عنوان الموضوع : ماني بحاجة قلب ما حس فيني
مقدم من طرف منتديات الشامل

آخر كلامك قلت لي منت مجبور..
وش رجعك بالله بعدك تبيني ؟!


وصلتها لفراق ومنت معذور..
أبيع بايع واشتري مشتريني..


ومادام قلبك خالي احساس وشعور..
ماني بحاجة قلب ماحس فيني..

ماني على خبرك تمثل لي الدور..
ولاني على كيفك تروح وتجيني..

وإذا الزمن له جور والحب له جور..
جورك على جور الزمن مبتليني..

ضايقتني حتى وأنا دمي يفور ..
وكذبت في شي حصل شوف عيني..

كاذب , أناني , ميت احساس , مغرور..
قاسي , عنيد , وياخسارة حنيني..

وشلون أمد الكف والكف مبتور ؟!
من قلبك اللي مايقدر يميني..

وقتن مضالك مالفى مني قصور..
ماباقي الا أشيلك براحتيني..

وكتبت فيك حروف وأبيات وسطور..
ليتك تحس وليت قلبك يبيني..

زرعت فيك الكبر وأصبحت محقور..
وأعميت عيني من رفالة يديني..

رفعت من قدرك وواجهت بغرور..
وأول وفاك تروح ماتحتريني..

واليوم ترجع لي عقب غيبة شهور..
ودك تعيد الحب؟!

لا ياضنيني

ماعاد باقي غير أوادعك مجبور..
راحت عليك وياخسارة سنيني..

العام قلبي يوم ألاقيك مسرور..
واليوم عقب الود لاترتجيني..


وإذا ذكرت العشره بقلب مقهور..
تذكر اللي صار بينك وبيني..

وابعد بعيد وعن فعايلك مشكور..
الربح نفسي والخساره لعيني..

آخر كلامك قلت لي منت مجبور..
والحين أظنك منت مجبور فيني..

>>>>> ردود الأعضـــــــــــــــــــاء على الموضوع <<<<<
==================================

صح لسانك
ابيات فقمة الروعه والجمأل
فزمنا ماعاد فيه حب صادق المشاعر والاحاسيس صارت بس حروف ع ورق وكلمات تنقال
الله يعطيك العافيه
وننتظر جديدك ربي يسعدك

__________________________________________________ __________
اشكرك بنت الشرقيه على الابيات الجميله

انا معاك ما عاد فيه حب صادق

بس في نفس الوقت اقول ان الحب موجوووود بس صعب جدا نحصله

فيه ناس بقلبها حب يكفي بلد بس ما نحصل احد يستحقه

والسموحه اذا قلت شي خطأ

يعطيييييييك الف عافيه

__________________________________________________ __________
يعطيك العافيه

كلام جميل جداً

__________________________________________________ __________
اشكر لكم مروركم العطر

__________________________________________________ __________
مليووون صح لسانك وربي يسلمك ويسلم منطوقك الشعري
ابياات رائعه جدا جدا دمتى في ابداعاتك بنت الشرقيه
وننتظر جديدك بشوووق دمتى في ود

صح السانك اختي

وبداية موفقه

بأنتظار جديدك


دمتي بخير