عنوان الموضوع : (على شاطي الخبر)
مقدم من طرف منتديات الشامل
على شاطي الخبر وقفت أدور للخبر عنوان =أطالع بالبيوت وبالمباني وبالسما فوقي
وفي قلبي من الماضي لهايب تشبه البركان =أتذكر علوم ٍفايته والقلب محروقي
واقول بخاطري ياهالاماكن عاش فيك انسان = مثل نفح النسيم برقته والشكل والذوقي
ترك في خافقي جرح يعاودني مدى الأزمان =الا مني تذكرت الجحود وقلة وفوقي
وانا الغلطان ياشاطي الخبر والله انا الغلطان = واتوب من الخطا لله وسامحني على عقوقي
ماجيتك بعد هذا العمر ادور للوصل رجعان =ولكن في حنايا الجوف ندم ماهو بمسبوقي
الا مني تذكرت الدموع بساعة الأحزان =وجهلي والعناد ومنطقك ليه ومنطوقي
تسابقني دموعي واشتياقي لجنة الغفران =بعد ما الهب فؤادي سوطك اللي قطع عروقي
يحق الك العجب ويش جابه الحينه بعد ما كان ؟=اهو صاحي؟ اهو مجنون؟ اهو للحين مطفوقي؟!
جيتك يالخبر واله على كلمة رضا واحسان =تقول مسامحك من قلب على نظمي وطاروقي
وانا ادري يالخليج انك تشيل الدر والمرجان =وموطن للكرم كله ومثلك ماهو ملحوقي
وسلام الله على امواجك وعلى شاطيك يالفتان =وحماك الله من غدر اللئيم وراعي البوقي
>>>>> ردود الأعضـــــــــــــــــــاء على الموضوع <<<<<
==================================
وانا ادري يالخليج انك تشيل الدر والمرجان......... وموطن للكرم كله ومثلك ماهو ملحوقي
ابيات مليئه بالذكريات الحزينه
سلم لنا بنانك وابعد المولى عنك الحزن والالم..
__________________________________________________ __________
جميل ما خطت اناملت
تقبل مروري وتحياتي
__________________________________________________ __________
ألم وأمل
أسعدني تواجدك
وتعليقك
ودعواتك الطيبة
تحياتي وتقديري
__________________________________________________ __________
مجموعة أنسان
أسعدني تواجدك
شكرا لمرورك الكريم
__________________________________________________ __________
كم هي مجنونة حروفك
لقد افقدتني عقلي وسحرتني
كم انت جميل
لك ارش العود والعنبر
كنت هنا
الزمرده
رد مع اقتباس
