عنوان الموضوع : اعجبتـــــــــــــــــــــني فأتمنى ان تعجبكم,,,
مقدم من طرف منتديات الشامل

شــــــاعر مبدع يعجز لساني ان يصف روعةمايكتبه الاوهو الشـــــاعر فهد المساعـــــــــــــــد




حبيت ان انقل لكم شيئآ من روائعه,,,,,,,,,,,,




C:\********s and Settings\user\My ********s\My Piغمـــــــــــــــــــــــــــــــــــازتين
أشتاق / لك
وأوقف على مطلع شعر قلته خبال وراق / لك
وأدوّرك
أنا أذكر أني قلت / لك
الشعر هذا مايليق ..
وجاوبت ِ : لكن لاق / لك

* * *

شيطانه أنتي
ماتحبي من بناتي الا بنتي اللي أنتي فيها بنتي
كم صار لك يابنتي
ماعاد بيّنتي
مدري ليه ! ..
يا أنتي كنتي منتي انتي يوم شفتك !
والا شفتك ..
يوم انتي منتي كنتي أنتي !

* * *

يا اجمل من عيون خل ٍ ينتظر خله
بغمازتين وسله
فيها سحاب وعيد
وطيور مبتله

* * *

آه لو تجي ..
تسقيني الحب الغزير
وأخذها بيديها وأطير ..
مدري لوين !؟
لكن أطير ..
ومتى ماينهكنا الهوى
أذوب وتذوب .. وتمرنا أسراب الغيوم
وأصير أنا غيمه
وتصير هي غيمه
وأسيل أنا فـ وادي
وتسيل في وادي
وأقول للمفرق :
محدٍ سأل عني أو مر من حولك
ويقول لي المفرق :
أسمع سراب أصوات فيها من هطولك
وأظنها كانت
لـ أهل ٍ ينادولك
وأصيح به : تكفى
يامفرق الوادي
أنا هنا مليت
مادلني أصحاب
ولا دلّني غادي
قبل انطفي وأجف
(خذني على بلادي)
ــــــــــــــــــــــــــــــــــــــــــــــــــ ـ
في خاطري كلمــــــــــــــــــــــــــــتين,,,
من عز نومي صحيت وشفت فـي عينـي
دمع تهـادى علـى جفنـي وأنـا غافـي
ستـرت دمعـي بكمـي قبـل يغريـنـي
وأخذت هذا الجسـد مـن باقـي لحافـي
وسريـت تايـه ورا خطـوات رجلينـي
لا الوجه وجهي ولا أوصافي هي أوصافي
أمشـي وأقـول لطريـقـي لا توديـنـي
لعيون نـاس تبـي تـدري عـن الخافـي
أمانتـك.. خلهـا مـا بيـنـك وبيـنـي
خابرك يالـدرب خـوة عمـر وسنافـي
مـا ودي النـاس تـدري وش يبكيـنـي
كرامـة النفـس ورث أبـوي وأسلافـي
أمشي وأحـس الخناجـر فـي شرايينـي
والبرد يمشـي وراي وينهـش اطرافـي
وحـيـد واللـيـل بـردونـه يغطيـنـي
تقـول كـن البلـد روح بهـا السـافـي
إلين مـا أوحيـت لـي صـوت ينادينـي
صوت أعرفه مثل ما أجهل وش خلافـي
قمـت أتلـفـت وانــادي لا تخليـنـي
ما غيره.. الصوت هـذا صوتـه الدافـي
ولمحت زوله من أقصى الـدرب لافينـي
مدري وش اقول لكن حـي هـا اللافـي
تعال.. شف غيبتـك كيـف أثـرت فينـي
تعال.. شفني وأنا أغرق عقـب مجدافـي
تعال.. خذنـي ورحبـي مـن عناوينـي
تعبت أعدي علـى جمـرك وأنـا حافـي
تعال واقطـف بصوتـك زهـرة سنينـي
كـل المواعيـد عقبـك شمعهـا طـافـي
تعـال وازرع خصـل شعـرك بكفينـي
بضمهـا ليـن أحـس بليلـك الظـافـي
تعـال وشفيـك خايـف؟ أنـت ناسينـي؟
قطعت صوتـي عليـك وطـال ميقافـي
حتى بديـت أشعـر أن الحـب معمينـي
وان أنت حلم عثـى فينـي وأنـا غافـي
لكـن أمانـة تـرى اللـي فـي كافينـي
إن رحت منك كـذا مـا رحـت متعافـي
بصـدق الحلـم وأحـذر لا تصحيـنـي
فـي خاطـري كلمتيـن إن قلتهـا كافـي
أمانـة الله عليـك إن غبـت عـن عينـي
لا يكون قلبك مثل قلـب الزمـن جافـي
مـع كـل دمعـة تذكـر رعشـة يدينـي
ومع كل ضحكـة تذكـر قلبـي الوافـي

ـــــــــــــــــــــــــــــــــــــــــــــــ
الطــــــــــــــــــــــــــــــــــــــــــــفل والمحارم
كــــان في وسط المدينه...
طفلٍ أكبر من سنــــينه..

والده مات بحنــــانه..
ولاقعد يندب زمانه...

صادق هموم الشوارع ..
يمسح الدمـــع ويصارع ..
طفل لكن كان بارع ..
مات ابوه وجا مكانه ...

يمسح أطراف القوايل عن جبينه ..
يبعد الشمس ويطاردها بيدينه..


طفل أحزانه معالم..
طيب وسمح ومسالم..

يمشي ويطوح بصوته ..
يبغى قـــوت أمه وقوته ..


المحارم....المحارم....المحارم ..
المحارم....المحارم....المحارم ..


ولا أقبل الليل ..ورحل وجه النهار ..
راح لامه مثل الأطفال الصغار ..

وأرتمى في ...حظنها ..
أرتمى في....جفنها ..
أرتمى في....حزنها..


وقامت امه تبكي لضيعة سنينه ..
وصـــــاح...يمه
ليه يــاعمري حزينه؟ ..
دمعتك يالغاليه والله ثمينه ..


تحسبين أني حزين؟ ..
لا..وراسك ما ألين ..
من لقى هذا الحنين ..
ينسى حزنه..
ينسى همه...
ينسى حتى العمر كله..
دامــــك أنتي تحترينه..


وفي صباح من صباحات الضياع ..
الحزن قدر يقول له الوداع ..


نـــــــــادت أمه...ماسمع ..
صـــــاحت أمه...مانفع ..
طـــــاحت أمه...مارجع ..


الصغير اللي ملى الدنيا صراع...
مـــــــات ....من كثر الوجع
ــــــــــــــــــــــــــــــــــــــــــــــــــ ـــ
سكــــــــــــــــــــــــــــــــــــــــــــــة الذكرى الحزينه
مرّني طيفك .. وطيفـك صاحبـي مـدري عـدوّي
جايبٍ صوتك .. وصوتك سكـة الذكـرى الحزينـة

قال أنا جوّي تكـدّر .. قلـت : ماهـو كثـر جـوّي
قال فرقانـا غبينـة .. قلـت : وأكثـر مـن غبينـة

قال : أنا بـأموت من غيبتك قل لي ويـش أسـوّي؟
قلت : أنا أبغى الموت في غيبتك .. قل لي بس وينه؟!

قبل ترحل .. كنـت أقـول بيسـرح أيـام ويضـوّي
مثـل ماعودنـي اليـا اشتقـت لـه جابـه حنيـنـه

بـس هالمـرة ثمـان شهـور وضلوعـي تــدوّي
كل يوم أشتاق لـك .. يلعـن أبـو الشـوق وسنينـه

كـل ماعشمـت قلبـي .. قـال ياضلوعـي تقـوّي
ورحـت أنـا ويـاه نرقـب رجعـة اللـي فاقدينـه

نوب أقـول اليـا رجـع بكـون فـي قمـة هـدوّي
ونـوب أقـول الا أبزعـل وأتلـى مابينـي وبينـه

كل يوم أجلس على جـال البحـر وأقـول تـوّي ..
.. لاسألني : مافقـدت الحلـم فـي لمسـة يدينـه ؟!

مادريـت أن البحـر ماقـال لأمواجـه تــروّي !
و مادريت أن الغـرق هـو حجّـة غيـاب السفينـة

مادريت .. أو مابغيت أدري .. ولاأدري وش بسـوّي
لو رجعت .. وشفت طيفك فـي الممـرات الحزينـة

وين ابنسى وانت طيفـك صاحبـي مـدري عـدوي
مارضى يترك لغيـره شبـر واحـد فـي المدينـة!
ــــــــــــــــــــــــــــــــــــــــــــــــــ ــــــــــــــــــــــــــــــctures\01AwcAX2lXYX8 AAAABAAAAAAAAAAA_.jpg

>>>>> ردود الأعضـــــــــــــــــــاء على الموضوع <<<<<
==================================

hamoooody
صـح للسـآن فهد المساعـد
وسلمت يمناك على النقـل
ينطيك العـافيـه
ودي واحتـرامـي
تحيـاتي

__________________________________________________ __________
صح لسان من قالها..تسلم يمينك
على هالنقل الرائع..يعطيك العافيه
ننتظر دائما جديدك..لك مني الف شكر والف تحيه
اختك"دمـ ع ــه"

__________________________________________________ __________
تسلم يمينك

وصح لسان من قالها

وننتظر ابداعك المميز

__________________________________________________ __________


__________________________________________________ __________