عنوان الموضوع : اقلب دفتر احلامي واحس ان الورق سكين كلام جميل
مقدم من طرف منتديات الشامل



تحت ضي القمر واقف اشاهد روعة التكوين=الا سبحان ربيّ الليّ رفعْه بْكافه ونونه
يشع بهالفضى نوره ويرسم لوحةٍ تِبْكين=تذكرني حبيبٍ له عيوني دوم مرهونه
اقلّبْ دفتر احلامي واحس ان الورق سكين=يِجَرّح حدها اطرافي ونا أقرا عناوينه
احسب اني قويت البعد واثاري القلب لك يدعين=اثاري القلب لك مسكن ولا غيرك ملا عينه
غريبه كيف خلتني ولا ردّت علىّ للحين=غريبه كيف صار الحب خيالٍ بيني وبينه
سلام الله على وقتي سلام الله على المقفين=سلامٍ يحْمِله قلبي ويقصد به مضانينه
عسى صوتي لهم ياصل وتسمع صرخته وتلين=ونرجع مثل ما كنا وتحضن كفي ايدينه
الا يالله لا تقطع رجا عبدٍ لكم مسكين=مناه يعانق الفرحه ولا به غيرك ايعينه

بقلمي
من بآدي الوقت
نايف النايف

>>>>> ردود الأعضـــــــــــــــــــاء على الموضوع <<<<<
==================================

الا يالله لا تقطـع رجـا عبـدٍ لكـم مسكيـن
مناه يعانق الفرحـه ولا بـه غيـرك ايعينـه

الرائع : من بادي الوقت

جعل ايامك كلها فرح وسرور

اسئل الله العليّ العظيم ان يبعد عنكم وعنا الهم والحزن

صح لسانك وبيض الله وجهك

جزلة من راس جزل

لاهنت

تقديري واحترامي

__________________________________________________ __________
الشاعر : من بادي الوقت

صح لسانك وبيض الله وجهك ولا هنت

قصيدتك جميله لدرجة لا يتخيلها وصف

اشبعت فينا عشقنا للشعر

تقبل مروري : * دجى الليل *

__________________________________________________ __________
الأخ الشاعرالمبدع دوماًوأبداً... ][من بآدي الوقت][


صباحك عقد الجمان .. صباحك ريح الأفنان ..صباحك معطر بذكر الرحمن

صح لسانك بليوون .. ولا يسدووون

بيض الله وجهك ولاهنت .. ع الإبداع الراقي

قصيده جزله وشامخه.. من شاعر شامخ وجزل

بإنتظار بوحك الراقي والمميز

تمنياتي لك بقضاء أسعد الأوقات في طاعة الرحمن

مودتي لك

إختك .. سراب الماضي


__________________________________________________ __________
صح لسانك لاهنت علاشانك

مبدع * متميز * رائع في سما الابداع

ابيات في غاية الروعه والجمال

كلما قراتها اعدت قراتها بلا ارتوا

دام نزف قلمك وسيل ابداعك

لك خالص الود والتقدير

سلطان المشاعر

__________________________________________________ __________


}{من بادي الوقت}{

صح لسانك وسلمت يمناك

على الأبيات الجزله والرائعه

وبيض الله وجهك ولاهنت

أختكـ/ قلب المحبه

اخي الكريم من بادي الوقت

وجميل الشعر وافي

ابيات في غاية القمة

تحمل المعاني

وحنكة الكلمة

صح السانك

وتسلم يمينك

ولاتحرمنا جديدك


دمت بسعادة


تحياتي