عنوان الموضوع : عفت الكلام شعر رائع
مقدم من طرف منتديات الشامل
عفت الكلام وربّي عالمٍ بي
لو وّدي ما اقوله ، ما مداني
له في ضميري حبٍ مستخبّي
قاصيٍ للناس ماهوب داني
قلبي لو عاينه دكتور طبّي
لقا اسمه محفّرٍ بين المحاني
سلام ياللي له قلبٍ محبّي
عد الدقايق وأجزاء الثواني
والله ان غرامه لاعبٍ بي
من العليا حدرني للطماني
مثل المزون الي بماها تصبّي
انا اصب دموعي من عياني
يا نار شبّي في الحنايا شبّي
واضرمي في ذكرىً من زماني
ابي لا له وجود في لب لبّي
اشقاني غلاه وبحيلٍ أذاني
ابي انساه بس مدري وش بي
ليه ذكراه باقيه وجروحي تعاني
لا دنى الليل أواجه لي مطبّي
مع النوم في حزّته ما لفاني
نسهر انا وعيني ع مدحٍ وسبّي
لين شعاع النور بزغه يباني
وأحيانً طيوفه هبايبها تهبّي
تعيّشني زمانٍ قد له مضاني
فيني هم(ن) عاش امتربّي
من شهورٍ عدّه حول الثماني
زولته صعبه في دربي نشبّي
عن بعادي شكله ما نواني
يجرني جر(ن) بشدّه لعبّي
جرّة خطام ذلولٍ فيها تواني
له أخضع وأجي له ملبّي
كنّه ضيفٍ من بعيد المكاني
و ينثر شرّه فوقي و يكبّي
نذلٍ وفيه من الطبع الاناني
الزعيمة
>>>>> ردود الأعضـــــــــــــــــــاء على الموضوع <<<<<
==================================
صح لسانك شاعرتنا المبدعة .. كفيت ووفيت
لك ولإبداعك أرق التحايا .. تقبلي مروري . . . أخوك سعد
__________________________________________________ __________
دائما شاعرتنا الزعيمه ( كوكب الشعر )
تقدم لنا قصيده أجمل من سابقتها
فتستحق أن نرفع لها القبعه
متميزه
__________________________________________________ __________
فيني هم(ن) عاش امتربّي
من شهورٍ عدّه حول الثماني
زولته صعبه في دربي نشبّي
عن بعادي شكله ما نواني
صح السانك يالزعيمه
وربي يبعد الهم عنك امين
تحياتي لك
__________________________________________________ __________
جميييل
وصح لسانك مليون
مو جديد
هذي الزعيمه ..مثل م هي ..ابيات جميله..
والله يبعد عنك كل هم وشر
ويفتح لك ابوابه
__________________________________________________ __________
الززعيمة
يا نار شبّي في الحنايا شبّي
واضرمي في ذكرىً من زماني
ابي لا له وجود في لب لبّي
اشقاني غلاه وبحيلٍ أذاني
ابي انساه بس مدري وش بي
ليه ذكراه باقيه وجروحي تعاني
*********
قصيده رائعه جدا صح لسانك وعلا شانك
احاسيس ملتهبة بين ثنايا الابيات
ومشاعر فاضت بتوهج احرف وببريق مشاعر
دام تميزك وتالقك
اسجل حضوري واعجابي
دمتي بسعاده
ودي
الزعيمة
هطول أكثر من رائع
صح لسانك وسلمت يمينك
رائعة وأكثر
سلم النبض والقلم
تقديري لك
رد مع اقتباس
