عنوان الموضوع : أيامنا العصيبه خاطرة جميلة
مقدم من طرف منتديات الشامل

[BACKGROUND="70 #FFCCCC"]أيامنا العصيبه
بالعاميه الشاميه

دارت علينا الأيام والله وشفنا العجب
نمرء بالطرآت والحاله كلها شغب
ماكنا نظن انو يصير التنك دهب
والغالي يرخص والدم يصير للركب
وكلهشي وفي ناس موعاجبن العجب
مابد ن تركن أو تهدا مهما كان السبب
يلي صار خلا العائل يفكر بالهرب
شغلتنا أعجب من الخيال والعجب
ياعمي شي بخوف بس شو السبب
ناس انغلبت وناس أكترهن هرب
وناس موحاسه شوصار و شو انتهب
احساسون محطوط بفريزا بالعلب
ومشاعرهون صايره كلها جلب
ماعرفو انو انهدت البيوت بحلب
والدير وحمص وآه الريف انسلب
اللادئيه وداير الشام كلو انخرب
مستأبل الولاد معتم ويمكن ضرب
والبلد آه يابلد ماشيه بنص اللهب
نار عمتاكل الأخضر وكل الحطب
كلشي بطريئها فاني وكأنو لعب
ياريت الناس تفهم شو يلي انألب
ومن تحتون كيف البساط انسحب
وصفو عالحديده والعز انشطب
وكل هاد من عملون يلي كلو شغب
الناس ضجرت من هالحال العجب
وصارت تتمنى الموت من دون سبب
وشي سافر وشي تهجر بين العرب
وشي فكر الأجانب أحسن من العرب
جربو كل الجهات وبينلون انو جرب
رجعونا ميت سنه لورا نطبخ عالحطب
في ناس صابهن جنان وحمى الكلب
طمعهن عما عيونن لاخوف ولارهب
موظف حؤو فرنك صار وزنو دهب
وصار زلمه ألو كلمتو بعد ماكان دنب
وطبعا صار حسابو بالدولار والدهب
بعد ماكان شحاد صارابن عيله ونسب
وكل هاد من الرشوه أو أديش نصب
عمطعمي ولادو لحوم حرام وكبب
وطبعا متلو كتير وبشعبان ورجب
ورمضان وأيام العيد بيكتر الطلب
وكلشي ادام عيونك والمخفي غلب
لاتستغرب غيرك شاف ومااستغرب
غيرك دري بكلشي صار وآل عرب
وطنش متلو متل غيرو وانسحب
وعلى عينك ياتاجر عيشه كلا صخب
ادام عينا بيوتنا ومحلاتنا كلو انسلب
والمعامل شي انهد وانحرء أو انخرب
ومالك عرفان شوآخرتا ولوين عجب
وهاد بكون من عملنا ومن الله غضب
ويلي الله كاتبو علينا وشو ماكتب
بكون خير النا ولبلدنا ولكل العرب
لازم نرجع لديننا ونصلح الي نعطب
ومانترك حدا يلعب فينا متل اللعب
بلكي يرضى الله علينا ويروح التعب
وبترجع الدنيه بخير على كل العرب
الله لايخيب رجانا بانو الفرج انكتب
ويجعل أيامنا الجايه بطعم الرطب
أدعو معي الله أنو مايردلنا هالطلب
والصلاة على النبي أشرف النسب
محمد وآله وأمته وكل من له صحب
[/BACKGROUND]

>>>>> ردود الأعضـــــــــــــــــــاء على الموضوع <<<<<
==================================


مينو ركان
.
.
أهلا وسهلا بهالطلة
مسا الورد
سعيدة جداً بقراءة حروف
أسوارها ورود من الانفعالات
وبستانها شتلات من الياسمين
تكسو المكان بأجمل الألحان

تصوير مبدع
وحروف متّوهجة
وياعيني عالشام
وأهل الشام

كنت رائعاً وحسب
دمت بود

__________________________________________________ __________
..
..

جميلة هذه التغريدة الشامية
والأجمل هطولك كالمطر

شكراً لقلبك

..

__________________________________________________ __________
مينوركان
كتبت باحساس صادق وبقلب حزين على اوضاعنا المزرية
هكذا أصبحنا اخي في هذا العالم نتحدث بلغة الالم
وفقدنا ذرات الامل والاخوة والتعايش
ولكن لا تقلق لابد أن ينجلي الحزن وتسطع شمس الامل حاملة معها
الفرح والسعادة
كلمات رقيقة وراقية
تحمل معها رقة الأحاسيس والمشاعر
راقني ما قرأت هنا

ام رزق سلمان

__________________________________________________ __________
بسم الله الرحمن الرحيم
بارك الله فيك أخي على هذه الكلمات التي تجسد الواقع المؤلم الذي نعيشه هذه الأيام فالمصاب واحد والألم مشترك ولن تطول المحنة ما دام هناك شرفاء يدافون عن الحق ويطلبون الحرية وكما يتعاقب الليل والنهار تتعاقب المحن وسيبزغ فجر الحرية وستشرق شمس الإسلام وترفع رايته خفاقة عالية فوق كل بقعة من العالم شاء من شاء وأبى من أبى

__________________________________________________ __________
الأخت القديرة لونا السعدي
شرفت صفحتي بمرورك وتعليقك المميز
أشكر لك مرورك

مينور

والصلاة على النبي أشرف النسب
محمد وآله وأمته وكل من له صحب

مينور كان

عانقت بهمسك وجه القمر
رائعة وبعمق أخي

أسعدك الرحمن
تقديري وباقة جوري