ياكثر ماشاهــدت غيـرك وقابلت
. . . . . . من الجـمـال اللـي بـه الخـالق ادرى
ايضا ومنه اللي من شكله تهوّلت
. . . . . . وان قلت نــادر بين الاجناس احـرى
ان قلت وان ماقلت ولو قلت ماقلت
. . . . . . دونه يطيح الوصف من زود حسرى
شرق وشمال وغرب بعده تحـوّلت
. . . . . . صوب الجنوب وصار مسراي مسرى
طـــال الطريق وللشقا مــاتنـازلت
. . . . . . ومـازلت في ليــلٍ رفض نــور قـمـرى
ليه انت من اجلك صبرت وتحمّلت
. . . . . . ليــه انت اشـوفـك لــيّ أدفــى وأذرى
تبيني احصي ماحصدته ومانلت
. . . . . . وَتشــوف دربـي مـن سنـوداً لحـدرى
أنت السبب عطّلتني ماتمهّـلت
. . . . . . في ســـاعـةٍ ماخـذت في قـول حذرى
لاتسكت فهمني انا وين وصّلت
. . . . . . ســـرّك باليـمنى مــادرت فـيه يسرى
يكفيني ماجاني ويكفي تجاهلت
. . . . . . زود الشـقا مابـين فتــــرى وفتـــرى
مازلت ظامي وانتظر وانت طوّلت
. . . . . . والارض مافيــها ولاشـي . قـفــرى
شعر/ فضي الهدباني
رد مع اقتباس
