آآهـ من قلبٍ تحــداني وحام
. . . . . . ابتـعـد عني ودونــه حــال غيـم
رغم ماعندي من اسراب الحمام
. . . . . . شافهـــا وأقفـى وخـــلاّني كظيم
. . . . . . أخــبرينـــي يـرحمـك ربــاً رحيم
وين ابعد . ماوراهـ إلا الظـلام
. . . . . . ياغـموض اللغــز ضيّعـت الفهيم
وانت يامن تلعب بقلبي حرام
. . . . . . يكفي التعـذيب مـــاني لك خصيم
ليه أسهر ليه حاربت المنام
. . . . . . ليــــه هــذا الهـم مـايــرحل مقيم
مدري من منّا يلام . ومايلام
. . . . . . ومــدري من منّا له الراي الحكيم
كلّـنا والكل مـنّـــا في هيــام
. . . . . .أشتكــي لك وانت تشكـي يـاوسيم
ياقمرنا أنت والغــيم اللثــام
. . . . . . يانســيم الصبــح والأجــواء ديـم
ياعيون اللي مضى له حول عام
. . . . . . العــديم اللي على كــف العــــديم
اشقراً وان هـدّ قالوا ياسلام
. . . . . . صفقوا لــه واذكـروا رباً عظــيم
يبتدي بالخِرب مافيها كلام
. . . . . . شرس في طبعه وطبعه مستديم
. . . . . . من ظهر مكشوف ماجاه اللحيم
يعجبك في وقفته عند الخيام
. . . . . . وتلعن الشيطان وابليس الرجيم
مادخل وسط المدينه والزحام
. . . . . . أرضـه المقـناص والدرب القديم
من تويوتا. كل مـابه له نظام
. . . . . . مايجيبه غـير من عــاش بنعيم
وسائقه ان قـام بلّغك المـرام
. . . . . . بالغــراز وبالـوعر ماهو غشيم
. . . . . . الخطــأ مايقـربه أو ســين جــيم
كل هــذا الوصف يابـدر التمام
. . . . . . وكل هــذا الشـرح لجلـك يازعيم
أدري اني طفت ساحات الغرام
. . . . . . والسبب مافيــه مثلك بالحــريم
لكن اللي شفت ركّز بي سهام
. . . . . . والخبر يقهر ويضرب بالصميم
( الخبر؟) أحلامنا صارت حطام
. . . . . . لفّها أعصـار وصـارت كالرميم
والقضية شبه ماتت فـ الختام
. . . . . . ولجل نفسك سيّدي خلّك حليم
شعر/ فضي الهدباني