عنوان الموضوع : معلقتي الاولى _ أحوال المشاعر _ 100 بيت .. تفضلوا .. كلام جميل
مقدم من طرف منتديات الشامل



مساء الخير احبتي في منتديات الشامل الغالي ..



احب ان اقدم لكم هذي المعلقه البسيطه .. عسى ان ترقى لذائقتكم ..



القصيده هذه جمعت آغلب المواضيع المتداوله وحاولت ان اصيغها

بمشاعري ...


ايضا هناك تناقضات وتعاكسات ومفترضات بالقصيده ..


اتمنى ان ارى ردودا تستحق هذا العناء




المشاعر سافرت فـي مركـبٍ نوعـه رويـال = فـي خطـوطٍ اجنبيـه والسفـر يتبـع سـفـر
المشاعر ما تشـوف إلا علـى إعيـون المنـال =والمنال إبعيد دربـه لـو نشوفـه مـن حـدر
والمصيبـه لـو يقـال ان المشاعـر فإنعـزال = شاعرك يصعب على شعـره متاهـات الهجـر
الحقيقـه دربهـا ابيـض ولا يـمـه جــدال = لو تضارب من تضـارب دونهـا فاقـد نظـر
ما عرفت إن المواقف هزهـا تكشـف رجـال = مايفكر في مصيره لـو مصيـره فـي خطـر
ما عرفـت ان المواجـع غمهـا يفضـح دلال = وما حسبت ان الدلال الاعظمي مصدر ضجـر
ما عرفت ان المصايب بعضهـا تريّيـح بـال = وما عرفت ان العتايـب عزهـا بيـن الظهـر
ما عرفت ان العواقـب تخترقهـا مـن خـلال = واسطه تقضـي علـى كـل العواقـب بالامـر
علموني وش خذا عنتـر مـن إطـوال الليـال = غير دمعن مـن نثيلـه لـو يشيلـه مـا قـدر
علمونـي لـو درى الزيـر المهلهـل بالقتـال = ما ترك همـام يشـرب طـول ليلـه بالخمـر
علموني لـو تحـرر قدسنـا وش هـو المقـال = لا قصايـد تمدحـه فـي فرحتـه ولا نـثـر
علموني لو نشوف النصر في إعيـون المحـال = كان ما فاز العرب فـي معركتهـم فـي بـدر
علموني لو جواد الحـرب مـا جالـه وصـال = ما تعدى خطوته لـو خطوتـه تحـت العشـر
علموني مـن يفـك الـدم لـو عقلـه يضـال = مـا يفـك الـدم عقلـه لا مشـاري ولا بـدر
علمونـي كـم فهالدنيـا حــوادث إغتـيـال = وعلمونـي كـم ملـوكٍ دمهـم اصبـح هـدر
علموني وين قومٍ طرفهم عند الزوال = شكلهم مع فعلهم غير المباني والسرر
هو يصير إن كل من يحلم غـدا حلمـه محـال = وهو يصير ان كل مـن نـام الليالـي مدهـر
هو يصير ان المحبـه للحبيـب اكبـر وصـال = هو يصيـر ان المفـارق يحتكـم فيـه القـدر
هو يصير ان الثقه مصدرها مـن قيـلٍ وقـال = وإلا من طقـت شـوارب طولهـا مٍيـت متـر
هو يصير إن الرجل عزمـه ولا ثقـل الجبـال = كان ربي ما خلـق فـي دنيتـه قـرم وبـزر
من تفارق في هوى ساره يقـول الحـب مـال = لو يشوف إلـي هواهـم شجرتـه تنبـت ثمـر
من يشوف إبن الملّوح هـو لنـا اكبـر مثـال = مـا تهّنـى لـو تهّنـى دنيتـه تقلـب جمـر
من يعرف إن المعذب شجرتـه اطـول ظـلال = كان مـا شفنـا المفـارق ليلتـه هـم وكـدر
من لبس حمر الشمـاغ وحـط فوقـه هالعقـال = قالوا عنه انـه ارجـل مـن بهاواتـه مصـر
من يشوف البلوه إلي جت علـى غيـره وقـال = بلوتـي يحليلهـا لـو إختلـف واحـد شـبـر
عزتي (للعوجا) إلـي غربهـا (بيـت الجمـال) = وعزتي(لبورين) إلي دونهـا قريـة (خضـر)
عزتي للمغتـرب وش هـو مصيـره والمـآل = شدتـه يـد الاخـوه وإنكسـر اجمـد كـسـر
عزتي لاهل البقاع إلـي غـدوا مـن دون وآل = وعزتي لاهـل الثريـا دمعهـم اصبـح نـذر
عزتـي لاهـل السوانـي إلـي شرآبـت دلال = ما نفـع خيـره علـى سيـده ولا فـك الغـدر
عزتي لاهل المشاكل مـا يفيـده عـم وخـال = وما يفيده هاللسـان إلـي علـى حكيـه دمـر
عزتي لك يا صديقي حالتـك مـا هـي بحـال = طول عمرك ما هنيت إلا علـى فقـد البصـر
عزتي للـي مـا نـام الليـل اربـع فالتـوال = مدري وش عنده غريبـه رغبتـه يـم السهـر
ما عهدت ان الجرايـد حكيهـا حكـي الهبـال = كان ما رش الصحيفه سطرهـا يلحـق سطـر
ما عهـدت ان الليالـي مشيهـا مشـي الفيـال = لو نجوم الليل تسكـر قمرهـا مـا قـد سكـر
ما عهـدت ان القفـاري سطحهـا كلـه تـلال = وما عهدت ان البـراري سطحهـا كلـه حجـر
ما عهدت ان آخر العنقـود هـو آحـلا جمـال = وما عهدت ان اكبـر إخوانـه علـى قلبـه ودر
إن تكن صيد الذئـاب وتآكلـك سـود الذيـال = خير من كونك فيومٍ تحت ظل غصـن الشجـر
ان تكن في درب ابوبكـرٍ معـا عمـر وبـلال = خير من كونـك تبـع اشهـر ممثـل بالاجـر
ان تكن في نيتك طبـع اليميـن مـن الشمـال = خير مـن كونـك شمـالٍ نيتـه ببـع وغـدر
ان تكن سيف الحروب وتقتلـك كثـر الرجـال = خير من كونك فحضن إمك على وجـه الفجـر
خبرونـي كـم مساجـد حبهـا شـد الرحـال = وخبرونـي كـم مساجـد دونهـا دفنـت قبـر
ديرتـن فإترابهـا تحكـي متاهـات الجـيـال = غربهـا زي شرقهـا مليانـه بأنـواع العبـر
ديرتـن يـا صاحبـي إعيالهـا اكثـر عيـال = ديرتن مـن حبهـا لولهـا مـا اسطـر شطـر
ديرتن آجواءها اصفـى مـن آهـل البرتغـال = مـا تحـس الشمـس إلا وقـت قيلولـة ظهـر
قد سمعت ان الشريف اضحى على عرضه وجال = قبـل مـا تطلـع نـوار الشمـس إلا انتحـر
قد سمعت ان السمـاء اكثـر علامـات الخيـال = ما سمعنا عـن غيـومٍ تختفـي وقـت المطـر
ما سمعنا الصوم يآتي غير شوفك للهلال = واقرب الاقرب لربك وقت ما هو بالفطر
ما سمعت ان الجنوب اصبح من اصحاب الشمال = وما سمعت إن شخص ميت قالوا انـه يحتضـر
هل سمعت ان الاراضي تشتكي عـزو إحتـلال = وهل سمعت ان الاراضي مترها يحسـب شبـر
ما نشوف الحر يمشي فـي دواريـب المجـال = وما نشوف الاسر يكثر فـي دواهيـب الغجـر
ما نشوف العُـرب فـي دار العروبـه بالمثـال = وما نشوف الغرب فـي دار العروبـه ينفطـر
لو رجعنـا للعصـور السابقـه اهـل الطـوال = كان بتشـوف الحقيقـه اصلهـا نـار السمـر
لو رجعنـا للعصـور السابقـه فـوق العـلال = نظرتك تحكـم علـى شوفـت فعايلنـا الـدرر
لـو تشـوف العالـم إلـي همهـم ثقـلٍٍ ثقـال = كـان تحمـد ربـك الليلـه وبكـره والشهـر
لو تضيّـع فـي دورب الهجـر محتـاجٍ لـدال = طول عمر الادمي يمشي على ( اسأل وآضـر)
لو تبنج شخص منّـا زال منـه مـا هـو زال = بس يبقى في خيالـه انـه اكبـر مـن ضـرر
لو يموت الشخص لازم تسمع لفقده عوال = زوجته وإخته وابوه وأمه ودمعن نثر
الرجـل ماهـو بقولـه لا ولاهـو بالحـيـال = الرجـل مـا ذلـه إلا قصـرت الحيلـه كثـر
الرجـل مـا عـزه المليـون وآلالام الريـال = الرجل قوله كمـا فعلـه علـى طـول الدهـر
الرجـل لا قـام يفـزع فزعتـه يـم الخـوال = يلحقه بسط العمـام إلـي علـى دربـه خضـر
الوظيفـه يالوظيفـه بسألـك لـو هـو سـؤال = وش يفيد الكرف صبح وليـل مـا منـك قـدر
الوظيفـه يالوظيفـه عاهـدك راعـي الحـلال = ما تفارق فـي عيونـه لـو تفـارق بالجكـر
التواضـع سيمتـي والشخـص مامنـه كمـال = والكمـال الاوحـدي لله مـا هــو للبـشـر
كم قصورٍ في عصور العز اضحـت بالرمـال = وكم ملوكٍ ذاقـت العـزه وكـل شـي إندثـر
إن ضعفت فيوم في دربك علـى شـد الحبـال = ما نشوفك تنضعف لو يحترق من هـو حضـر
إلي يصفى لك على الشـده تراهـم مـن قـلال = وإلا ما يصدف احد يوقف معك طـول العمـر
الظـروف الاتيـه للغـرب عـالٍ ثـم عـال = والعرب حال العرب رايح ولا روحـت سـدر
نجمتي تبكي على حالي واشـوف الدمـع سـال = حيلتي وش حيلتي منديلـي اصبـح لـي بحـر
وش فرقنا عن معـاذ وعـن ابـي در الجـلال = غيـر ان اطباعهـم تتحلـى فانـواع الصبـر
يإلي علاقتهم فـدرب الحـب هـالٍ ثـم هـآل = المعيشه عزهـا ان جـت علـى سـر ويسـر
العقل مثل الجهاز اصبـح علـى حملـه يشـال = ما يشيل الفكر من عقلـي ولـو كانـوا هكـر
طبعنا منـذ الصغـر حسـن النوايـا وإبتهـال = ليـت ايـام الطفولـه تنتظـر وقـت الصغـر
مـا يفيـدك فالزمـن هـذا عطيـه وإلا فـال = وما يفيدك منظرك لـو منظـرك زي الغجـر
الهوى يبقـى علـى مـر السنيـن ولا يـزال = طول عمـر الادمـي حبـه بيبقـى لـه ذخـر
ديننـا ماهـو تلاعـب لا ولا هـو فإحتمـال = ومن يرواغ في حكم دينـه علـى ربـه كفـر
التوّحد ضد شغلـه هـو لنـا عكـس إنفصـال = والتوّجـد مـع تـودد حـددت حـد الـشـرر
الضيوف إلي آرحبوا أفرش لهـم عـز الـزلال = وما آرد الضيف طبعي لو يهاجـر مـن هجـر
الدراهم ما هي حيلـه كـل مـن يتعـب ينـال = لو بقيـت العمـر كلـه حيلتـي طـول الكمـر
المعيشـه اصبحـت رمـز الصوامـع للغـلال = والغلاء اصبح علـى اكثـر صوامعهـا بثـر
المشاعر اخرجـت مـن غلبهـا حـال إنفعـال = ردت الفعل الاليمـه طقطقـت ضـرس النمـر
ضربت الراس الاليمه سببت عـرض إختـلال = وخربت كل البرامج فـي عقـول اهـل الفكـر
الملـك فـاروق هـو اول ضحيـة بإجتـيـال = ما سكت قلبه طناخه غيـر مـات مـن القهـر
المبانـي طولهـا اصبـح ضحيـة وإنحـلال = وإلا تفاخـر فالفخـر والفخـر مامنـه فـخـر
الفقر ما هو بعيـب إلا علـى ذنـب إئتصـال = من يعيـش ونيتـه حيلـه يمـوت مـن الفقـر
وش بيفيد إنـي اشجـع نصرنـا وإلا الهـلال = والهلال اغلب مشاكلهـم معـا نـادي النصـر
الهوى هبه سريـع وسرعتـه حكمـت عـدال = فيها النعاشه للقلوب وتخـدم اغصـان الشجـر
اقلطي ثم اقلطي بفرشلك بقلبي زلال = وبنسى ايام العزوبه وسط حضنك بنحصر
كلي من راسي لساسي تحت أمرك بإمتثال = لو تقول إلي تقوله كلمتك تصبح آمر
يلي نشلتي قلبي الليله على اجمد نشال = طول عمري ما نشلت النشل لو نشّل ومر
ليه القطاعه يا خليلي مطلبي بس إتصال = الشحن اصبح رخيصٍ عدته يم العشر
لا تصرّف لا تعرّف حجتك بس إنشغال = كلّ الاوادم تشغتل مو انت بس راعي العذر
الجمل ما شاف عنقه لو يشوفه إستمال = كود يرمي لي الفحوله بعدها يرجع غرر
شاعرك يا صاحبي فعلـه معـا فكـره حـلال = طول عمري ما عرفت إلا الحلال اكبـر فخـر
شاعـرك لـه برتقالـه دونـه اكبـر برتقـال = ما تذوقت الطعم لا اصبحت يم القشر
شاعرك ما هو بسالي علمكم عندي يسال = الخيانه كرهها عندي كما كره الكفر
شاعرك جازم يصارع موكبه اكبر تلال = ما يرد الشاعر إلا قسوته وقت الكبر
شاعرك شاعر مشاعر بالحقيقه والخيال = ما عرفت اني قصيده والخواطر لي شعر
شاعـرك مـا يطربـه إلا حساسيـة نــوال = وما تـرّوق إذنـه إلا دن دنـت رابـح صقـر
المشاعر روغت مع مركبٍ نوع رويال = فـي خطـوطٍ اجنبيـه والسفـر مابه سفر
والمصيبـه لـو يقـال ان المشاعـر فإنعـزال = شاعرك يصعب على شعـره متاهـات الهجـر

لا إله إلا الله



بقلمي



تحيتي لكم


شاعر الانثى

>>>>> ردود الأعضـــــــــــــــــــاء على الموضوع <<<<<
==================================

عدنان العنزي

شاعر الأنثى

صح لسانك أخوي

و عساك عالقوة...

المشاعر في معلقتك تناثرت مني عند قرآتي الأولى لها لذا إستعنت بمسودتي

لأباشر بعضا ٌ من مشاعرك لعلني أسطر و لو قليلا ٌ من حقها .....

***

المشاعر في الحب

المحبة زرعت بيننا أيها الغالي و تبادلنا النظرات من النظرة الأولى سكنت قلبي

و لم أستطع طردك منه فأنت من كنت أنتظره عش مع الحب و لا تهجره فهو قاس جدا على المحبين ....

***

المشاعر في المواقف يا حبيبي

أنت فارسها في عيني و مواقفك إما أن ترفعك إلى سمائي

و إما أن تكون في الأرض و لا أستطيع رؤياك فالمواقف يا فارسي تكشف الرجال ....

***

المشاعر في تاريخ الحب

أنظر لكل من ذكرهم التاريخ و خلدهم كأسطورة لنا

أنظر إلى الذين ذاقو الحب و ذاقو لوعاته

ما تأثروا بكل تلك الرياح العواصف التي أبعدتهم

أريدك يا أميري ثابتا لا أريد أن يخلدنا التاريخ يوما مثلهم يكفيني أن أخلد في قلبك و تخلد في قلبي ...

***

المشاعر و القدس

قدسنا و القدس و النصر لك يوما ً إن الله ممهل لا مهمل لا تقلققي فمحبيك كثر

و الغائرين أكثر و العودة باتت أقرب فالمسلمين غزواتهم تشهد لهم بأن النصر آت آت

فبعزة الله و برسوله و بكلمة التوحيد تخضر جميع البقاع على الأرض

الإغتيال إنما هو إمتحان لصبرك و لصبرنا فما بعد الصبر إلا الفرج

و ما بعد الظلمة إلا النور .....

***

تمنياتي لك مزيدا من التقدم و النجاح

تقبل حضوري الطويل

و أعتذر للتقصير


تحياتي

من أختك $هدوءالليل$



__________________________________________________ __________
لا إله إلا الله


ماء شاء الله


عدنون

صح لسانك وعلا شانك

كتبت فا ابدعت كا عادتك


رائعة الكلمات



100 بيت من الابداع

من جمالهم لم نصب با الممل في قرائتهم با تمتعنا كثيراً


دمت ودام نزف قلمك


__________________________________________________ __________
علموني وش خذا عنتر من إطوال الليال=غير دمعن من نثيله لو يشيله ما قدر
علموني لو درى الزير المهلهل بالقتال = ما ترك همام يشرب طول ليله بالخمر


والمصيبه لو يقال ان المشاعر فإنعزال=شاعرك يصعب على شعره متاهات الهجر

الله اكبر يا شاعر الأنثى

اخوي / عدنان العنزي
صح لسانكـ وبيض الله وجهكـ
كفيت ووفيت
أبيات تحمل معاني قيّمة ومشاعر صادقة
لكـ كل التقدير والاحترام (الخاص)
دمت بخير

__________________________________________________ __________
ما عرفت إن المواقف هزها تكشف رجال
مايفكر في مصيره لو مصيره في خطر
**
علموني لو تحرر قدسنا وش هو المقال
لا قصايد تمدحه في فرحته ولا نثر
**
عزتي للي ما نام الليل اربع فالتوال
مدري وش عنده غريبه رغبته يم السهر
**
ان تكن في درب ابوبكرٍ معا عمر وبلال
خير من كونك تبع اشهر ممثل بالاجر
**
إلي يصفى لك على الشده تراهم من قلال
وإلا ما يصدف احد يوقف معك طول العمر
**
وش فرقنا عن معاذ وعن ابي در الجلال
غير ان اطباعهم تتحلى فانواع الصبر
**
الفقر ما هو بعيب إلا على ذنب إئتصال
من يعيش ونيته حيله يموت من الفقر
**
شاعرك شاعر مشاعر بالحقيقه والخيال
ما عرفت اني قصيده والخواطر لي شعر
**

شااااعر الانثى

شااااعر الابدااع

شاااعرنا ,, عسى ربيـ يحرسهـ


كلها ,, بيتـ بيتـ .. حرفـ حرفـ

غصتـ بالحقايقـ والحكمـ .,

الفـ صحـ اللهـ لسانكـ ولاهنتـ ..

لكـ وديـ واحتراميـ

اختكـ : إحساســـ جليــد ـــي ,,

__________________________________________________ __________
شاعرنا الرائع

عدنان العنزي

الله عليك كل بيت منها قصيد لحالة

ماشاء الله كلامات رائعة ومعنى روعة وشاعرهم فوق الاروع

من حلتها ماوديت تنتهي ليتك اضفة ميتـ زيادة

وربي مو عارفة ويش اقول من ادهشة بس يقال الصمت في حرم الجمال جملآ

وصح لسانك مدد بلا عدد

عساك ع القوة دوم

ماشاء الله لا اله الا الله طويللللللللللله مرررررررره + حللللللللوه

لاتعليق اكثر من كذا ابدااااااااااع