عنوان الموضوع : شّد الوتر بالعين شعر رائع
مقدم من طرف منتديات الشامل

َشد الوتر بالعين وحجاجها قوس=وسهمن رمته اليوم لازم يصيبي
نظير عينن م الرواميش محروس=يحضر بها عقلي ومره يغيبي
يجمع لك النيران في بيت فردوس=غريب واهلك مهجتي ذا الغريبي
ياشبه ذكرى(ن)دق في القلب ناقوس=وانا اشهد انك علتي والطبيبي
حظ الزقارة دوس من قبلها بوس=عسى نصيبك مخلف(ن) عن نصيبي
باكر بعلم الغيب بالغيب مرموس=ويومي شباب وكل شب(ن) يشيبي
اكتبك لا حسس على القلب حاسوس=في ليلة(ن) فيها البدر لي رقيبي
اليا كتبت اسمك غدى مثل فانوس=ياقف على المنبر بقلبي خطيبي
وتكتب لي الاضلاع من هرجك ادروس=وطلاسم الهرجات امر(ن) عجيبي
يا موزع الكيسان انا شارب الكوس=شرب المراره من يمينك يطيبي
اضحك وقلبي يا كله ناخر السوس=واقول طيّب والله ادرى بعيبي
اهيم بك كني من السل ملسوس=هشيمة اعوادن غدت لك حطيبي
سلام يا قلبن من العذب مهروس=يا مذكي(ن) نارن غدى له لهيبي
كن النصيب الكاس لا صار منكوس=بعيد م الشربه وهو له قريبي
يا كم حلمن صار م الوقت كابوس=خوفه يجي له في الجوانح دبيبي
يفز فز اللي من الجن ممسوس=واعتاض من أمنه بليلن رعيبي
وضيفه غدى بالليل م الوهس هاجوس=وظن(ن) على الايام دايم يخيبي
ملك الكلمــــ(محمد الحربي)ـــــات


>>>>> ردود الأعضـــــــــــــــــــاء على الموضوع <<<<<
==================================

صح لسانك اخوووي محمد
نص رائع بروعتك
تقبل مروري المتواضع
لك كل الووود

__________________________________________________ __________
محمد الحربي

صح لسانك يالقرم

نثرت المشاعر المرهفه بقاف راقي

تسلم يالغالي ويعطيك العافيه

اتمنالك التوفيق

__________________________________________________ __________
صح لسانك وأعتلى شانك
لاهنت ..قصيدة رائعة ننتظر
جديدك القادم ..
لك كل الشكر والتقدير

__________________________________________________ __________
صح لساااااااااااااانك
طرح موفق

__________________________________________________ __________





,,

الشاعر القدير/ محمد الحربي

صح لسانك واعتلا شانك

وتسلم يمناك يالجزل ع هالرائعة

ابدعت وأكثر

يعطيك العافية

ودمت كماتحب

((

))

لك تقديري

,,