عنوان الموضوع : احساس ماهوب خداع كلام جميل
مقدم من طرف منتديات الشامل

السلام عليكم ورحمة الله وبركاته

اوجعتك البارح وانا منك موجوع
والشوق لامنه طغى جاب الاوجاع

اوجعتني بحساسك اللي به دموع
اللي خذاني في نسيم ومرباع

ويسج بي واضيع ويغير النوع
ويصب لي من زعفرانه والانواع

ويسولف بهمسه وانا فيه مطموع
ومن الحلى بالمختصر صرت طماع

احساسك المرهف به الذوق مزروع
واسلوبك يبين مع الطيب زراع

فن قلت احبك صار مليون موضوع
واليا سكت الحب في دنيته ضاع

واليا تولفت العنا سار مجموع
في صدري اللي ضاري بالتجماع

الحب والاهات والشوق واللوع
والهم والحرمان والوقت مرتاع

وانا عليك احن ياكل دلوع
وانته عليك تشوف وشهو التدلاع

تحيك في نفسي وانا اقول مسموع
واطاوعك والقلب غنى ليا طاع

اتلمس احساسك ولاهوب مصنوع
واليا لمسك احساس ماهوب خداع

البارحه واوجاعنا كانت شموع
ولعتها بيديك مابين الاضلاع

ولعتني وتقول انا منك موجوع
وانا اتأسف لك على كل الاوجاع
وسلامتكم

من اشعاري
اخوكم ابو نايف

>>>>> ردود الأعضـــــــــــــــــــاء على الموضوع <<<<<
==================================

وعليكم السلام ورحمه الله وبركاته

وصح السانك يا بونايف

وسلامتك من الاوجاع


تحيتي الخاصه

__________________________________________________ __________
وعليكم السلام ورحمة الله بركاته

النادم
أبو نايف

صح لسانك وسلمت يمينك
لله درك ما أجمل ماخط قلمك
برغم الألم نثرت العبير
ننتظر القادم بشوق
احترامي وتقديري

__________________________________________________ __________
صـــــــــــ لسانك ـــــــــــــــــــــــــح

__________________________________________________ __________
وعليكم السلام ..


ان قلت احبك صار مليون موضوع
واليا سكت الحب في دنيته ضاع

..

ليته عرف شلون هلت له دموع
وهي تحرى رسالتة يوم و اسبوع

ليت القلوب لها حس مسموع
اليا خجلت تحكي من البنت احساس

عاشت كثير ايام والقلب موجوع
وآخفت مشاعرها بضحكات ومزوح

^ احساس ملخبط بس اهم شي يوصل احساسك ..

صح لسانك ابيات راائعه ..
ابدداع مثل ماعودتنا ..


انا عند كل قصيده منك اوقف عندها واقراها اكثر من مره للامانه ..

يعطيك العافيه .. وسلامةة قلبكك من الاوجاع ..

__________________________________________________ __________
صح السانك يالغلا وعلا شانك

ابيات في قمة الروعه والجمال

تحياتي،،،،،،،