عنوان الموضوع : بعطيك كرت أحمر علشانك أخطيت
مقدم من طرف منتديات الشامل
السلام عليكم ورحمة الله وبركاتهمساء الخير والأنوار للجميع
طبعاً حبيت أشارككم أول قصيدهـ لي في هذا المنتدى أتمنى أن تنال إعجابكم وترضي ذائقتكم
تفضلوا هذه المتواضعه
أقول..
بعطيك كرت أحمر علشانك أخطيت
ملعب حياتي فارقه وأنت مطرود
وبنهي معك لعبة عذاب وتناهيت
لعبة عنى وكذوب وطعون وصدود
حاولت أعذرك لاكن بعذرك أبطيت
ونشدت عنك ولاوصل منك منشود
أنا بنيت البيت وتهدّم البيت
وقابلت طيبي ياأريش العين بجحود
من أول أنت بقمة القلب عدّيت
مفروش لك قلبي بساتين و ورود
ولك قصر في صدري بوسطه تربيت
وظلوع صدري كلّها لجلك جنود
وفي داخل عروقي مشيت وتمشّيت
تمشي على كيفك بدون أيّة قيود
واليوم من عرش المحبه تهاويت
ومانك على طيحتك ياصاح محسود
خلاص من عالي سمانا تدانيت
وحظٍ جمعني فيك لا شك مقرود
وماعاد ينفع قول يمكن وياليت
وصلتنا ياصاحبي درب مسدود
لاهنت ياقلبٍ تعبت وتعنيت
وش حيلتي دامك بالأحزان موعود
واليوم دام إنك علينا تغلّيت
وماعاد صرت تشوفنا شيّ موجود
بذكّرك في شيّ دامك تناسيت
ترا مصيرك يوم في مرتع الدود
بقلمي وأرجو أن تنال إعجابكم
(لاأبيح لأحد نقلها دون ذكر إسمي)
نـبض الكلمه
>>>>> ردود الأعضـــــــــــــــــــاء على الموضوع <<<<<
==================================
وصح لساااااانك الشاعر العذب نبض الكلمه
قصيدة راااائعة من شاعر متمكن
أسجل إعجااابي
لاهنت ..
تقبل تحياااتي ومروري
__________________________________________________ __________
صح لساااانك يا نبض الكلمه ونبض الشعر الجزل والابداااع ......‘‘
مصاافحه أولى كاانت في غااية الرووعه والجماااال .....‘‘
تقبل مروري ويشرفني مروري هنااا .........‘‘‘
__________________________________________________ __________
صحت أبدانكم أخواني
(متاابع) و (عوض)
والله الشرف كله مروركم من هنا وقرائتكم لقصيدتي المتواضعه
لاهنتوا
نـبـض الكلمه
__________________________________________________ __________
صح الله لسانك وتسلم ايدك يالغلا
والله يعطيك العافيه والف شكر لك
__________________________________________________ __________
صح بدنك (عذبوك بقلبي)
الله يسلمك
شرفني مرورك
نـبـض الكلمه
=فراشة عدن;7683285]صح لسانك قصيد جد حلوه ومؤثره بس يبغالك شوي توزن البيات صح لسانك مره ثانيه واتحفنا بقصايدك الحلوه
رد مع اقتباس
