قال العزوبي
قال العزوبي يوم شـاف المعاريـس=الرابـح اللـي لاقعـد مايقـومـي
أول سنـة كـلٍ يبـث الاحاسيـس=وثاني سنة تجلب عليـك الهمومـي
وثالث سنة حط الرمـل والمتاريـس=لابد مـن حـربٍ تقـوم وتدومـي
لامن دخلـت الـدار لاكنهـا بليـس=متلفلـفٍ فـي غاليـات الهدومـي
تأخذ من المخباة وتسحب من الكيس=وتغيـر الموديـل شـيٍ لـزومـي
وان قلت ما أملك يامره لوهو فليس=قالـت تديّـن لا تكـثـر بلـومـي
ولاجيت مرة نـاويٍ لـك بـ(.......)=قالت تصّبـر خـل قلبـك رحومـي
ليتك تساعدنـي تصحـح كراريـس=زادوا علينا أربع حصص في العلومي
أزوارة في العصر والصبح تدريـس=والليـل تصحيـحٍ وودي أنـومـي
تبكي إذا جاها وجع لوهـو ضريـس=وتقول أبي دكتـور ماهـو حكومـي
يروح عمرك بين عرسٍ وتأسيـس=واربـع سنيـن والبزاريـن كومـي
وسط المطابخ بين قـز ومحاميـس=هـذا صحـن رزٍ وهـذاك ثـومـي
والا خلصـت إمنظـفٍ الملالـيـس=جتك تقول انهـج نبـي زود لومـي
ولا جبت قالت اكنس الحوش تكنيس=خل البلاط يصيـر مثـل النجومـي
ومكرسٍ جهدك من الخوف تكريـس=وان نادتك بالصوت اقبلـت مومـي
يجيك تـال الليـل دايـم كوابيـس=ويشيبنـك مزعـجـات الحلـومـي
هذي حياة اللي ركض باغـي (......)=ضيع حيـاة أول وصـار محرومـي
تعيش يالمعـرس حيـاة المحابيـس=وشف العزوبي بكل شارع يحومـي
من مفرق جلاجل إلى جوي للخيـس=وان حار حايرهم بوسطـه يعومـي
يفرح إذا شاف الوتـر والمراويـس=وفي كـل يـومٍ كاشـتٍ ومعزومـي
شف العزوبي مايعـرف الهواجيـس=ولا يـودي حرمتـه كـل يـومـي
يا عنك ماحاش الفخـر والنواميـس=الا عزوبـيٍ يـعـرف السلـومـي
اذا اعرس المعرس غدا عندنا هيس=ونزيل اسمه مـن سجـل القرومـي
والى بغيـت البهذلـة والدحاويـس=فأعرس وخلك من عـداد الرخومـي
وش صابكم من عرسكم يا المفاليس=وش استفدتوا غيـر دق الخشومـي
اللي تزوج أشهد انـه غـدا تعيـس=والرابح اللـي ماخـذٍ لـه (..........)
ترى عناق العام نطت على التيـس=والحرعقب العـرس يصيـر بومـي
قال العريس
قال العريس أنا الذي في سعاده=ماني عــزوبــي ضايق الصدر مهموم
مبسوط من مثلي قعـد عنــد غاده =مهوب مثـل اللي لحاله تقل بوم
في كل لــيله حاضنٍ لـه وساده=وانا مـع المـزيون في غـرفة النوم
أنا اشهد انه عايـشٍ في قــراده=يروح عــمــره مـا تهنى ولايوم
الى دخــل للبيت يبلش بـزاده=يقعد يقــطّـع له طمــاطٍ معه ثوم
ولا قضى عقب العصـر من عداده=والـحوض من كثر المواعين مزحوم
والى غسلهن ثم فـك السداده=دلى يغسل له سـراويل وهــدوم
وان ماطــبخ روّح لمطعـم حمـاده=والا قـعد في منزله واعـلن الصوم
وان جاه ضيفٍ باغيٍ لـه رفـاده=يـروح يشــري رز وايـدام ولحوم
ما يعرف الشمبو وراسه عراده=وشمغه من الكواي ملـيانه رقوم
ما يكنس الفرشه ويلقط بداده=اما بقـايا رز او خبز معروم
عنده صراصيرٍ بحاجه اباده=تسـرح وتمرح في الغرف دايم الدوم
يجمع قروشه ويتسلف زياده=حتى يسافر مصـر او ديرة الروم
او راح يم التاي وترك بـلاده=ناظر جـوازه ممـتلي كله ختوم
دايم يسافر ما يعـرف العباده=يسكر وينكر و(........) بالكـوم
وإلى رجع يـروح يـم العياده=حيث ان فـيده مـن فعايله مزكوم
وإلى قعد مارس مع (.......) عاده=حيثه مسيكينٍ مـن العرس محـروم
له موتر خرده كثير فساده=في كل يـومٍ في الاشارات مصـدوم
غمارته تقول ورشة حداده=ومريقـده في شـنطته دوم محزوم
دوم يتنقل تقل كنه جراده=في كـل يومٍ نازل له على قوم
يسهر والى قام الظهر من رقاده=روّح على شغله والى اليوم مخصوم
يذي بنات الناس يبغي مـراده=في كل يومٍ زاهمٍ له على ( هوم )
وراه مايعـرس ويقـدح زنـاده=يترك بـنات الناس ويصير معصوم
يلقى هنوفٍ تخـدمه مثـل داده=ويصير رجّالٍ ويسلم من اللوم
يفرح الى من قرب وقت الولاده=ويصير معنى العرس بالحيل مفهوم
يشوف أولاده ومعهم شهاده=قبل الـوفاة وقولة الناس مرحوم |
رد مع اقتباس
