عنوان الموضوع : شكثر تحبني كلام راقي
مقدم من طرف منتديات الشامل
قول لي ... اللي يدق بصدري هو قلبي أو قلبك
هي أنفاسي من تعبيه وتترسه حياة أو أنفاسك
اللي أحسه الحين هو دفاي أو دفاك
تدري إن الكلام معاك غير .. والضحكة لها معنى ثاني
آنا قلت لك أني بوجودك أصير أحلى
والدنيا هذي كلها بعيوني أنا تحلى
لا تقول لي أبالغ
واستمتع بلحظة غزل ممكن ما تدوم
تعتقد بتمر علينا لحظة أجمل من الحين
خلني أتنهد ... . . . . .
أبي ريحتك و إحساسي بقربك يملاني
أبي أغمض عيوني وما أحس بشي ثاني
جربت تستشعر وجودي من غير ما تلمسني
تعرف شكثر هالشعور يعفسني
ليش تطالعني هالشكل من ورا رموشك
ليش نظرتك صارت كلها غرور
تأثيرك علي عاجبك ..... صح ؟
يرضيك ....و يرضي كل غرور الرجل فيك
تعرف تدللني .... تعرف تخليني أنا طفلة بحضنك
تقدر تخليني أبوس راسك وألمك
تقدر تعلمني شلون أخبر الحياة
وشلون أقدر أعدي بحورها من غير ما أغرق
تقدر تكون جنبي حتى لو ماكنت أنا جنبك
تعرف في كل لحظة شكثر قلبي بزيادة يحبك
تذكر فستآني الوردي
تذكر شكثر عجبك .. و شكثر تحليت علي وآنا أتمايل واختال وآنا لابسته
تذكر إحساسك بشكثر خصري نحل من فراقك
قلت لك أحلى
ردك لازال يطربني
" عليك إنتي يالزينه كل شي يحلى "
ولين ذكرت ... قلبي يشتاقك أكثر ...وأكثر
تذكر كيف التقينا ... ولحظة تلاقت عيونا كيف حسينا
تذكر ردة فعلي ... لا تضحك
ترى ما أنلام ... حسيت بشي ما أقدر أوصفه بالكلام
إنت تبيني ... قولها لي بهمس
إحساسي فيها يخليني أنسى باكر واليوم وأمس
ويصير الوقت ماله معني
يوقف عند كلمة "أبيك "
تذكر شلون علمتني اقط الخيط
حسيت شكثر كنت ارتعش من لمسة ايدينك
يااااه .... جنه أمس .. رعشتي ما غابت عني
لازلت أحسها كل ماكنت يمي ومعاي
حتي قلبي يرتجف ما يدق
أحس فيه يرفرف مثل الطير الصغير ... وده يفر ويجي لك
تعرف شنو إحساسي لما اخش وجهي بصدرك
كل الأمان يا ............. كل الأمان
وجاي تسألني بعد هذا شكثر أحبك
ترى أنا قلت ...
وصلك المعني ؟؟؟؟
إنت الحين قول ...
أبي أعرف
إنت....... شكثر تحبني ؟
>>>>> ردود الأعضـــــــــــــــــــاء على الموضوع <<<<<
==================================
ياويل حالي على هالابداع وعلى هالكلمات الراقيه
بنت عتيبه
كلمات في قمه الروعه وان دلت دلت على احسيسك المرهفه
تقبلي مروري المتواضع
ودي
فلاوي07
__________________________________________________ __________
فلاوي07
تسلم من ذوقك يالغلا
نورت صفحتي المتواضعه
لك الشكر
__________________________________________________ __________
__________________________________________________ __________
الغاليه
شاعرة نجد
نورتي يالغلا الخاطره
انتي الاروع
باطلالتك الراقيه
اختك
بنت عتيبه
__________________________________________________ __________
بنت عتيبة
ياهلا والله ومسهلا
كلام جميل وراقي ,,,, لاعدمناكـ
بانتظار مشاركاتكـ وتفاعلكـ بكل شوق
دمتِ بخير
كتبتي وأبدعتي وأمتعتي
ماأروع تلك الهمسات عندما يرسمها
وينقلهالناقلمك الراقي بحبر إحساسك
سلمت يمناك على هذا البوح
يعطيكي العافيه
رد مع اقتباس
