عنوان الموضوع : وقتي العنيد شعر رائع
مقدم من طرف منتديات الشامل

الليالي والمعاني اللي تزين=والحروف اللي بجوفي من عتيد
تزهر بخد الاماني والجبين=تنتشر غيمه على وقتي العنيد
والعذاب اللي بقلبي من سنين=تاركه مابين دفقات الوريد
يدفعه ماضي زرعته باليدين=يسرح بجسمي مثل ماهو يريد
يحتكم فيني وأصبّره بأنين=واتركه وارجع اعيده من جديد
حاكم بقسوه ولاضني يلين=لين اشوف الصيف غطاه الجليد
تنزل الدمعه على الخد وتبين=من لمحها تشعلـه لو من بعيد
تعمي عيوني بعبره كل حين=ينفجر ماها ويغشها الصديد
غصب يحكمني ولا لي من عوين=غير من سافر وخلاني وحيد
وآتصبّر واحتسب والله المعين=تآلي الايام بعد الصـوم عيـد
عبدالله الوقيـدي
(( قيــد ))

>>>>> ردود الأعضـــــــــــــــــــاء على الموضوع <<<<<
==================================

قيـــــد

بيض الله وجهك يابعدي
وصح الله لسانك

ابيات رائعه
رغم مابها من الم وحزن

جزله يالشاعر
اشكرك عليها جزيل الشكر

في انتظار جديدك

تقبل مروري
وودّي وتقديري

المشـــــــــــــــتاق

__________________________________________________ __________
حاكم بقسـوه ولاضنـي يليـن
لين اشوف الصيف غطاه الجليـد

المبدعـ : قيـــد ,,

صحـ اللهـ لسانكـ .. ملااايينـ ..
ابياتـ روعهـ ..

لكـ وديـ واحتراميـ ..

اختكـ : إحساسي جليــد ,,

__________________________________________________ __________
صح لسانك وبيض الله وجهك
والله يرجع الغائب بصحه وعافيه


جل تقديري لك سيدي

__________________________________________________ __________
صح لسانك وسلم بنانك

أبيات رائعة

__________________________________________________ __________
الشاعر (( قيد ))

صح الله لسانك وبيض الله وجهك ولا هنت

لك مني التقدير والاحترام

أختكم:يالطيف الحشى0

تنزل الدمعه على الخد وتبين=من لمحها تشعلـه لو من بعيد
تعمي عيوني بعبره كل حين=ينفجر ماها ويغشها الصديد




اخوي قيد بيض الله وجهك وصح لسانك احساس وابداع ومعاني وجزاله

لاهنت على هذا الطرح الطيب وماقصرت وانا بنتظار جديدك

تقبل احترامي وتقديري اخوك شاعر ولكن