عنوان الموضوع : نامت عيون الليل كلام جميل
مقدم من طرف منتديات الشامل

نامت عيون الليل يا باهر الزين
ولا بقى حظ السهر كود عيني

ردت تناشدني على وين يا شين؟
وين انت غادي والعرب نايميني؟

لا تنشد المنجوم دربه على وين
ما من طريق بطرقة التايهيني

اسوجها خطوات يسر وميامين
ولا ادري النهاية يسر والا يميني

غديت انا والذيب شروى الصديقين
في بلقع(ن) واياه ما به قطيني

من شان عينك صرت شاعر بيومين
وماغط بالخافي ف بيتي يبيني

عليك ادلل باكيات التفانين
بيوتن بمحشوش الحشا تبتليني

باكر تدوِّرني بسطر الدواوين
تدوِّر رفيقن راح قد له سنيني

وموزِّعن روحه حروف وعنواين
وسط الورق يحظن لها دفتيني

تلقاه حرفن يغرقه دامع العين
ريح الخزامى منه جاء له خنيني

غناه من فوق الغصن جوز طيرين
وتالي اللحن تلقاه جزل الونيني

روحن تلاشت واصبحت رهن سطرين
تسمع لها ليا ارهفت سمعك حنيني

تشبه لذكرى(ن) روّعت قلب حبين
يعزَّها الهوجاس مر ويهيني


ملك الكلمــ(محمد الحربي)ــات

>>>>> ردود الأعضـــــــــــــــــــاء على الموضوع <<<<<
==================================

الراقي ملك الكلمات

صح لسانك ملايين
بوح مميز
راقت لي بعمق

ودي وتقديري

__________________________________________________ __________
باكر تدوِّرني بسطر الدواوين
تدوِّر رفيقن راح قد له سنيني

الله الله
ياملك الكلمات

ملك القوافي والابيات

ماادري امام جزل ابياتك وش اقول

ابدعت ياملك بتصوير مكنون احساسك

هاذي الخربشات طبعا مو بيات لن بينها وبين الشعر مسافات

ارجو ان تتقبلها كما هي


اشتاقلـــك والعين يازين بالعين
اشتاقلك تزهابك تالي سنيني

لاجيتني اصبح الشوق شوقين
ولاغبــــت عزاه ياقلبي وياعيني

ادرورك ولا ادري الدرب من وين
والشوق في صدرك يشعل حنيني

والقاك اقربلي من الجفن للعين
يسري غلاك بدمي وشراييني


دمت بخير

__________________________________________________ __________
صح لسانك وتسلم يمناك

__________________________________________________ __________
لا تنشد المنجوم دربه على وين
ما من طريق بطرقة التايهيني أصدق بيت

روحن تلاشت واصبحت رهن سطرين
تسمع لها ليا ارهفت سمعك حنيني


صح الله لسانك يالحربي صح الله لسانك


__________________________________________________ __________
السلام عليكم

نظم جميل

أشداني عزفك

وتألق الحرف بين أناملك

سلمت وسلم قلمك

خالص ودي وتقديري