عنوان الموضوع : اقتراح كلام راقي
مقدم من طرف منتديات الشامل

غنيتي .. رشحتي حلقك لاذاعات الشجر ..
وللمنتظر من عودة المدعو المطر ..
للمسادير والطنابير ..
والدابو حس وفي سوق عكاظ ..
بين مزادات الحروف ..
غيبت رسمك واحتكرتك للظروف
للحظة اللي جاية ..
واللي فاتت مني هسة ..
يا واقفة بين جرح السحاب ..
وشهقة الأرض البكر ..
ما كان دا ريد ..
كان احتمال تغيير قوانيين حركتك ..
ما بين حديثنا ولحظة الفعل الحقيقي ..
وانتباهك انت للشارع البيرشح
وانحيازك انت للشارع البيرجع تاني لي نقطة بدايتو ..
وما اتعرف قانون نهايتو ..
غايتو بمشي في الدرب
البيطابق فيه خطوك ..
يا فرس كل القبيلة تلجمو
يكسر قناعتو ويفر
يسكن مع البدو في الخلى
وما يرضى غير الريح تجادلو وتقنعو
** ** **
إقترحتك .. لون أساسي ..
يمنح اللوحة ازدواجية القراية ..
يفتح الضو بين خطوط الريشة والخط الإضافي ..
الجاي من شبيكة الزول البيشاهد ..
واكتشفنا الرسمك ..
وانا نفس التوادر في الخواطر ..
وبرضو ارقام التذاكر البيها سافرنا وشهدنا انفجارك ..
في الارض يا سمراء يا واضحة ..

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________