عنوان الموضوع : && محاوره رااائعه بين العريس والعزوبي &&
مقدم من طرف منتديات الشامل
--------------------------------------------------------------------------------
قال العزوبي:
قال العزوبي يوم شاف المعاريس** الرابح اللي لاقعد مايقومي
أول سنة كل يبث الاحاسيس ** وثاني سنة تجلب عليك الهمومي
وثالث سنة حط الرمل والمتاريس** لابد من حرب تقوم وتدومي
لامن دخلت الدار لاكنها بليس ** متلفلف في غاليات الهدومي
تاخذ من المخباة وتسحب من الكيس ** وتغير الموديل شي لزومي
وان قلت ما املك يامره لوهو فليس** قالت تدين لاتكثر بلومي
ولا جيت مرة ناوي لك ب...** قالت تصبر خل قلبك رحومي
ليتك تساعدني تصحح كراريس** زادو علينا أربع حصص في العلومي
أزوارة في العصر والصبح تدريس** والليل تصحيح وودي أنومي
تبكي إذاجاها وجع لوهو ضريس** وتقول أبي دكتور ماهو حكومي
يروح عمرك بين عرس وتأسيس ** وأربع سنين والبزارين كومي
وسط المطابخ بين قز ومحاميس ** هذا صحن رز وهذاك ثومي
ولا خلصت إمنظف الملاليس **جتك تقول انهج نبي زود لومي
ولا جبت قالت اكنس الحوش تكنيس** خل البلاط يصير مثل النجومي
ومكرس جهدك من الخوف تكريس** وان نادتك بالصوت اقبلت مومي
يجيك تال الليل دايم كوابيس ** ويشيبنك مزعجات الحلومي
هذي حياة اللي ركض باغي...** ضيع حياة أول وصار محرومي
تعيش يالمعرس حياة المحابيس** وشف العزوبي بكل شارع يحومي
من مفرق جلاجل إلى جوي للخيس** وان حار حايرهم بوسطه يعومي
يفرح إذا شاف الوتر والمراويس** وفي كل يوم كاشت ومعزومي
شف العزوبي مايعرف الهواجيس** ولايودي حرمته كل يومي
ياعنك ماحاش الفخر والنواميس** الا عزوبي يعرف السلومي
اذا اعرس المعرس غدا عندنا هيس** ونزيل اسمه من سجل القرومي
والي بغيت البهذلة والدحاويس** فأعرس وخلك من عداد الرخومي
وش صابكم من عرسكم يالمفاليس** وش استفدتوا غير دق الخشومي
اللي تزوج أشهد انه غدا تعيس** والرابح اللي ماخذله..........
ترى عناق العام نطت على التيس** والحر عقب العرس يصير بومي
قال العريس:
قال العريس أنا الذي في سعادة** ماني عزوبي ضايق الصدر مهموم
مبسوط من مثلي قعد عند غادة** مهوب مثل اللي لحاله تقل بوم
في كل ليله حاضن لي وسادة** وأنا مع المزيون في غرفة النوم
أنا أشهد انه عايش في قراده** يروح عمره ماتهنى ولا يوم
الي دخل للبيت يبلش بزاده** يقعد يقطع له طماط معه ثوم
ولاقضى عقب العصر من عداده ** والحوض من كثر المواعين مزحوم
والي غسلهن ثم فك السداده** دلى يغسل له سراويل وهدوم
وان ماطبخ روح لمطعم حماده** ولا قعد في منزل واعلن الصوم
وان جاه ضيف باغي له رفاده** يروح يشتري رز وايدام ولحوم
مايعرف الشمبو وشعره عراده** وشمغه من الكواي مليانه رقوم
مايكنس الفرشة ويلقط بداده** أما بقايا رز أو خبز معروم
عنده صراصير بحاجة اباده ** تسرح وتمرح في الغرف دايم الدوم
يجمع قروشه ويتسلف زياده** حتى يسافر مصر أو ديره الروم
أو راح يم التاي وترك بلاده** ناظر جوازه ممتلي كله ختوم
دايم يسافر مايعرف العباده** يسكر وينكر و.... بالكوم
والى رجع يروح يم العياده** حيث ان فيده من فعايله مزكوم
وإلى قعد مارس مع .... عاده** حيثه مسيكين من العرس محروم
له موتر خرده كثير فساده** في كل يوم في إشاره مصدوم
غمارته تقول ورشة حداده** ومريقده في شنطته دوم محزوم
دوم يتنقل تقول كنه جراده** في كل يوم نازل له على قوم
يسهر والى قام الظهر من رقاده** روح لشغله ولا اليوم مخصوم
يذي بنات الناس يبغى مراده ** في كل يوم زاهم على ( هوم)
اراه مايعرس ويقدح زناده** يترك بنات الناس ويصير معصوم
يلقى هنوف تخدمه مثل داده** ويصير رجال ويسلم اللوم
يفرح إلى من قرب وقت الولاده** ويصير معنى العرس بالحيل مفهوم
يشوف أولاده ومعهم شهاده** قبل الوفاة وقولة الناس مرحوم
!! واافي !!
م ن ق و ل
>>>>> ردود الأعضـــــــــــــــــــاء على الموضوع <<<<<
==================================
شكرا لنقلك الرائع ونتمنى ان لاتحرمنا طلتك الرائعة بالمنتدى
تحياتي لك وامنياتي ان الله يحفظك وتبقى لنا
اميرة بسكوتي
__________________________________________________ __________
اخـــــوي وااافـــي
يعطيك العافيه
وسلمت يمناك على النـــقل
ولا تحرمنا جديك اخوي
تقبل تحيات اخوك>>الزين يفرض نفسه<<
__________________________________________________ __________
يسلموووووووو اخووي الوافي
والله احلى نقله من احلى عضوو
ولا عدمناك يارب
__________________________________________________ __________
يسلموووو أميره على المرووووور الكريم
سلامي
واافي
__________________________________________________ __________
الزين يفرض نفسه
يسلمك ربي على مرووووورك
واافي