عنوان الموضوع : تضيق بي دنياي اذا اجـِـيـب طاريـه
مقدم من طرف منتديات الشامل

يا رب .. كانه ما حصل لـي ألاقـيـه

والقى معه روحي و نبض ٍ فقـدته


خذ عمري اللي باقي ٍ لي .. فلا أبيـه
أنا وعَدت .. وبأوفي اللي وعَـدته


الـ ( لا ) لغيره .. بس له تنقلب ( إيـه )
وقــّعت بإســـمه خافقي واعتمدته


الله و اكبر من كثــر مــاني اغليـــه
لا زاد هجرانه/ من الوصل زدتـه


عهدي به اصلاً.. مايجي لين اناديـه
واليوم ما جاب النــدا مــا عهدتـه


مليت انادي وانشد الكون وش فيـه
ولامن مُجيب الا الصدى لا نشدته


ولا من سألني خاتمي ويــن راعيـه
أهذي عليــه.. وأحسب انـــي أفــدته


إحتار صوتي بين الآهات والـ ( ليـه )
وباقي الحكي ضايــع ولوّي وجدته



تضيق بي دنياي اذا اجـِـيـب طاريـه
حسره على وقت ٍ مـعـه مـا قعدتــه


وقتي يا إمـا ْهجوس والا مشــاريـه
نفس الشريط اليا انتهى..قمت عِـدته


أخفي دموعي بـ إبتسـامات و وجيـه
واوصف جنون ٍ فالهوى ما شهـدتـه


والهــمّ إبـن ٍ ما اعَرف كيف اربيّــه
والا الفـرح .. جا ميّـت ٍ من ولــدته



يارب ياللــي مالي الا انت اناجيــه
ولا غيــرك احد ٍ في حياتي عبدتـه


خذنـــي اذا انـّي بعد موتي بألاقيــه
وش لي بهــالدنيا عقب ما فقدتـه ...


*...*...*

>>>>> ردود الأعضـــــــــــــــــــاء على الموضوع <<<<<
==================================




__________________________________________________ __________
يعطيك العافيه على

الكلمات الرائعه

__________________________________________________ __________
يسلمووووووووووو

__________________________________________________ __________


__________________________________________________ __________