عنوان الموضوع : لقلبي لك شيء
مقدم من طرف منتديات الشامل

قلبي سلا عنك ياللي كان يوله لـك
ياللي بكيفك تجي و تغيـب سكّاتـي
ما تشبه الطيف غير الطيف يشبه لك
تمر عابـر و تيـار الزمـن عاتـي
ياكثر ماكنت باسم اشواقي انده لـك
و انته تكابـر و تتجاهـل نداءاتـي
ماهي بكيفك تواصلني علـى مهلـك
ان كان وصلك يهين النفس لا تاتي
النفس عودتهـا للعـز لـو تهلـك
كرامة النفس هي كـل اهتماماتـي
و اليوم روّح عسى الدنيا توجه لـك
غلاك عندي حسبته حسبة امواتـي
لاشك في خاطري شيٍ بقولـه لـك
ابيك قبـل المـوادع تفهـم الاتـي
صاحبك لامن حبل الوصل مده لـك
خلك على الوصل عندك دافعٍ ذاتـي
و حذراك راع النميمه لا يتنبه لـك
نصيحتي لك هديه و احفـظ ابياتـي
لاني احسك غشيم و يغلبـك جهلـك
و لاودي اتصير هرجة كل شماتـي
و الله يوفقك و الله يحفظـك لإهلـك
ودعتك الله و لك خالـص تحياتـي

>>>>> ردود الأعضـــــــــــــــــــاء على الموضوع <<<<<
==================================




كلمات في قمة الروووعه
كلمات قوية وفي الصميم
صح لسان من قالها..وتسلم يمينك
على هالنقل الرائع المبدع حقا..
لا تتاخر علينا فنحن في انتظار مقتطفاتك الرائعه دائما
لك مني الف تحيه والف شكر
اختك"دمـ ع ــه"

__________________________________________________ __________
رائع جدا مشكور علي المشاركة الطيبة مزيدا من العطاء

__________________________________________________ __________
https://forum.te3p.com/101415.html


امير الحزن

شكرا على هذا النقل

لك تحيتي

__________________________________________________ __________


__________________________________________________ __________