عنوان الموضوع : جبرك الوقت ترجعلي جبـرك وجيتنـي ندمـان - رائعة
مقدم من طرف منتديات الشامل

جبرك الوقت ترجعلي جبـرك وجيتنـي ندمـان
دمرك الشوق يا خايـن وجيـت تسابـق ظلالـك
عرفت الحب بغيابي وعرفت انك معـي غلطـان
تاكد مـا يشرفنـي طريـق(ن)دربـه وصالـك
تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك
لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك
اذاغيري يبي قربك وصـرت فبحـره الغرقـان
نصيحه لا يموت الحـب ومـن قلبـي هنيالـك
تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالـك
بعد ما انقلبت الدنيـا تجينـي محتـرق ولهـان
وتقول ارجوك سامحني ووعـد منـي أبا أوفيلك!!
تبي قربي انا حاظر ولكـن بطلبـك مـن شـان
تشوف شلون لي عـزه تـرد الجـرح لامثالـك
أبي تبكي على شاني وابي تصرخ من الحرمـان
ولو اني بآخـر الدنيـا ابسمـع صـوت موالـك
ابيك تصير مجنوني ومن شافـك يجـي شفقـان
يقول شلون علمنـي وش اللـي غيـر احوالـك؟
تدل الدرب من دونـي وقدامـك سكـة الأحـزان
توكـل لا تنادينـي ويعينـك الله علـى حـالـك
وانا يكفينـي ذليتـك وحديتـك علـى الهجـران
تقول الموت من بعدك واقـول هنـااااك اشوالـك
غسلت ايديني من حبك وبرحل واهجرك يافـلان
فمـان الله وباقيلـك نصيحـه خلـهـا فبـالـك
ترى من يضحك الاول مصيره فاللعب خسـران
وانا من يضحك الثانـي عشـان احطـم آمالـك

>>>>> ردود الأعضـــــــــــــــــــاء على الموضوع <<<<<
==================================

ترى من يضحك الاول مصيره فاللعب خسـران
وانا من يضحك الثانـي عشـان احطـم آمالـك

صح لسانك وبصراحه عجبني شعرك واتمنا لك التوفيق

__________________________________________________ __________



__________________________________________________ __________
نصيحه لا يموت الحـب ومـن قلبـي هنيالـك
تشب النار في قلبي وتنسى انـي معـك انسـان


وااااااااااااو رووووووووووعة..

صح السانك يالغالي.. يعطيك العافية على القصيدة الحلوة..

وتقبل مروري..

__________________________________________________ __________
تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالـك
بعد ما انقلبت الدنيـا تجينـي محتـرق ولهـان
وتقول ارجوك سامحني ووعـد منـي أبا أوفيلك!!


قصيده رائعه وجميله اخي احساس مرهف

تقبل مروري

__________________________________________________ __________
تبي قربي انا حاظر ولكـن بطلبـك مـن شـان
تشوف شلون لي عـزه تـرد الجـرح لامثالـك



كلمات في غايت الجمال دمت اخي ودام مدادك

تقبل خالص ودي

السديم

حلوه القصيده