عنوان الموضوع : اللي صباح العيد جت عايدتني - من الشعر
مقدم من طرف منتديات الشامل
مساكم الله بالخير
اخواني الكرام كل عام وانتم بخير
ومن العايدين بعد الزحمه
اضع بين ايديكم هذه القصيده الجديده والغاليه على صدري ولها موقف واتمنى
ان تنال على اعجابكم
اللي صباح العيد جت عايدتني=يسعد صباحه بالورود النديه
كل عام وأنتي بخير ياحاشمتني=بنت الرجال أهل النقا والحميه
والله ماعرفه يالو كلمتني=واللي عرفت أن أصلها شمريه
تقول يالشاعر ولا جاملتني=حبيت أعايد بس هذي القضيه
أهلا هلا من طيبها وأسعدتني=أنا أشهد أنه بنت ناس أجوديه
تستاهل الأشعار لو ما طلبتني=وأنا عطيته هالقصيده هديه
غصبٍ علي من فعلها وأجبرتني=بنت الحمايل أمدحه وش عليه
بأسلوبها ياناس حيل أذهلتني=منهو الحضيض اللي عشق هالبنيه
والله يالولا سلومنا ماحدتني=كان شبعت به هالعيون الشقيه
لكن سلومي ياعرب ماعصتني=عيب على اللي ياردون الرديه
أغليت دارٍ تسكنه وأشغلتني=حايل عسى له مزنةٍ عقربيه
يابو بدر هاك البيه شعتني=ليا صار عيبه طيبها العسوجيه
وسلامتكم
>>>>> ردود الأعضـــــــــــــــــــاء على الموضوع <<<<<
==================================
يسعدني اتوجد هنا الشاعر روووووووووووعة علي الشاعر يسلموووووو
__________________________________________________ __________
صــح لســـآآنــك
عمـــر الهمـزآآني
قصيــده جميلــه لها احساس خـآآآص
استمتعت بقراءتها كثيرآآآ
عسى عمرك طويل
والله يالولا سلومنا ماحدتني
كان شبعت به هالعيون الشقيه
لكن سلومي ياعرب ماعصتني
عيب على اللي ياردون الرديه
عز الله انك شاعر وجزل
تحياتي لك وامنياتي لك بالتوفيق والنجاح
وعيدك مبارك بعد الزحمه واللحمه
__________________________________________________ __________
المشاركة الأصلية كتبت بواسطة صمت الرياض
يسعدني اتوجد هنا الشاعر روووووووووووعة علي الشاعر يسلموووووو |
الله يسلمك اختي العزيزه صمت
شاكر لك هالمرور العطر
والله يعطيك العافيه تسلمين
تحياي لك
__________________________________________________ __________
يابو بدر هاك البنيه شعتني ليا صار عيبه طيبها العسوجيه
وصح لسااااانك ملاااااااييين
قصيدة رااااائعة كما أنت
ياليت يتعدل هالخطاء المطبعي ( البنية )
لاهنت ...
تقبل تحياااتي ومروري
__________________________________________________ __________
صح لسانك
قصيده رائعه
تقبل مروري
قصيده راااائعه صح لسانك يا خوي
تحياتي وتقديري