عنوان الموضوع : سميت قلبي عقب فرقاه ملعون
مقدم من طرف منتديات الشامل
مساء \ صباح الجوري ]:.
ياللي دفنتوا جثته.. ليه تبكون؟
لولا الحيا..لأقول : معكم خذوني
منه انحرمت وكنت انا عنه مسجون
ما أذكر لمحته .. غير مره بعيوني
شفته ..وكانت فرحتي مالها لون
عجزت لأوصف .. من لمحته شجوني
ياليتني ..كنت الكفن يوم تمشون
أبقى معه بالقبر ثم تدفنوني
أو ليتني .. من خلفكم كنت (مجنون)
أتبع خطاكم والعذر هو : جنوني
أبكي وراكم .. وأدعي ان كان تدعون
ما يكفي انه عاش عمره بدوني؟؟
تكفون هاكم عمري اليوم تكفون
برخص حياتي دام خابت ظنوني
ما فادني صبري !! ولا فادني عون
ولا فادني دمع(ن) .. حرق لي جفوني
يا ما بكيته والبكي يحرق عيون
ميت أو انه حي .. دمعي بعيوني!!
العام كان بفرحته.. يعزف لحون
واليوم ؛ تحت الأرض .. ماهو بكوني
لكن أنا في فرحته.. كنت مدفون
فوق الثرى .. واليوم موته سجوني
(سميت قلبي عقب فرقاه ملعون)
هو و الليالي .. عن هناه امنعوني
ياليتني.. ماعشت لحظه بهالكون
و ياليت ربعي .. في سكات اذبحوني
وياليتكم .. عن همّي اليوم تدرون
منه انحرمت ومن عزاه .. احرموني
حتى بوفاته !! يوم أنا طحت مطعون
أخفيت طعناتي .. قبل لا يفضحوني
بكيت!! لكن .. ماتظاهرت بالهون
أبكي وأقول : الموت هو سبة طعوني
و إن كان في حبّي أنا ..ماتحسّون ..؟!
دلوني لقبره .. وهناك .. اتركوني ..!!
مـ{ وــدي }ـع
..|{..مغرووورة ويحق لي..}|..
>>>>> ردود الأعضـــــــــــــــــــاء على الموضوع <<<<<
==================================
وين الردود ياحلوووووين
__________________________________________________ __________
مغرورة ويحقلها
صح لسانكـ وبيض الله وجهكـ
قصيدة في غاية الجمال
استمتعت كثيرا بها
لكن لي ملاحظة بسيطة ي على الشطر:
سميت قلبي عقب فرقاه ملعون
اتمنى لو تستبدلين ملعون بكلمة آخرى
مجرد رأي
لكن هذا لايمنع من تسجيل اعجابي الشديد بهالقصيدة ,,,, لاعدمناكـ
دمتِ بخير
__________________________________________________ __________
كلمات روعه سلمت اناملك
بس لا تلعني قلب حب انسان مدفون
ولك حبي
__________________________________________________ __________
قصيده قويه بحق
وين ها الحب ها الايام يسلموووو يا الغلا
دمتي لنا بود :015::chirol_wkiss2:
__________________________________________________ __________
مشكورين حبايبي على الطلة الحلوووة
وربي يعطيكم الف عاافية
لا تحرموني طلتكم
مـ{ وــدي }ـع
..|{.. مغرورة ويحق لي ..}|..