عنوان الموضوع : هذا كل إلي أبغاه خذوا دنيتي وعطوني اياه... - رائعة
مقدم من طرف منتديات الشامل

السلام عليكم...

بعد ما ثقلنا عليكم شوي بالخواطر الصوتية الثقيلة قلت اغير جو شوي بهالخاطرة قبل لا استكمل معكم باقي الخواطر الصوتية...

هذه طلبات حطيتها في بالي وابيكم تبحثون معاي ولكم السعي :27:



يا شباب وياشبات هاتوا قلم واكتبوا لي هالطلبات إلي فيها أجمل وأحلى العبارات.

كل إلي أبغاه حبيب يحميني من حكم البشر،ويجمعني بعد الشتات، أبغي فيه هالمواصفات<<<<

أبغاه طيب وحنون،يحبني بجنون،ولمن تدمع عيني يفهم لغة العيون،ولمن أقوله أبغي عيونك يقولي حاضر وممنون.

وأبغاه يفهمني يعرف متى يبكيني ويضحكني،وإذا غلطت يعذرني ومهما حصل مايبتعد عني.

وأبغاه بعيد عن الغموض وقريب من الوضوح،صريح ولا يرضى علي بالجروح.

أمممم وشنهو بعد ياربي؟! أي أبغاه دوم معي في دربي،إذا غلطت يوقف بوجهي وإذا عجبته يقولي تعجبني يا قلبي.

وابغي تكون له يد دافيه يمسح دموعي ويدللني ويقولي ودي أعطيك روحي بس أخاف ما تكون كافيه.

وأبغاه يكون ابتسامتي في وقت دمعتي،ويقولي ترى الدنيا ما تسوى دمعة من عيونك يادنيتي.

وأبغاه يعرف كيف يمحي همومي وتهمه أخباري وعلومي،وإذا غبت عنه يوم حس بفرقاي ويشتاق لعيوني.

أممم وشنهو بعد يا الله؟! أي أبغاه يكون لي بلسم من الآه،ويكون لقلبي راحته ودواه.

وابغي يكون له لسان يقطر عسل أسمعه من غير ملل،رومانسي يختار أحلى الجُمل.

وابغي أشوف في عيونه دنياي،وبراءة نظراته سبب سعادتي وهناي،وفوق كل هذا إذا زعلني يبيع الدنيا علشان رضاي.

أبغاه مرهف الإحساس يحس بالناس ويكون للصدق والمحبة مقياس، والوفا والحنان لعلاقاته ساس.

أبغاه واحد لبيب يعرف قيمة الطيب ويعرف إن الواحد مو كل يوم له حبيب ياخذ مني الزين ويسامحني في الشين ويرضى بالنصيب.

أبغاه يجبر بخاطري إذا انكسر ويخاف علي حتى من قطرات المطر ويغار علي حتى من القمر.

أبغاه يخاف ربه ويدعوا لي بسجوده وقيامه،ويطلب من الله إني أكون دوووم أحلى أيامه.

أبغاه يسمعني إذا جيت له يوم وشكيت،ويحس فيني إذا عنده بكيت،ومن حبه لي يقول يا ليتني مكانك يا ليت.

وابغي إذا جيته والخوف يطاردني، يمسكني بكل قوه ويضمني،ومايقسى علي يوم ويجرحني.

وأبغاه راحتي لمن أذوق من الدنيا العذاب، يفهم نظراتي ويقراني مثل الكتاب.

أبغاه رحوم حلوم يعرف متى يلوم،خبير في صدري يعرف شنهو مكتوم.

وأبغاه يشتري الحب وما يبيع،وبينه وبين الجفا سد منيع،يخاف ربه في أحبابه ويطيع.

أبغاه خفيف دم حكيه ينسي الهم والغم،يسامرني ويضحك معي،يعرف إلي بقلبي قبل لا يخرج من فمي.

وأما هالصفة أبغاكم بماء الذهب تكتبون،أبغاه يضحي بجنون وما يعرف يخون ولامن إلي يحبون وبعد فترة يتناسون، يعرفون يجرحون ويجهلون كيف يداوون.

وأبغيه يعرف إذا يبغيني يسمعني بصوت عاااالي من الحزن مبحوح أبغاه يعرف بكل صراحة ووضح إن الخيانة سيد الجروح وطعنتها بينها وبين السعادة صروح.

وأبغاه يعرف إن الخاين مهما ظهر على وجهه الفرح وبان ومهما مرت به السنين والأعوام راح يبكي دم وهو ندمان لمن يخليه الزمان غصب يحس بحلاوة إلي كان، ويعرف إن الحب الصادق مو صورة بعد ما يتمتع فيها يرميها وينقش صورته على قلب بعدين بكل سهولة يمحيها يدخل قضية قتل قلوب وينسى إنه جانيها ويصير قاضي عليها بعد ماكان حاميها.

أنا كتبت كل إي أبغاه وعليكم أمليت،لكن ورب البيت لو أكتب بماء البحر صفاته ما وفيت لكن بها الصفات اكتفيت، أنا بحثت في الأرض وإلى الحين ما لقيت،وإذا تخبرون لي أحد بالمريخ قولوا لي بترك الأرض وبعيش عنده وأبيت.

هذا كل إلي أبغاه إذا تعرفون أحد بهالصفات قولوا لي أسمه وعطوني عنوانه ورقمه،أنا مستعد أكون طول العمر جمبه وأحمل معه فرحه وهمه،راح أحبه وإذا جاني أحضنه وألمه،أكون حياته ولاشيء بها لدنيا يهمه.


ترقبوا الخاطرة الصوتية الرابعة...

((هذا جزاي..؟))

>>>>> ردود الأعضـــــــــــــــــــاء على الموضوع <<<<<
==================================


آآآآآآآآه منك يابلسم الغربه


ياليت أعرف أحد فيه هالصفات وأكثر بعد


عندها ببني بداخل قلبي له قصور

وبداخل عيوني بساتين و ورود

وأهديه عمري وكلي هديه




بس وين

__________________________________________________ __________
الله الله عليك يابلسم

جد رااااااائعة الكلمااااات

تسلم الأنامل الي كتبت ياغلاي

__________________________________________________ __________
رائعة كلماتك يا عزيزي ولكن

اتعلم انك لم تترك شيئا لغيرك
تقبل مروري

__________________________________________________ __________



__________________________________________________ __________
مسااااء الفرح

غالينا بلسم الغربة

أنا بحثت في الأرض وإلى الحين ما لقيت،وإذا تخبرون لي أحد بالمريخ قولوا لي بترك الأرض وبعيش عنده وأبيت.

هذا كل إلي أبغاه إذا تعرفون أحد بهالصفات قولوا لي أسمه وعطوني عنوانه ورقمه،أنا مستعد أكون طول العمر جمبه وأحمل معه فرحه وهمه،راح أحبه وإذا جاني أحضنه وألمه،أكون حياته ولاشيء بها لدنيا يهمه.

يوووووه يا بلسمنا

ما يهمك

جاري البحث عن كل هالمواصفات

ممممممممم

بس ما أعتقد نلاقي حد بكل هالمواصفااات الجميله..

بلسم الغربه


تغير حلو بــ الكتابه

خلق جو من المرح


أشعرنا بالفرح والسعادة


أشعرنا أن هناك أمل وتفائل


قادم من بعيد

عزيزي


أتمنى أن تلقى نصفك الثاني ..

وتحقق كل أحلامك

على أرض الواقع .. وليس بالأحلام فقط

قول آآآآمين :f55:

ما عم بسمع

آآآمين


بجد بوحك كان جميل




تقبل مروري وباقات ورودي



مودتي وتقديري لك ....... شهرزاد

سمفونية العشق...

شاكر لك كل الشكر على هذا المرور الرائع وماتدري شنهو يخبي القدر...

وتقبل مني تحياتي والى الامام دومااااااااا...