عنوان الموضوع : اكتبك وامحاك
مقدم من طرف منتديات الشامل
اكتبك انا في خاطري ثم ان امحاك =واذا سهيت القلب يكتب حروفك
لا شفت انا لاقصاك ولاشفت لادناك =والله عليم (ن) يالغلا في ظروفك
قلبن غدى مني وروح(ن) تمثناك= راحت ضيوفن يا معذّب ضيوفك
طاحت على يسراك ومره بيمناك =يا غامض الاقدار وش وسط صوفك؟
العالم الله كل مافيّ تمناك= وسكرّته المسمع وصكيت شوفك
لا ياغريب الدار صحت وسمعناك= يا باكي(ن) تنشد عن احلى طيوفك
الطيف ياقلبي غدى لا عدمناك =اقصر خطاك وقلل اليوم طوفك
لو انت ميت كان حنا دفناك =مير البلا قبرك سكن وسط جوفك
ياليت يادرسن مضى لي فهمناك= والله لاخلي الحرف دبلة كفوفك
دايم بيوتي لك تشير وتعنّاك =لو انت طالعته بواقف صفوفك
يا كبرياء (ن) ظالم وين حسناك؟= ضاعت معا صرف الدهر في صروفك
بيت الخيال اللي خلى ما سكنّاك= واليوم اشوفك ساكنن فيك خوفك
اسمك بعالي الجو وحنا عرفناك= رقيق مررره بس تسطي سيوفك
ترجح بكل الكون ساعة وزنّاك =تخزن جميع الزين باطرف رفوفك
يا غايب الطلعه وحنا فقدناك= خليت روحي رشفة من رشوفك
في صدر مهموم الحشا قد كتبناك =ولي هاجسن بالليل دايم يحوفك
لا يا نفيس الورد من وين مجناك؟= اتلى الخبر بك يوم هلّت ذروفك
اقفت توزّع هامل الدمع عيناك =شمس(ن) غطاها الظل ساعة كسوفك
ذاب الكحل من فوق خدك ووجناك =وخضَّب ظلام الدمع صافي كتوفك
يا ذوب كحلن لمحته ب حنّاك= تطيح كن الحزن كسّر سعوفك
لو في يدي شي(ن)بفرحي جبرناك= ياللي من القبله جميل(ن) صنوفك
يا سحر ليلن كان ودي سهرناك =طيرانها تصفق لهايم دفوفك
واليوم صدف الدهر قام يتغناك =يقطعك يادهرن شنيعن صدوفك
ثليل ليلن منيتي لو جدلناك= ليلن على صبحن تشيله ردوفك
ودي تشوف الخلق نورن من اسناك= يوطا بها النايف مع اعجاز نوفك
لو تسعف حروفي بوصفك وصفناك =مير البلا الابجد عجز عن وصوفك
ملك الكلمـــــ(محمد الحربي)ـــات
>>>>> ردود الأعضـــــــــــــــــــاء على الموضوع <<<<<
==================================
محمد الحربي الله يسعد مسااك
ولله درك رااقي وراااائع ومميز بحضوورك شااعر
جزل والله يا ملك الكلماات الرااااااائعه
صح لساانك ملياارت على هالابداااااااااااااااااااااااع
__________________________________________________ __________
صح السانك ولاهنت شاعرنا القدير محمد
وتقبل مروري وتحياتي وتقديري اخوك
صح بدنك اخي سعد ولا هنت اشكر لك المرور
__________________________________________________ __________
صح لسانك ولاعدمنا جديدك
شاعر ابدعت وسخرت الاحرف لخدمة افكارك
تقبل مروري
__________________________________________________ __________
..
محمد ألحربي .. ملك ألكلمآآت
شـــــــآآآعر ألجزآآله
صح إلسآآنك مدد
قلمك رآآئع كــ أنت
يحق لي هنآ أن أصفق لبآآذختك
أبدعت وأمتعت بحق
تحيتي وألسلآم ..~
__________________________________________________ __________
صح لسـآنك يا محمد ومهما قلت فيك فلن أفي غرض مدحك
ولكن للأمانه مساء جمييل بقدوم هذه الجزله
أبدعت وتوفقت في القاف والمعنى لا هنت وبيض الله وجهك
السلام عليكم
صباح الخير
الشاعر القدير/محمـــــد الحربي
ماشاء الله عليك
نص رائع بمعنى الكلمة
ربي مايحرمنا من حروفك الراقية
تحيتي لك وتقديري ؛؛
طاب لي المرور
الزين الاصيل
رد مع اقتباس
