعـر مشعـان البراق
__________________

>>>>> ردود الأعضـــــــــــــــــــاء على الموضوع <<<<<
==================================

اختيار جميل

يدل على ذائقة اجمل

لاهنت

دمت بخير

__________________________________________________ __________
أخي ((صعوط المجانين))


مرورك الأجمل


دمت بصحه وسلامه

__________________________________________________ __________
القصيده نااااايس كثير


تشكرات خيتو

__________________________________________________ __________


__________________________________________________ __________
يابعد كلي


رائعة الأحساس


عطرتوا الموضوع بمروركم


دمتم بصحه وسلامه