عنوان الموضوع : لاتعذبني
مقدم من طرف منتديات الشامل

يامنيره

لاتعذبني ترا القلب يكفيه العذاب
لاتزود فوق ماهو متعذب علته

قلبي اللي منك تقل تناهشه الذياب
أخذت منه اللي تبي واللي ماتبي كبته

لاتخلي بيني وبينك لياجيتك حجاب
لاتغمغم في عباتك ماهي بحزته

أنت لك في وسط قلبي محبه أولك عتاب
المحبه أنت ولا العتاب بلوعته

إليا تباطيتك أغدي تقل قريص داب
من يشوفه طايحن يصخف لحالته

في مذاري عينك اليمنى واليسرى العجاب
يوم سلطت رمش عينيك لقلبي هزته

منزلك في محجر العين يا ترف الشباب
والخفوق اللي بين الأضلاع لعبت بحسبته

كان تبغى دواي عطني من الذبل شراب
ذا دوا قلبن ليقفيت زادت علته

شف دموع العين هلت مثل نو السحاب
صاب عيني الرمد وانت والله سبته

أنت تامر أنت تنهى ترا امرك مستجاب
يا عجب وشلون بالله أمرك نكبته

كان ذبحي في ايدينك اذبح لا تهاب
بس ودي قبل ذبحي يوادعني بحبته

ما دريت إن الشقى معي من صرنا صحاب
وقبل والله لالي بالحب ولا لي بقصته

يا عيون اللي إنطلق سبقها قبل الغياب
وانشغل صقارها إيصيح وبالارض خلته

يا منيرة لا يجي بيننا مثل الضباب
أنتي أعلم وش بالقلب وش هي ردته

قصيدتي في مــنــيـــرة

>>>>> ردود الأعضـــــــــــــــــــاء على الموضوع <<<<<
==================================

صح لسانک
تسلم یمناگ ۔۔۔

__________________________________________________ __________
بسكوت ابو ولد

أسعدني مروركي....

شاكراااا ذوقك ....

__________________________________________________ __________
.

.

حيآك شاعرنآ
صحَ لسآنكُ وعلا شآنكَ .. أأبيآت عذبه

لآخلينـآ منكـ

،

__________________________________________________ __________
حيااك الله وهلا بك ويسلم رااسك
نص جميل ومشااركه راااااائعه بس الووزن مااضبط معي
وااصل العزف عسااااااك على القوووووووه

__________________________________________________ __________
كلمات رقيقه فيها وصف جميل وان كان هناك بعض التحفظ على القافيه الا اني اراها مشروع شاعر يلوح بالافق ويبشر بقدوم شاعر له من الجمال الكم والكيف , عساك دائما على القوه وصح لسانك ولا هنت اشكرك على العطاء الجميل :
تقبل تحياتي

ماشاءالله حروف مميزه
صح لسانك
وتسلم يدك على ماخطت

تقبل مروري