عنوان الموضوع : بعض الاحاسيس
مقدم من طرف منتديات الشامل
...
...
السلام عليكم ورحمة الله وبركاته
تحيه طيبه للجميع
ِ
يخونني تعبير بعض الاحاسيس
لازفها قلبي على طرق حساس
لاعانق الغيمه شموخ الجبل نيس
وسج بي فكري مع كل نسناس
اصب لي من زعفران النواميس
وانوخ اركاب الثقيلات بطاس
واعيش ف الدنيا ولابه مفاليس
والضيق ماله داخل الصدر مكناس
متوكل بالله وان جت وساويس
متعوذ بالله من كل وسواس
اعيش في جوي كما صاحب العيس
اللي يلاعبها ولا يثني الراس
اللي رعها ماعليها متاريس
لكن رمح الحب من دون تراس
اللي يطيب من هواها نسانيس
وهي تنفس كل طيبه بالانفاس
واقول ماهوجس بي الا النواعيس
اللي تكحل كل طرفن ونعاس
اللي لها في داخل القلب بالقيس
ومملكتها الروح من بد هالناس
اللي لها نشيد حب ومقاييس
واللي لها لحن رقيق وله اجراس
يخونني التعبير فوق القراطيس
لاغاب قمت ارسم غيابه بقرطاس
انثر حروف الحزن مثل العواسيس
على غياب اللي له الشوق عساس
والقاه يازينه معي في الهواجيس
وانا اشهد ان الحب معناه هوجاس
واسج مع ذكراه واشوف باريس
واعود اغني قصيدي من الراس
وان خانني تعبير بعض الاحاسيس
انوخ اركاب الثقيلات بالطاس
من اشعاري
اخوكم ابو نايف
>>>>> ردود الأعضـــــــــــــــــــاء على الموضوع <<<<<
==================================
اللي يطيب من هواها نسانيس
وهي تنفس كل طيبه بالانفاس
صح السانك مليون يالنادم
ابيات اكثر من رائعه
تستاهل التقيم يالغالي
تحيتي الخاصه
__________________________________________________ __________
جميل ما خط القلم
سلمت يداك
ودي واحترامي
__________________________________________________ __________
المشاركة الأصلية كتبت بواسطة جريح العين
اللي يطيب من هواها نسانيس
وهي تنفس كل طيبه بالانفاس
صح السانك مليون يالنادم
ابيات اكثر من رائعه
تستاهل التقيم يالغالي
تحيتي الخاصه
ارحب الله يحييك
صح بدنك هذا من بعض ماعندكم طال عمرك
وانت تستاهل الطيب
لك التقدير والاحترام
دمت بحفظ الله
__________________________________________________ __________
صح لسانك
قصيدة جميله
وبوح رائع وراقي
تقبل مروري
__________________________________________________ __________
وعليكم السلام ورحمة الله وبركاته
النادم
كلمات في غاية الجمال والروعة
صح لسانك وسلمت يمينك
هنا نثرت العبير
ننتظر جديدك بشوق
احترامي وتقديري
يخونني التعبير فوق القراطيس
لاغاب قمت ارسم غيابه بقرطاس
انثر حروف الحزن مثل العواسيس
على غياب اللي له الشوق عساس
عسااس ، الله عليك
ابيات قمةة في الروعه
ماشاءالله علييك
شاعر كبيير ..
تسلم وصح لسسانكك ..