|
علمتني الدنيــه يا عراق
علمتني الدنيه احچي بلا كلام ......
علمتني شلون اسكت ....
وعلمتني شلون بالسكته أعيش
ويا سكوتي الماهو سكته ...
ويا مرامي إلي كبر چفه علوكته
وابگه انه ......
انه والسكته ومرامي نصنع من السكته برنو
والمشالح والرصاص يصير لبنادم كلام
نصنع من الونه للوادم غرام
نصنع من ابچانه ضحكات السلام
ومن تصير الدنيه گمره
ومن تلوح الضحكه بعيون الليالي
اضحك انه ويضحك وياي السكوت
ويضحك ويانه مرامي
يا عراق ياضوه الغبشه بليالي الحالمين
يا عراق ابتسامة شوك بعيون السنين
تبقه أنت قمة الآمال والحضن الحزين
وتبقه انت الغد المشرق
شما يطول الليل ويزيد ألونين
جفن زورگ ..
تاهت الدمعه علحده
گلب ذايب .....
ينتظر ضحكات وده
بمعبد العشاگ مطفيه شمعته
ومن تگول الوادم حچاية عتب
ومن تصيح هنا هناك
شما گرب شما بعد ذاك الشعب
الليل يگلب كلمة الحگ للچذب
الليل يتوارى على الكلمه سرب
روح مامش ..عين مامش ..خلگ مامش
وآيخلگ الله الچبير ..
المد أصابيعه علكل سچه ودرب
ينده بصوت الضماير ...
ينده بصوتين ....
الموت والدم والسماء
وصوت ينزل عالبشر
صوت أنبياء
غبشه صرنه وننتظر جيت الشمس
ويمته حلال المشاكل يطش بينه
وتصبح الدنيه عرس
أحنه بينه صوت دنيه
وما طلع بس كلمة أس
يا حبيبي يا عراق
شلون باطلهم غزانه
وحگگ الواضح حبيبي ينرفس
أصبر أصبر يا عراق
النشامه راحو تجيب الشمس
تحيات شاعر ألقصيده الشاعر المغترب |
|
رد مع اقتباس
