عنوان الموضوع : (يايبه شعر رائع
مقدم من طرف منتديات الشامل
(يااايبه)
***
يايبه منتهي جيتك وطالبه منك الغفران
جيتك أقبل قاعة أقدامك وأغسلها بدمعاتي
***
يايبه كل ما فيني يناديلك انا ندمانه
طلبتك قولي : سامحتك ورد لوجهي بسماتي
***
أنا أعرفك قلبك الطيب كسرته بصدمة النكران
غِلطت وغلطتي هذاي تساوي كل غلطاتي
***
تشوف الشيب يا يُبه ترى ما جا وأنا فرحانه
ورب اللي رفع ذاتك ونزّل للردى ذاتي
***
فقدت الراحه من بعدك , فقدت الطيبه والحنان
بدونك راحتي غايه وبدينك هذي راحاتي
***
أنا بعدك ولا حاجه أنا بعدك ترى عميانه
أشوف , ولا أشوف اللي يوريني مسراتي
***
أنا وسيد الشقا والهم بَعدك غدينا أخوان
يجيب هموم هالعالم ويرميها بمتاهاتي
***
صدقت يوم قلتلي : تدين اليوم بس باكر تندان
رميتك في بداياتي ورموني في نهاياتي
***
أنا اللي شالك بيده ورماك بأسفل البركان
نخيتني وطلبتني ولا حصلت نخواتي
***
مثل ما هنت بعيوني عليهم قلبي يُبه هان
رموني وضحكهم فزعه وأنا الدموع فزعاتي
***
يا يُبه لا تظن إني من بينهم زعلاني
سواةٍ فيك سوّيت وسووا فيني سواتي
***
يا يُبه يلا ظمني ودفيني بالأحضان
أنا أعرفك إنك مشتاق وهمك بس ملاقاتي
***
يا يُبه ظمني أبي أرتاح أنا تعبانه
تعِبت أهرب من ذنوبي أبيك آخر مسافاتي
***
أبي أسمع منك أي كلمه , لصوتك مسمعي ولهانه
أبي أسمع يُبه بصوتك أبي أذكر فيه نشواتي
***
أشوفك ساكت يُبه , غفيت ولا أنا غلطانه
غفيت يا بَعد عمري , تعبت من مواساتي
***
يا يُبه, يا يُبه , يا يبه
***
طلبتك قوم إذا لي بعيونك شان
أشوف الموت بعيونك يدفِن مِسراتي
***
تعالوا يا بِشر شوفوا أنا مِحتاره أنا تلفانه
أنا أبوي مدري وِش فيه أنا مدري أنا أحاتي
***
شنو , شنو , شنو
***
أبوي أنا مات , لا , لا , مسمعي غلطانه
أنا أبوي ما تخليني على حزني ووناتي
***
أنا أبوي قلبه طيب أنا أبوي لا يمكن تبكي إنسان
أنا أبوي مايبكيني ولا يتمنى آهاتي
***
يا يُبه صح ما مت وصح الموت تو ما حان
يا يُبه لو مت أنا بعدك بأقضي وين ساعاتي
***
يا يُبه قوم يا يُبه وقولي الموت لا ما كان
أنا جيتك وأنا ناويه أبدّل فيك جنّاتي
***
تركتني ومُت ليه ,ليه تركتيني وأنا غرقانه
ولا قلت : مسموح يا بنتي , ولا قلت : تلعنك لعناتي
***
أنا الجانيه أنا المخطيه وأنا الندمانه
وأنا بإيدي رميتك , آهٍ , وأنا بإيدي بعثرت ملفاتي
***
وجيت من الهنا مُفلس وقلبي من الزِمَن خسران
تركتني على ناري أعدد بعدك زلاتي
***
ولاني مرضيٍ ربي ولاني تابع الشيطان
أنا بَعدك ترى ما بين نهاياتي وبداياتي
***
يا يُبه منتهيي جيتيك وكلي مرتجيه غفران
وشفت الناس تلعني وتحذرني من الآتي
**
تحياتي واشواقي للمرحوم
ضحكته وياللاسف بكاني
>>>>> ردود الأعضـــــــــــــــــــاء على الموضوع <<<<<
==================================
جلد ذات ... ندم .... وحسرات
وحروف وآهااات
وضحكته وللأسف بكاني ..
يعطيك العافية على هالبوح الحزين المؤثر
لاهنتي
تقبلي تحياااتي ومروووري
__________________________________________________ __________
تألق وحلق فوق السماء
لقد ابدعت وفاح عبير كلاماتك في الهواء
ابدعت وطربتنا بعذب الكلام زادك ربي علاء
سلمت يداك... تقبل مروري
__________________________________________________ __________
يسلموووو االغلا عالمرور يعطيكم الف عافيه لاهنتو
__________________________________________________ __________
صح اللسانك والله يبعد الحزن عن الكل يارب
__________________________________________________ __________
كلمات مؤثره . نابعه من قلب .
الله يعطيك العافيـه .
أحترامي .
رد مع اقتباس
