عنوان الموضوع : هذا الهوى
مقدم من طرف منتديات الشامل

تجيه إذا صارت حزينه
رسايل/أغاني حب و وعود

بـأرقى الأحاسيس الثمينه
تغدق على قلبه تجود

و إن صار و اقعها يا زينه
قالت له الوصل مسدود..!!

المشكله..زود الغبينه
وداعها مطرز برود

زودٍ على أنّا ناصحينه
ماضي يتكرر..بس لافود..!!

خاضع لأشواقه حنينه
كل ماتْعُود..بـ كلّه يعود

يحب يوفي لخاينينه
يقبل و هو شبه مطرود

مااهتم لو راحت سنينه
في حب بالكذب منقود

لا..لا تقول الله يعينه
الله يزوده بالشقا زود

يمكن شقاه إن هدّ عينه
القلب يبصر من طغى الكود

و ماعاد أبد يبسط يمينه
الاّ لحبٍ وافي بنود

و يحب له جادل رزينه
تجيه حبٍ غير محدود

في زين واقعها و شينه
منها الوفا دوم ممدود

حب بـوفا يحضن اثنينه
يصيرون واحد عمره خلود

أرقى أحاسيسه مُبينه
بفعل أعذب من حكي وعود

الماضي و جروحه به سجينه
حاضر سعاده دايم يسود

هذا الهوى يا عارفينه
في قحط في برق و رعود

ماهو الوهم يا مدّعينه
تضييع وقت أو لأجل مردود

لأن الهوى يا جاهلينه
لاصار بالصدق مشدود

يمنى و تكرم عايشينه
من دون تخطيط و جهود

الفرح إذا هُم حاضنينه
زودٍ يجيهم غير معدود

هذا اللي عجّز واصفينه
و هو في هالناس مشهود

سحره و فرحه شاهدينه
بس السبب لو زادت ردود

نطلع جميعاً جاهلينه
نلقى شعوره زهر و ورود

في إيدين منهم قاطفينه
يحيا و عبيره مع دهن عود

و في يدين من كذبٍ تهينه
يذبل لأن قلوبهم سود

و لـ أي قلبٍ خادعينه
عطره يقول الحب موجود

بس أنت أترك مرخصينه
يجى في يمنى صدق مفرود

عبدالمجيد محمد سعد اليحيى

>>>>> ردود الأعضـــــــــــــــــــاء على الموضوع <<<<<
==================================

صح لسانك ولا هنت
اخوووي
ابيات راإأإأئعه
يعطيك العافيه
تقبل تواجدي

__________________________________________________ __________
صح لســـــــــــــــــــــــــــــــــــــــــانك ,,,

شاعرنا المبدع,,,

عبد المجيد اليحيى’’’’

لاهنت استاذي الكريم,,

على سبك هــذهــ ـ التحفة الجزله,,

شاعر مبدع ومتمكن,وصاحب خلق رفيع وروحا عاليه,,,
اسأل الله ان يزيدك من واسع فضله و يحفظك,من كل سو ء ٍومكروه,

ارجو ان تتقبل مروري ومعه

ازكى تحياتي العطره

ولك من الله اجمل سلامي,,

دمت من الله بكل الخير,,,

__________________________________________________ __________
صح لسانك وإعتلاء شأنك

أبيات رائعه ذات معاني جملية

الله يديك العافية

ولا يحرمنا طلتك الرائعه

__________________________________________________ __________
صح لسانك ويسلمو على الابيات

__________________________________________________ __________
يعطيك العافيه

تحيتي ودمت بود

دموع الورد











صح لساااانك والله يعطيك العافية

أخوي عبد المجيد اليحيى

ولا هنت

تقبل تحياااتي ومروري