عنوان الموضوع : يابنت يكفـي دخيلك لا تبوسيني !!
مقدم من طرف منتديات الشامل
[CENTER]
يابنـت يكفـي دخيلـك لاتبوسينـي
خلاص يكفي ترى مليـت مشكـورة
وش لك بخدي يابنت النـاس فكينـي
عندي طريقة وهي ماهيب محظـورة
نامي على صدر ابوك وحيل ضميني
لو تصبح عظام صدري منك مكسورة
انتي أساساً مكانـك فـي شرايينـي
مشاركـة بالمحبـة والغـلا " نـورة "
ولاهي غريبة علـى مثلـك تحبينـي
لاني أحبك وانـادي دوم عصفـورة
يابلسم جروح ابوك وفرحـة سنينـي
يامن لها بالضلوع وخافقـي صـورة
أهديت غيرك كلام رويشد "اعفينـي"
وانتـي لـك بذمتـي "درة وبلـورة"
اموت في ضحكتك وانتـي ذبحتينـي
بلشـة عنيـدة وكتكوتـة وشطـورة
أن جيت اريّح وانام الليـل توذينـي
متسلطنة تضرب الجـدران بالكـورة
تلعب على عينـي الكـورة تورينـي
والله ولا سامي الجابـر وجمهـورة
واليا بكت تنقلـب عنـدي موازينـي
دنياي من دمعها وأن سال مذعـورة
كن الـزلازل بصـدري والبراكينـي
قامت تفجر وكن الـروح مخطـورة
واليا ضحكت قلت أنا بالسوق بيعيني
لو كان سعري ثلاث ريال معـذورة
والله ما أحسد على ضحكك سلاطيني
اموالهم في بنوك جنيـف محشـورة
انتي حياتي وعمري شمعـة سنينـي
ودي اشوفك إليا شيّبـت دكتـورة
ادواي لاجيت لك تعبـاااان ضمينـي
الوصفة اللي ترد الـروح "عبـورة "
وسلامتكم..[/CENTER]
>>>>> ردود الأعضـــــــــــــــــــاء على الموضوع <<<<<
==================================
احسنت طربتنا
__________________________________________________ __________
ياسلاااااااام
روعه سلمت ايدينك
وصح لسانك
ننتظر جديدك دايم
__________________________________________________ __________
روووووووووووووعة
__________________________________________________ __________
تسلم..واختيار موفق
ســولافـــ
__________________________________________________ __________
مشكورررررررررررررررررين
على
المروررررررررررررررررر
انتظر جديدكم
تحياتي
رد مع اقتباس
