عنوان الموضوع : كنتي أكثر من حياها يقبله لبس النقاب - من الشعر
مقدم من طرف منتديات الشامل
؛؛مدخل؛؛
درب الهوى لو يبعث الشوق فيني
ظـلامـه أسرف بـالهواجيس يابنت
لاتـبــتـلـيـنـي صــدق لاتـــبــــتـــلـــيــــنـي
والله لأهـاجـر دامـني يوم ماخنت
((العفو مايشمله))
ياشعاع الشمس وضح وش بلا الدنيا عذاب=أختلف معنى الحقيقه والظوامي تجهله
أن دعيت الحق يمي هج ضحضاح السراب=وأن نشدت الوقت مره مايحل الأسئله
الله أكبر ياخفوقي وش ورا سر الغياب=ليت حظي يهتني لي بالليال المقبله
ماعطيت ألا المعزه والغلا قبل العتاب=وماجنيت ألا الطواري يالعيون المكحله!!
كنتي أجمل من صدفته والهوى باب وجواب=كنتي أعذب من شربته بالسنين المذهله
كنتي أكثر من حياها يقبله لبس النقاب=كنتي أرفق من حواني بالظروف الممحله
كنت ألمك لاغشا هالخد هملول السحاب=وأحتوي قلبك أماني وأن فقدتي أشعله
كنت أدوس الصد لجلك وأحضنك زاد وشراب=ماحسبت الورد يجرح والليالي تذبله
ياعذاب اليوم يكفي لو تعلينا الهضاب=الجفا جاير علينا والهنوف مدلـلـه
كيف هان الحب عنده وأندفن تحت التراب=كيف تنسى شوق قلبي أشهد أنه مشكله..؟؟
يمكن أني مافهمت الوقت ياعمر الشباب=ليه تحرم طيف قلبي ليه شوقي تقتله..؟؟
أستباح الدمع خدي والرجا بالحب خاب=وأستعاد الجرح منك والظروف تعلله
أن دفنت السر يقهر...وأن فضحت القلب...شاب=مار أظن الوقت يجلا لو خفوقي يسأله
أسعدي لا لا يهمك لو خفوق الأمس ذاب=وأذبحي طيف الهواوي...(العفو مايشمله)..!!
؛؛خروج؛؛
الـيـوم أنـا يـاحـب أجـزمـت وأجزمت
صدري ترى ضمن الصدور الرحيبه
لكن رحلت ولو رجـع لـي.. تـبـسمت
بـأجـاوبـه هـل يـقـبـل الـظـن خـيبه؟؟
,
,
بقلمي
عمر الهمزاني
>>>>> ردود الأعضـــــــــــــــــــاء على الموضوع <<<<<
==================================
يعطيك العافية على الطرح
دووم التألق والإبداع
تحياتي لك,,,
__________________________________________________ __________
صح لـــــسانــــــك
ابيات رائعه فعلاً ..وصف يفوق الخيال
احساس صادق وابداع يصوغ مخيلتك ..
راقت لي بالفعل ابياتك ...ووصل للقارئ احساسك ..
تسلم يمينك يا شاعر ..لاعدمنا جديدك
لك ودي
ووردي
__________________________________________________ __________
صح لسانك و اعتلى شانك
و الله يعافيك و يسعد قلبك
بإنتضار جديدك دوما
كل الود و التقدير
__________________________________________________ __________
صح كلك عمر
جزل والقصيده رآئعه من روآئعك الدائمه
مودتي
__________________________________________________ __________
يسلمووووووووووو مشبطاااال
لم أجد للإقتباس مع رائعتك نكهه وطعم
فكل بيت كان أجمل وأنقى من سابقه ,,
صح لسانك وبيض الله وجهك بنوره
ابيات رااائعه وأكثر شاعرنا عمر
حماك المولى ياطيب الروح
كن بخير
رد مع اقتباس
