عنوان الموضوع : قالوا تسافر يافهد قلت انا وين
مقدم من طرف منتديات الشامل
السلام عليكم ورحمة الله وبركاته,,
العيد عليكم مبارك ,,وكل عام واتم بكل الخير,
وبهذه المناسبة ,,اليكم احبتي الاعزاء,,ابياتي تلك ,,
حقيقة كتبتها لليلة الخميس ولكن ظروف الارسال لم تسمح الاَّ ,,الان ,,
عموما’’ اتمنى ان تنال اعجابكم وترتقي لذائقتكم المتميزة ,,
طيّب ,,قلت/
العيد فرحتنا وحنـَّـآ سعيدين =سبحان من يعلم بهلَّة هلاله
مدري شهرنااليوم تسعه وعشرين=ولاَّ الخميس اتلآ الصيام ولياله
وان صارت الجمعه ترى العيد عيدين=العيـــد وصل اللي تعذّر وصاله
يامرحبا بالعيد وأهلآ و سهلين=يا ما جمعت أهل الوفاء والجماله
لوكان قلبي فاقد لّه عزيزين= نبع الحنــان اللي سقوني زلاله
الوالدين اللي توّفوا من سنين=من موتهم والقلب يرثى’’ لحاله
أخفي ونينه واقشرالهم طاوين=لآ حلِّ "طاري عيدنا في مجاله
قالوا تسافر يافهد قلت انا وين؟=شيباني ماتوا وش بقى ينعنَىَ له
إمنول ن نقطع دروب و بلادين=إمن الجنوب اقصاه لآخر شماله
واليوم نطلب ياكريم الكريمين=اسكنهم الفردوس وخضرة ضلاله
((وسلامتكم ,,فهد بن زيد))
,,
>>>>> ردود الأعضـــــــــــــــــــاء على الموضوع <<<<<
==================================
صح لساانك ملايين
يالشااااعر
وكل سنة وانت طيب وبخير يالغاالي
__________________________________________________ __________
المبدع دومآ فهد بن زيد
صح لسانك وكل عام وانت بخير
والله يرحم شيبانك ويسكنهم الجنه
لا هنت على هذه الرائعه
وعساك من عواده
اخوك (( ماجد بن منصور ))
__________________________________________________ __________
بن زيد
صح الله لسانك مليارات
قصيدة رائعة رغم الصور المؤلمة الحزينة
لافرحة للعيد الا بجانب الاحباب
...
كتبت فابدعت يامتنبي الشعر
وكل عام وانتم بخير وصحة وسلامة
__________________________________________________ __________
صح لسآنك يا فهد وعسى الله يرحم شيبانك ويسكنهم فسيح جناته ويجمعكم فالفردوس الأعلى ويبآرك لك بالعيد وكل عـآم وأنت بألف خير ....................‘‘
__________________________________________________ __________
صح لساانك رووووووووووووعة علي الطرح الشاعرمعك صممووووووووووووووته
المشاركة الأصلية كتبت بواسطة قمر من شافها طمر 
بن زيد
صح الله لسانك مليارات
قصيدة رائعة رغم الصور المؤلمة الحزينة
لافرحة للعيد الا بجانب الاحباب
...
كتبت فابدعت يامتنبي الشعر
وكل عام وانتم بخير وصحة وسلامة
حياك الله وياهلابك ملايين اختنا الفاضلة قـــــــمر ,,
اولا ,,عيدك مبارك وعسانا واياك من المقبولين كل عام وانت بكل خير من العايدين الفايزين
صح بدنك وسلم لي جنابك لاعدمتك طال عمرك تشرفت بحضورك وممنون لك على اطراءك الباذخ,,
تحياتي لك وزاكي سلامي ,, دمت برعاية الله وحفظه ,,,
,,,,,,,,
رد مع اقتباس
