عنوان الموضوع : > يبــه .. قهوة [صباح الخيــر] تسأل ليـــه خلانــي ..؟ - من الشعر
مقدم من طرف منتديات الشامل

ألا يا ليل من طولكـ .. تعبت أتابع الأفلاكـ ....
و جلست أتأمل الدنيــا .. وأتسلا على أشجاني


ألا يا ليل ذا قلب بدويــه .. ممتلىء بأشواكـ ...
يغني للقمر بلحون .. " تشبــه لحن جدانــي "


[ ياغالي سنين من بعدكـ .. وبنتكـ ما قوت تنساكـ ...
و كيف أنسى .. ووجهكـ منرسم فـ عيون عماني .. ؟ ]


بحاول أبتــعـد عنهم .. بـــروح بعيــد لين ألقاكـ ....
بضمكـ داخلي .. لو كــــان تشويني .. و تصلانــــي


و بقول أن ضاقت الدنيا : يا ربي همي مايخفاكـ ....
يارب آنـــا في وقت الحزن ما أعرف غير قرآنــي ..


يا حزنـي .. قل لي من جابكـ بعد ما خاطري وداكـ ؟
أبسأل منهو يدلكـ .. ؟ ومن يعطيـكـ عنوانـــــي .. ؟


بتم الحين سبـع أيام .. وأنــــا في المجلس أتحراكـ
و أعد نجوم ليلي .. لين .. يبدأ يومي الثانـــــي ...


تعرف يا الحزن طبعي .. وطبع الحـــر ما يخفاكـ ...
أقلطكـ بوسط صدري .. وأكرم كل ضيفانـــي .....


يا أبـــوي .. الناس تسألني .. وينه عنكـ من رباكـ ..؟
يا أبـــوي .. أعرفكـ ما ترضى لقلبي هموم وأحزانـــي


تذكــر يا يبــه .. كل صبح أضم ايديكـ .. و اتفداكـ : )
يبـــــه .. قهوة [صباح الخير] تسأل ليــه خلانــي .. ؟

خلاص أوعدكـ .. ياغالي .. ورب الكون ما أعصاكـ ..
بنــام الليل من شانكـ .. و بتـقن درسـي إتقانــــــي ...



"


"


و لأني مؤمنـــه بالله .. عينـــي ما بكـــت فرقــاكـ ..
و بقى غيابــكـ .. مثل جمره [استقرت] وسط وجدانــي..

>>>>> ردود الأعضـــــــــــــــــــاء على الموضوع <<<<<
==================================

جميلة جدا


وااااااااااااااااااااااااااااااصل ابداعك

__________________________________________________ __________
تذكــر يا يبــه .. كل صبح أضم ايديكـ .. و اتفداكـ : )
يبـــــه .. قهوة [صباح الخير] تسأل ليــه خلانــي .. ؟

كلمات رائعه ومؤثره جدا ..

اعان الله كل من فقد حبيب وغالي

تقديري

__________________________________________________ __________
اااااااااااااااااااااااااااااااااااااااااااااااااا اااااااااااااااااا

ورب البيت تخقق مثل صاحبتها فديتتتتتك وفديت ذوقكـ العسل يا عسـل انتي <<اوخ اوخ الحين من قدك كبر راسك

عمري انتي مشكورة

__________________________________________________ __________


__________________________________________________ __________