عنوان الموضوع : يا فلان شعر رائع
مقدم من طرف منتديات الشامل
[BACKGROUND="70 #660066"]يافلان وين الذي تذرف لها عيني
اللي لها القلب بالونه تبلاَّني
غديت مكتوب حرفن وانتي تمحيني
تظهر له الوان وتمحى مني الواني
مشغول انا به وكل الناس لاهيني
وانا ولا شي عنها يوم لهَّاني
عليه خمات حزن القلب تطويني
واصير لحنن ليا ليلي تغشاني
ابكي حزونه وحزنه لي يغنيني
وتضحك حزوني اليا حزنن به ابكاني
كيف العنا لك يجي من ناس غاليني؟
يا كيف يحزن فوادي واحد اغلاني؟
ودعت لاجل الشقا به ضحكة سنيني
ودومه بفكري وهو دومه تناساني
يا خير يا قدرة(ن) بالشر ترميني
كن الحزن يا رقيق الكف يهواني
ابيع بعده وبعده صار يشريني
البعد يدفع بمثلي غال الاثماني
يا زايدات اللوايع لا تزيديني
كنك نسجتي مع الفرقى لي اكفاني
كم يذبح القلب شوقك للبعيديني
واليوم موتي وعيشي صار سيَّاني
ياصاحبي مات زهري في بساتيني
وعز الله انك زهوري وانت بستاني
يمكن يلم القدر شمل الشتيتيني
ويدني فوادي زمانن عنكم اقصاني
بس اتمنى نشوفك لا تلوميني
وعسى الذي لامني ياتيه ما جاني
من عقبكم ما لقينا من يسميني
كني رساله وضاع اليوم عنواني
كني ادوِّر لنفسي كيف الاقيني
ولا اذكر لي اسمن ولا من كان سمَّاني
ما عاد اميِّز يساري من مياميني
اربع جهاتي تعذّرني وتجفاني
يا ماخذن من فوادي ليت تعطيني
يوم ان شحَّ البخت ما قطه اعطاني
ايه ايه يا سارقن دمع المساكيني
اموت ظميان عندك ما احدن اسقاني
شفنا القسا بك ولا شفنا لكم ليني
ياليت انا صرت مثلك فيّ ما اقساني
غديت لك طير واسمع لي تلاحيني
يوم الحزن صار نغماتي مع الحاني
ملك الكلمات
[/BACKGROUND]
>>>>> ردود الأعضـــــــــــــــــــاء على الموضوع <<<<<
==================================
صح لسانك شاعرنا
ابيات راقت لي
ننتظر جديدك بشوق
تقبل طلتي
اسيرة احساس
__________________________________________________ __________
يعطيييك العافيه
تقبل مروري
__________________________________________________ __________
صح لسااانكك
ابياااات روعة
لاتحرمنا من جديدكك
تقبل مروري
نظرة عيونه
__________________________________________________ __________
صح لسانك واعتلى شانك , القصيده في قمة الروعه .
عليه خمات حزن القلب تطويني
واصير لحنن ليا ليلي تغشاني
ابكي حزونه وحزنه لي يغنيني
وتضحك حزوني اليا حزنن به ابكاني
الله يالابداع .
__________________________________________________ __________
صح الله لسانك
لاهنت ولاهان منطوقك
قصيده رااااائعه من شاعر جزل
جل التحايا لسموك
كلمات جدا رائعه مميزه نقيه
صح لسانك وعلا شانك
حبي لك سيدي ولنزف قلمك الراقي
رد مع اقتباس
